جادالله عثمان**جارو الاهل خلوكي

ﺟﺎﺭﻭﺍ ﺍﻷﻫﻞ ﺧﻠﻮﻛﻰ ﺗﺘﺒﺎﻛﻰ ﺑﻴﻦ ﻧﺎﺭﻳﻦ
ﻧﺎﺭ ﺍﻟﻈﻠﻢ ﻭﺍﻟﺠﻮﺭ ﻭﺑﻌﺪ ﺍﻟﺤﺒﻴﺐ ﺍﻟﺰﻳﻦ
ﻇﻠﻤﻮﻛﻰ ﻓﻰ ﺃﻓﺮﺍﺡ ﺭﺍﺟﺎﻫﺎ ﻟﻴﻜﻰ
ﺳﻨﻴﻦ
ﻛﺘﻠﻮ ﺍﻟﻔﺮﺡ ﺟﻮﺍﻙ ﻭﺋﺪﻭﺍ ﺍﻟﺴﻌﺎﺩﺓ ﺟﻨﻴﻦ
ﺧﻠﻮﻛﻰ ﺯﻯ ﻃﻔﻼً ﺑﺎﻛﻰ ﻭﺗﻤﻠﻰ ﺣﺰﻳﻦ
ﻭﻋﺎﻳﺶ ﺣﻴﺎﺗﻮ ﻋﺬﺍﺏ ﻣﺎﺑﻴﻦ ﻧﻮﺍﺡ ﻭﺃﻧﻴﻦ
ﻟﻮﻗﺪﺭﻭﺍ ﺟﺎﺭﻭﺍ ﻋﻠﻰ ﻭﺷﺎﻟﻮﻛﻰ ﻣﻦ
ﺍﻟﻌﻴﻦ
ﺣﺘﻈﻠﻰ ﻓﻰ ﺟﻮﺍﻱ ﻳﻘﺪﺭ ﻳﺸﻴﻠﻚ ﻣﻴﻦ
ﻻﺗﺒﻜﻰ ﺗﺸﻜﻰ ﺍﻟﺒﻴﻚ ﻳﺒﻘﻦ ﻋﻠﻰ ﻫﻤﻴﻦ
ﻣﺎﺑﻴﺘﺤﻤﻠﻮ ﺑﻜﺎﻙ ﻗﻠﺒﻰ ﺍﻟﻌﻠﻴﻚ ﺣﻨﻴﻦ
ﺑﻴﻨﺎﺗﻨﺎ ﺧﺘﻮ ﺃﻣﻴﺎﻝ ﺷﺎﻥ ﻧﺘﻔﺮﻕ ﻧﺎﺳﻴﻦ
ﺇﻧﻮ ﺍﻟﺤﺒﻴﺐ ﺑﺎﻟﺸﻮﻕ ﺑﻴﻄﻴﺮ ﺑﻼﺟﻨﺤﻴﻦ
ﺃﻧﺎ ﻣﺎﻣﺘﻪ ﻣﻮﺗﺖ ﺫﻟﻪ ﺍﻧﺎ ﻣﺖ ﺑﻰ ﺳﻜﻴﻦ
ﻟﻜﻦ ﻗﺪﺭﺑﻰ ﺻﺪﻳﻖ ﺑﻰ ﺳﻴﻒ ﺧﻴﺎﻧﺔ
ﺳﻨﻴﻦ
ﻻﻣﻴﻨﻰ ﻟﻴﻞ ﻭﻧﻬﺎﺭ ﻋﺎﺭﻑ ﺍﻟﺸﻬﻴﺮ ﻭﺩﻓﻴﻦ
ﻭﺭﻳﺘﻮ ﺃﺩﻕ ﺃﺳﺮﺍﺭ ﻣﺎ ﻛﺎﻥ ﻋﻠﻴﻬﺎ ﺃﻣﻴﻦ
ﺻﺒﺮﺍً ﻋﻠﻰ ﺍﻷﻳﺎﻡ ﻳﻤﻜﻦ ﺷﻮﻳﻪ ﺗﻠﻴﻦ
ﺗﺠﻤﻌﻨﺎ ﺑﻌﺪ ﺍﻟﺤﺎﻝ ﻧﻨﺴﺎﻫﻮ ﻣﺮ ﺍﻟﺒﻴﻦ
ﻭﻛﺖ ﺍﻧﺘﻰ ﺯﻯ ﺗﻤﺎﻡ ﻭﻗﻠﻮﺑﻨﺎ ﻣﺘﻌﺎﻫﺪﻳﻦ
ﺣﻨﻌﻴﺶ ﺣﻴﺎﺗﻨﺎ ﺃﺣﺒﺎﺏ ﻭﻧﺸﻮﻑ ﺣﻴﺨﺴﺮ
ﻣﻴﻦ