عثمان عوض ضرار***دسي في عينيك مناي

ﺩﺳﻲ ﻓﻲ ﻋﻴﻨﻴﻚ ﻣﻨﺎﻳﺎ
ﻭﻋﻮﺩﻱ ﻟﻸﻳﺎﻡ ﺣﻜﺎﻳﻪ
ﻣﺎﺷﻪ ﻭﻳﻦ ﻣﻦ ﻓﻴﺾ ﺣﻨﺎﻧﻲ
ﻭﺩﺍﺧﻠﻪ ﻭﻳﻦ ﻣﻦ ﺷﻮﻕ ﻫﻮﺍﻳﺎ
ﻳﻌﻨﻲ ﻋﺎﻳﺰﻩ ﺗﺴﻴﺒﻲ ﻋﻤﺮﻱ
ﻟﻠﺠﺮﺍﺡ ﺗﻨﻬﺶ ﺳﻨﻴﻨﻮ
ﻭﻗﻠﺒﻲ ﻭﻳﻦ ﺡ ﻳﻮﺩﻱ ﺣﺒﻮ
ﻭﻟﻬﻔﺘﻮ ﻭﺃﻣﻄﺎﺭ ﺣﻨﻴﻨﻮ
ﻭﻣﻴﻦ ﺡ ﻳﺴﻘﻒ ﻟﻴﻞ ﻏﻨﺎﻳﺎ
ﺑﺎﻟﻨﺪﻯ ﻭﻳﻐﺴﻞ ﺃﻧﻴﻨﻮ
ﻭﺑﺎﻟﺮﺣﻴﻖ ﻳﻜﺘﺐ ﻗﺼﺎﻳﺪﻱ
ﻭﺧﺎﻃﺮﻱ ﺑﺎﻹﺷﺮﺍﻕ ﻳﻌﻴﻨﻮ
ﻣﺎﺷﻪ ﻭﻳﻦ ﻭﺃﻧﺎ ﻟﺴﻪ ﻭﺍﺻﻞ
ﻣﻦ ﻣﺸﺎﻭﻳﺮ ﻓﻲ ﻋﻴﻮﻧﻚ
ﻗﻮﻟﻲ ﺑﺲ ﺭﺍﺡ ﺗﻤﺸﻲ ﻭﻳﻦ
ﻭﺃﻧﺎ ﻗﻠﺒﻲ ﻛﻮﻧﻚ
ﻭﻛﻠﻲ ﺳﻜﺔ ﺗﻮﺩﻱ ﻟﻴﻜﻲ
ﻭﺁﻫﻪ ﺑﺘﺨﻔﻒ ﺷﺠﻮﻧﻚ
ﻭﻏﻨﻴﻪ ﺗﺤﻮﻱ ﺟﻨﻮﻥ ﺟﻨﻮﻧﻲ
ﻭﺇﺯﺩﻫﺎﺭ ﺣﺰﻧﻲ ﻭﻓﻨﻮﻧﻚ
ﺃﻱ ﺭﻋﺸﺔ ﺷﻮﻕ ﻣﺴﺎﻓﺮﻩ
ﻟﻴﻬﺎ ﺭﻳﺪﻙ ﺇﺗﺠﺎﻩ
ﻭﺃﻱ ﻟﻴﻞ ﻳﻌﺒﺮﻧﻲ ﺭﺍﺣﻞ
ﺑﺪﻱ ﻣﻦ ﺣﺴﻨﻚ ﺻﺒﺎﺡ
ﻭﺃﻱ ﻃﻴﻒ ﻣﻨﻚ ﻳﺠﻴﻨﻲ
ﻳﻤﻸ ﻋﻴﻨﻲ ﺇﺭﺗﻴﺎﺡ
ﻭﻳﻤﺸﻲ ﻓﻲ ﺇﺣﺴﺎﺳﻲ ﺟﻨﺔ
ﻭﻧﻴﻞ ﻣﺤﻨﻪ ﻭﺇﻧﺸﺮﺍﺡ
ﻻ ﺍﻷﻟﻢ ﻧﺴﺎﻧﻲ ﻟﺤﻈﺔ
ﻓﺎﺡ ﻋﺒﻴﺮﻙ ﻓﻲ ﺍﻟﻨﺴﺎﻳﻢ
ﺫﻛﺮﻱ ﻣﻦ ﺃﻳﺎﻡ ﻫﻮﺍﻧﺎ
ﻓﻲ ﻃﻔﻮﻟﺘﻮ ﺟﻤﻴﻞ ﻭﺣﺎﻟﻢ
ﻭﺍﻟﺰﻣﻦ ﺭﺣﻠﺔ ﻣﺮﺍﻛﺒﻲ
ﺑﻴﻦ ﺿﻔﺎﻑ ﺃﺭﻭﻉ ﻣﻮﺍﺳﻢ
ﻭﻛﺎﻥ ﺃﻏﺎﻧﻲ ﺍﻟﻔﺮﺣﻪ ﺗﺼﺪﺡ
ﻭﺑﻲ ﺣﺮﻭﻑ ﺍﻟﺮﻳﺪ ﺗﻨﺎﻏﻢ
ﻧﺤﻨﺎ ﻋﺎﻫﺪﻧﺎ ﺍﻟﻤﺸﺎﺭﻕ
ﺇﻧﻮ ﻣﺎﻳﻄﻮﻑ ﺑﻴﻨﺎ ﻟﻴﻞ
ﺟﺎﻳﻲ ﻣﻦ ﺃﺣﺰﺍﻥ ﻫﻮﺍﻧﺎ
ﻭﻣﻦ ﺩﻳﺎﺟﻲ ﺍﻟﻤﺴﺘﺤﻴﻞ
ﺃﺻﻠﻲ ﻣﺎﺇﺗﺨﻴﻠﺖ ﺻﺒﺮﻙ
ﺭﻏﻢ ﺇﻧﻲ ﻣﻌﺎﻙ ﻳﻌﻴﻞ
ﺃﻭ ﻳﻐﻴﺐ ﺇﻳﻤﺎﻥ ﻋﻴﻮﻧﻚ
ﺑﻲ ﻭﻋﻮﺩ ﻗﻠﺒﻲ ﺍﻟﻨﺒﻴﻞ