عثمان عوض ضرار***اخر الاخبار

ﺁﺧﺮ ﺍﻷﺧﺒﺎﺭ ﺑﺤﺒﻚ ﻭﻗﻠﺒﻲ ﻋﻨﺪﻙ ﻣﻦ
ﺯﻣﺎﻥ
ﻭﻛﻠﻲ ﺯﻱ ﻣﺎ ﺇﻧﺘﻲ ﻋﺎﺭﻓﺔ ﻟﻲ ﻫﻮﺍﻙ
ﻭﺍﻟﺸﻮﻕ ﻣﻜﺎﻥ
*******
ﺣﺎﺟﻪ ﻓﻲ ﺻﻤﺘﻚ ﺑﺘﻤﻄﺮ ﻭﺗﺴﻘﻲ
ﺣﺮﻓﻚ ﺑﺎﻟﻨﺪﺍﻭﺓ
ﻭﺃﻱ ﻛﻠﻤﺔ ﺗﺠﻴﻨﻲ ﻣﻨﻚ ﻓﻴﻬﺎ ﻣﻦ ﻟﻄﻔﻚ
ﻃﺮﺍﻭﺓ
ﻣﻴﻦ ﻧﻘﻮﻝ ﻳﻤﻜﻦ ﻳﺸﺎﺑﻬﻚ ﺃﻭ ﻳﻘﺎﺭﺑﻚ ﻓﻲ
ﺍﻟﺤﻼﻭﺓ
ﻓﻲ ﺍﻟﺮﺑﻴﻊ ﺃﺯﻫﺎﺭ ﺑﺘﺬﺑﻞ ﻭﻓﻲ ﺍﻟﻘﻤﺮ
ﺩﺍﻳﻤﺎ ﻏﺸﺎﻭﺓ
*******
ﺁﺧﺮ ﺍﻷﺧﺒﺎﺭ ﻋﻴﻮﻧﻚ ﻣﺎﺑﺘﻔﺎﺭﻕ ﺧﺎﻃﺮﻱ
ﺃﺻﻠﻮ
ﻭﻻﻋﻴﻮﻧﻲ ﻓﻲ ﺯﻭﻝ ﺧﻼﻓﻚ ﻓﻴﻬﺎ ﺭﺳﻤﻮ
ﻭﺷﻜﻠﻮ ﻳﺤﻠﻮ
ﺭﻳﺪﻧﺎ ﻃﺎﻋﻢ ﺑﻲ ﻋﺬﺍﺑﻮ ﻭﺇﺷﺘﻴﺎﻗﻮ ﻭﻃﻬﺮ
ﻭﺻﻠﻮ
ﻭﻳﺎﺟﻤﺎﻝ ﻟﺤﻈﺔ ﻟﻘﺎﻧﺎ ﺍﻟﻤﻦ ﺧﺼﺎﻡ
ﻭﺯﻋﻞ ﺑﺘﺨﻠﻮ
*******
ﺷﻔﺘﻲ ﻛﻴﻒ ﺃﺧﺒﺎﺭﻱ ﺣﻠﻮﺓ ﻭﻛﻴﻒ ﻣﻊ
ﺣﺒﻚ ﺣﻴﺎﺗﻲ
ﻭﻛﻴﻒ ﺣﺮﻭﻑ ﺍﻟﺸﻮﻕ ﺑﺘﺼﺒﺢ ﻗﺼﺔ
ﺗﺤﻜﻴﻬﺎ ﺃﻏﻨﻴﺎﺗﻲ
ﻭﺷﻔﺘﻲ ﻛﻴﻒ ﻃﻴﻔﻚ ﺻﺪﻳﻘﻲ ﻭﻛﻴﻒ
ﻳﺂﻧﺲ ﺃﻣﺴﻴﺎﺗﻲ
ﻭﻣﺎﺣﺼﻞ ﺭﺍﻓﻘﻨﻲ ﻏﻴﺮﻙ ﻓﻲ ﻣﺸﺎﻭﻳﺮ
ﺃﻣﻨﻴﺎﺗﻲ
*******
ﻟﻴﻪ ﺑﺘﺴﺄﻟﻲ ﻭﺇﻧﺘﻲ ﻋﺎﺭﻓﺔ ﻣﺎﻓﻲ ﻣﻨﻲ
ﻋﻠﻴﻚ ﻣﺨﺎﻓﺔ
ﻭﺇﻧﺘﻲ ﺃﺟﻤﻞ ﻭﺭﺩﺓ ﻋﻤﺮﻱ ﻓﻲ ﺭﺑﻴﻊ
ﺍﻟﺪﻧﻴﺎ ﺷﺎﻓﺔ
ﻭﻛﻢ ﻟﻘﻴﺘﻲ ﺃﺷﻮﺍﻗﻲ ﻋﻨﺪﻙ ﺟﺎﻳﺔ ﻣﻦ
ﺃﺑﻌﺪ ﻣﺴﺎﻓﺔ
ﻭﻻﺩﺍﻳﺮﺓ ﻳﺰﻳﺪ ﺃﻣﺎﻧﻚ ﻭﺻﺒﺮﻱ ﺯﺍﻳﺪ ﻓﻲ
ﺍﻟﻨﺤﺎﻓﺔ
*******
ﺇﻧﺘﻲ ﻗﺪﺭﻱ ﺍﻟﺴﺎﻕ ﺧﻄﺎﻳﺎ ﻟﻲ ﻋﻮﺍﻟﻢ ﻣﻦ
ﺳﻌﺎﺩﺓ
ﻭﺣﺒﻲ ﻟﺤﻈﺔ ﺇﻧﻲ ﻃﺎﻟﻊ ﻟﻲ ﺣﻴﺎﺗﻲ ﻛﺎﻥ
ﺃﻋﺎﺩﺓ
ﺃﻱ ﻏﻴﻤﺔ ﺣﻨﻴﻦ ﻋﻴﻮﻧﻚ ﻭﺃﻱ ﺻﻴﻒ ﻣﻦ
ﻧﺎﺭ ﻋﻨﺎﺩﺓ
ﻭﻣﻦ ﻫﻮﺍﻱ ﺍﻟﻨﺎﺱ ﺑﺘﻬﻮﻱ ﻭﻣﻦ ﺳﻬﺎﺩﻱ
ﺗﺸﻴﻞ ﺳﻬﺎﺩﺓ