رامي قسم السيد***البنيه الجايه مني

ﺍﻟﺒﻨﻴﺔ ﺍﻟﺠﺎﺍﺍﺍﺍﺍﺍﻳﺔ ﻣﻨﻲ
ﻭﻏﻴﺮﺕ ﺳﻜﺔ ﻣﺴﺎﺭﻱ
ﻭﺷﺎﺍﺍﺍﻳﻠﻪ ﻗﺸﻬﺎ ﺟﺎﻱ ﻃﺎﻟﻌﺔ ﻋﻠﻲ
ﻃﺮﻳﻘﻬﺎ
ﻣﻊ ﺍﻟﻌﺼﺎﺍﺍﺍﺍﺍﺍﺍﺍﺍﺍ ﺍﺭﻱ
،
،
ﺇﻧﺘﻈﺮﺗﻬﺎ ﻣﻨﻲ ﺗﻄﻠﻊ ،@،
ﻭﺗﻄﺮﺩ ﺍﻟﻠﻴﻞ ﻣﻦ ﻧﻬﺎﺭﻱ
ﻭﺗﺴﺘﻘﺮ ﻓﻲ ﻗﻠﺒﻲ ﺗﺴﺮﺡ
ﻭﺗﺮﻋﻰ ﻟﻲ ﻛﻞ ﺍﻟﺒﺮﺍﺍﺍﺍﺍﺍﺭﻱ
ﻭﻣﻦ ﺑﻠﺪﻧﺎ ﺃﻧﻮﺍﺭﻫﺎ ﺗﺸﻠﻊ
ﻭﺗﺴﻘﻲ ﺑﺘﺤﻨﺎﻥ ﺧﺪﺍﺭﻱ
ﻭﺗﺒﻘﻰ ﺫﻱ ﺍﻟﻨﺨﻠﺔ ﺷﺎﻣﺨﺔ
ﻭﻣﺎﺑﻴﻐﻴﺮﻫﺎ ﺃﻱ ﻃﺎﺍﺍﺍﺭﻱ
،
،
ﺷﻔﺖ ﻓﻴﻬﺎ ﺟﻤﺎﻝ ﺃﻫﻠﻨﺎ
ﻭﻛﻞ ﺗﻐﺮﻳﺪ ﺍﻟﻘﻤﺎﺍﺍﺭﻱ
ﻭﺣﻦ ﺑﻴﻮﺗﺎﺍﺍﺗﻨﺎ ﺍﻟﻘﺪﻳﻤﺔ
ﻭﺍﻟﻤﻄﺎﻣﻴﺮ ﻭﺍﻟﺠﺮﺍﺭﻱ
ﻭﺭﻭﻋﺔ ﺍﻟﻐﺒﺶ ﺍﻟﺒﻴﺰﺭﻋﻮﺍ
ﺑﺎﻟﺴﻼﻟﻴﻴﻚ ﻭﺍﻟﻄﻮﺍﺍﺍﺍﺭﻱ
ﺷﺎﺍﺍﺍﻥ ﻳﻌﻤﺮﻭﺍ ﻟﻲ ﺑﻠﺪﻧﺎ
ﻭﻳﻤﻠﻮﺍ ﺑﺎﻟﺨﻴﺮﺍﻥ ﺩﻳﺎﺭﻱ
،
،
ﻟﻮﻳﺠﻴﺒﻮﺍ ﺍﻟﺪﻧﻴﺎ ﻛﻠﻬﺎ
ﻣﺎﺑﻐﻴﺮ ﻟﻲ ﻗﺮﺍﺍﺍﺭﻱ
ﻭﺗﺎﺍﺍﺍﺍﺍﻧﻲ ﻟﻮﺧﻠﻮﻧﻲ ﺇﺧﺘﺎﺭ
ﺑﺮﺿﻮ ﺑﺘﻜﻮﻥ ﻫﻲ ﺇﺧﺘﻴﺎﺭﻱ
ﻟﻮﺃﻋﻴﺶ ﻭﺣﺪﺍﻧﻲ ﻏﻴﺮﻫﺎ
ﻭﺃﺑﻘﻰ ﺃﺑﺎﺫﺭ ﺍﻟﻐﻔﺎﺍﺍﺍﺭﻱ
ﻓﻲ ﺭﺻﻴﻒ ﺍﻟﻬﻢ ﺑﻜﻮﻭﻭﻉ
ﻭﺃﺭﺿﻰ ﺃﻥ ﻳﻔﻮﺕ ﻗﻄﺎﺭﻱ
،
،
ﻓﻲ ﺩﻭﻳﻢ ﻭﺩﺣﺎﺝ ﺷﻘﺘﻨﻲ
ﻭﺍﺟﺒﺮﺗﻨﻲ ﺃﺩﻗﻮ ﻃﺎﺍﺍﺍﺍﺭﻱ
ﻭﺃﺷﺪﻭ ﺑﺎﻷﺫﻛﺎﺍﺍﺍﺍﺭ ﻭﺃﺭﺗﻞ
ﻳﻮﻡ ﺑﻘﺖ ﺗﺴﺒﻴﺤﻲ ﻭﺣﻮﺍﺭﻱ
ﻭﻓﻲ ﻋﻴﻮﻧﻬﺎ ﺳﺮﺣﺖ ﻣﺮﺓ
ﻭﻧﻈﺮﺓ ﺑﺲ ﺟﺎﺑﺖ ﺧﺒﺎﺭﻱ
ﻭﻟﻴﺎ ﺇﺑﺘﺴﻤﺖ ﻣﻮﻭﺩﻋﺔ
ﺯﻭﺩﺕ ﺍﻟﻤﻲ ﻭﻭﺩﺍﺭﻱ
،
،
ﺟﺎﺗﻨﻲ ﻋﺰ ﺍﻟﺮﻳﺢ ﻣﺮﻳﻜﺐ
ﻟﻤﺎ ﻏﺮﻗﺖ ﺑﻲ ﺑﺤﺎﺍﺍﺍﺍﺍﺭﻱ
ﻭﻗﺮﺑﺖ ﺑﻌﺪ ﺍﻟﻤﺴﺎﺍﺍﺍﺍﺍﺍﻓﺔ
ﻭﺧﻔﻔﺖ ﺷﻮﻕ ﺇﻧﺘﻈﺎﺭﻱ
ﺩﻧﻘﺮﺕ ﻓﻲ ﺍﻟﻨﻴﻞ ﺗﻌﺎﻳﻦ
ﺷﺎﻓﺖ ﺍﻟﻨﻴﻞ ﻓﻴﻬﺎ ﺟﺎﺭﻱ
ﻭﻗﺮﺭﺕ ﺗﺪﻳﻬﻮ ﺭﺍﺍﺍﺍﺍﺍﺍﺍﺍﻓﺪ
ﻭﺗﺴﻘﻲ ﻟﻜﻞ ﺍﻟﺼﺤﺎﺭﻱ