رامي قسم السيد***الشوق يطير

ﺍﻧﺎ ﻣﺎﻟﻲ ﻣﺎﻝ ﺍﻟﺸﻮﻕ؟
ﺍﻟﺸﻮﻕ ﻳﺮﻭﺡ ﻓﻲ ﺩﺍﻫﻴﻪ
ﺍﺷﺘﻘﺖ ﻟﻴﻚ ﻳﺎ ﺷﻮﻕ
ﺷﻮﻕ ﺍﻟﻤﺮﻳﺾ ﻟﻠﻌﺎﻓﻴﻪ
ﺍﻧﺎ ﻣﺎﻟﻲ ﻣﺎﻝ ﺍﻟﺸﻮﻕ؟
ﺑﻠﻘﺎﻛﻲ ﻓﻲ ﺧﺎﻃﺮﻱ
ﺩﺍﻳﻤﺎ ﻋﺰﻳﺰﻩ ﻭﻏﺎﻟﻴﻪ
ﻭﻗﻠﺒﻚ ﺑﺸﻮﻓﻮ ﺣﻨﻴﻦ
ﻭﻣﻼﻥ ﺣﻨﺎﻥ ﻳﺎ ﻗﺎﺳﻴﻪ
ﻭﺍﻟﻠﻪ ﺍﻧﺘﻲ ﻫﻮﺍﻙ
ﻟﻮ ﻛﺎﻥ ﺗﺠﻴﺒﻮﺍ ﺍﻟﻌﺎﻓﻴﻪ
ﻛﺎﻥ ﻻﺟﻠﻮ ﺷﻠﺖ ﺳﻼﺡ
ﻭﺗﺒﻌﺖ ﻧﺎﺱ ﺍﻟﻤﺎﻓﻴﺎ
ﻋﺼﻔﻮﺭ ﻫﻮﺍﻙ ﺍﻟﺘﺎﻩ
ﻃﻮﻝ ﻣﻔﺎﺭﻕ ﺩﺍﺭﻭ
ﻭﻧﻮﺭﻙ ﺑﻴﻀﻮﻱ ﺍﻟﻜﻮﻥ
ﻭﺣﺎﺭﻣﻨﻲ ﻣﻦ ﺍﻧﻮﺍﺭﻭ
ﻛﻞ ﻣﺎ ﺍﻗﻮﻝ ﺍﻧﺴﺎﻙ
ﻭﻫﻮﺍﻛﻲ ﺍﻓﻮﺗﻮ ﻣﺪﺍﺭﻭ
ﺩﺍﻳﻤﺎ ﻗﻠﻴﺒﻲ ﻳﻘﻮﻝ
ﻟﻲ ﻛﻞ ﺯﻭﻝ ﺍﻋﺬﺍﺭﻭ
ﺍﻟﺰﻫﺮ ﻓﻲ ﺍﻟﺒﺴﺘﺎﻥ
ﻋﺎﻧﺪ ﻓﺮﺍﺷﺎﺗﻮ
ﻭﺍﻟﺨﺎﻃﺮ ﺍﻟﻤﺠﺮﻭﺡ
ﻣﺎ ﻏﻨﻲ ﻏﻨﻮﺍﺗﻮ
ﺍﻟﺰﻛﺮﻱ ﻓﻲ ﻛﻞ ﺣﻴﻦ
ﻟﻠﻮﺩﻋﻮﺍ ﻭﻓﺎﺗﻮ
ﻭﻳﻦ ﺗﺎﻧﻲ ﻳﻠﻘﻲ ﺍﻣﺎﻥ
ﺯﻭﻻ ﻓﻘﺪ ﺫﺍﺗﻮ
ﺍﻧﺘﻲ ﺍﻟﻨﺰﻟﺘﻲ ﺧﺮﻳﻒ
ﺧﺪﺭﺗﻲ ﻟﻲ ﻭﺍﺩﻳﻬﻮ
ﻭﻓﻲ ﻟﻴﻠﻮ ﻛﻨﺘﻲ ﻧﺠﻴﻢ
ﺷﺎﻥ ﻣﺎ ﻳﻀﻴﻊ ﺗﻬﺪﻳﻬﻮ
ﻛﻴﻒ ﻫﺎﻥ ﻏﺮﺍﻣﻮ ﻋﻠﻴﻚ
ﻭﺑﻌﺪﺗﻲ ﻋﻦ ﺷﺎﻃﻴﻬﻮ
ﻭﺳﺒﺘﻴﻬﻮ ﻟﻼﻻﻡ
ﻳﺠﺘﺮﻩ ﻓﻲ ﻣﺎﺿﻴﻬﻮ
ﻟﻮ ﺍﻧﺘﻲ ﻣﺎﺷﻪ ﺧﻼﺹ
ﺳﺎﻳﺒﺎﻧﻲ ﻟﻲ ﺍﺣﺰﺍﻧﻲ
ﺍﻧﺎ ﺑﺮﺿﻲ ﺑﺎﻟﺤﺮﻣﺎﻥ
ﻟﻮ ﻳﺴﻌﺪﻙ ﺣﺮﻣﺎﻧﻲ
ﻟﻜﻨﻲ ﺑﺴﺘﻨﺎﻙ
ﺗﺠﻲ ﻟﻼﻣﺎﻧﻲ ﺍﻣﺎﻧﻲ
ﻭﻗﺪﺭﺍ ﺣﺮﻣﻨﻲ ﻟﻘﺎﻙ
ﻻﺑﺪ ﻳﺠﻴﺒﻚ ﺗﺎﻧﻲ
ﻛﺎﻥ ﻣﺎﻟﻲ
ﻣﺎﻝ ﺍﻟﺸﻮﻕ!..