خالد الباشا**احلامنا الجايه

ﻏﺒﺖ ﻭﺟﻴﺖ ﻣﻦ ﻭﻳﻦ
ﻳﺎﻏﺎﻟﻲ .. ﺗﻔﺘﺢ ﺑﺎﺏ
ﺍﻟﺤﺐ ﺟــــــــــﻮﺍﻳﺎ
ﺷﻦ ﺳﻮﻳﺖ ﻓﻲ ﺍﺣﻼﻣﻨﺎ
ﺍﻟﻔﺎﺗﺖ .. ﺟﺎﻳﻲ ﺗﻜﻮﺱ
ﺍﺣﻼﻣﻨﺎ ﺍﻟﺠﺎﻳﺎ
****
ﺿﻤﻀﻤﻨﺎﻙ ﻳﺎﻟﺠﺮﺡ
ﺍﻟﻨﺎﺯﻑ .. ﻭﺩﺳﺪﺳﻨﺎﻙ ﻓﻲ
ﺟــﻮﻓﻨﺎ ﺷﻈﺎﻳﺎ
ﻭﺗﺎﻭﺭﻧﺎﻙ.... ﻓﻲ ﺍﻟﺰﻣﻦ
ﺍﻟﻨﺎﺷـــــﻒ ..
ﻛﻮﺭﻛــــــﻨﺎﺑﻚ ﻳﺎﻣﻮﻻﻳﺎ
ﻋﻀﻴﻨﺎﺑﻚ ﺟﻤﺮ
ﺻﺒﺮﻧﺎ....ﻭﺻﺒﺮﻱ ﻳﺰﻳـﺪ
ﺍﻟﻌﺸﺘﻮ ﺑﺮﺍﻳــــــــــــﺎ
ﺟﻴﺖ ﻣﻦ ﻭﻳﻦ... ﻭﺍﻧﺎ ﻟﺴﻪ
ﺑﺮﻳﺪﻙ ..ﻭﻟﺴﻪ ﻋﻴﻮﻧﻲ
ﻋﻠﻴﻚ ﺑﻜﺎﻳﺎ
****
ﺁﻩ ﻣﻦ ﻗﻠﺒﻚ ..... ﻭﻗﻮﺓ
ﻗﻠﺒﻚ ..... ﻳﻮﻡ ﺗﺎﻗﻴﺖ
ﺍﻟﺒﺎﺏ ﺗﺎﻻﻳـــــــﺎ
ﻳﻮﻡ ﻟﻤﻠﻤﺖ ﻭﺳـــــﺎﻉ
ﺍﻟﺤِﻠِﻲ .. ﻭﻳﻮﻡ ﺿﻴﻘﺖ
ﻋﻠﻲ ﺩﻧﻴﺎﻳـــــــــﺎ
ﺃﺑﻜﻲ ﻋﻠﻴﻚ.. ﻭﺃﺑﻮ
ﺍﻟﺘﻴﺘﻲ..... ﺃﺑﻜﻲ
ﻣﻌـــــــــﺎﻫﻮ ﻭﻳﺒﻜﻲ
ﻭﺭﺍﻳﺎ
ﻭﻳﻦ ﻏﻄّﺴﺖ ﺣﺠﺮ
ﺍﻓﺮﺍﺣﻲ .. ﻭﻳﻦ ﺑﺪﺩﺕ......
ﺍﻟﻀﻮ ﺟﻮﺍﻳــــﺎ
ِ*****
ﺕِﺑِﻨﻲ ﻭﻟِﺒِِﻨﻲ..... ﻭﺭﺍﻙ
ﺃﻓﺘﺶ ... ﺩﺭﺏ ﺍﻟﺸـــﻮﻕ
ﻣﺎﻋﻨﺪﻭ ﻧﻬﺎﻳﺎ
ﺇﺗﻮﺳﺪﺕ ﺭﺻﻴﻒ
ﺍﻟﺮﺟﻌﺔ....... ﻭﻣـــﺮﺓ
ﻛﺘﻴﺮ ﻣـــﺎ ﻛﻨﺖ ﻣﻌﺎﻳــﺎ
ﺇﺗﻤﻨﻴﺘــــــﻚ ﻧﻴﻞ
ﻭﺑﻮﺍﺩﻯ.. ﻭﻏﻴﻤﺔ
ﻇﻠﻴﻠﺔ......... ﻭﺿﻞ ﻧﻴﻤﺎﻳﺎ
ﺇﺗﻤﻨﻴﺘﻚ ﻧﻮﺭﺍً
ﻳﺸﺮﻕ......... ﻧﻘﻄﺔ
ﻣﻄﺮﺓ........ ﻭﻋﻄﺎ
ﻏﻴﻤﺎﻳﺎ
ﺇﺗﻤﻨﻴﺘﻚ ﻋِـــــﺰ ﺍﻟﺼﻴﻒ ..
ﺳﻌﻔﺔ ﻣﻌﻠــــﻘﺔ..... ﻓﻲ
ﺗﻤﺮﺍﻳـــــــﺎ
****
ﻏﺒﺖ ﻭﺟﻴﺖ ﻣﻦ ﻭﻳﻦ
ﻳﺎﻏﺎﻟﻰ
ﻭﺍﻧﺖ ﻣﺸﻴﺖ ﺧﻠﻴﺘﻨﻲ
ﺃﻏﻨﻲ ..... ﺍﻟﻠﻪ ﺍﻟﻠﻴﻞ....
ﻳﺎﻟﻴﻠﻲ ﺑﺮﺍﻳــــﺎ
ﺁﻩ ﻣﺴﻜﻴﻦ..... ﻟﻲ
ﻧﻔﺴﻲ ﺃﻣﻨﻲ .. ﻭﻟﻠﻤﻴﺘﻴﻦ
ﺗﺎﺭﻳﻬﻮ ﻏﻨﺎﻳـــــﺎ
ﺍﻷﻳﺎﻡ ﻣﺎﺳﺎﻛﻨﻲ ﺗﺤﻨﺪﻙ ..
ﻣﺎﺩﻱ ﻟﺴﺎﻧﺔ.......
ﺣَﻼﺗـــﻚ ﻭﺩِﻗِﺪِﻕ
ﻭﺍﻧﺖ ﺑﺮﺍﻙ...... ﻋــــﺎﺭﻑ
ﺩﻧﻴﺎﻧﺎ .. ﻟﻤﺎ ﺗﻘﻮﻡ
ﺣﺎﺳﺪﻱ ﻭﻛﺎﻭﻳﺎ
****
ﻏﺒﺖ ﻭﺟﻴﺖ ﻣﻦ ﻭﻳﻦ ﻳﺎ
ﺍﻟﻐﺎﻟﻲ
ﻣﺎ ﺍﻷﺣﺰﺍﻥ ﻓﻲ ﻏﻴﺒﺘﻚ
ﻛﺎﺑﻲ .. ﻭﺟﺎﺭﻱ ﺑﺤﻮﺭ
ﺍﻟﻬﻢ ﻟﻮﺍﻳــــــــﺎ
ﻏﺒﺖ ﻭﺟﻴﺖ ﻣﻦ ﻭﻳﻦ ﻳﺎ
ﺍﻟﻐﺎﻟﻰ
ﻭﺍﻷﻳﺎﻡ ﻓﻰ ﻏﻴﺒﺘﻚ
ﻗﺎﺳﻰ ....... ﻭﻧﺎﺭ
ﺍﻟﺸﻮﻭﻭﻕ ﺣﺎﺭﺓ ﻭﻗﻼﻳﺎ
****
ﻏﺒﺖ ﻭﺟﻴﺖ... ﻣﻦ ﻭﻳﻦ
ﻳﺎﻏﺎﻟﻲ .. ﺗﻔﺘﺢ ﺑﺎﺏ
ﺍﻟﺤﺐ ﺟﻮﺍﻳـــــﺎ
ﺷﻦ ﺳﻮﻳﺖ ﻓﻲ ﺍﺣﻼﻣﻨﺎ
ﺍﻟﻔﺎﺗﺖ ﺟﺎﻳﻲ ﺗﻜﻮﺱ
ﺍﺣﻼﻣﻨﺎ ﺍﻟﺠﺎﻳــﺎ