رثاء الراحل يس عبدالعظيم ابراهيم ابنعوف

ﺇﻥ ﻛﺎﻥ ﻣﺎ ﺍﻷﺟﻞ ﺑﺪﺭﻱ ﺍﺗﻜﺘﺐ ﻓﻲ ﺍﻟﻠﻮﺡ
ﺃﻭ ﻛﺎﻥ ﺍﻟﻨﻔﻮﺱ ﺗﺘﻔﺪﻱ , ﺭﻭﺡ .. ﺑﻲ ﺭﻭﺡ
ﻣﺎ ﻛﺎﻥ ... ﻣﺖ ﻳﺎﻏﺮﻳﺪ ﺑﻼﺑﻞ ﺍﻟﺪﻭﺡ
ﻭﺁﺣﻲ .. ﻭﺁ ﻭﺣﻴﺢ ﻗﻠﺒﺎً ﻋﻠﻴﻚ ﻣﺠﺮﻭﺡ
***
ﺑﻨﻮﺕ ﺍﻟﺸﻌﺮ ﺍﻟﻠﻴﻠﺔ ﻟﻴﺶ ... ﺳﺎﻛﺘﺎﺕ
ﺷﺒﻦ ﻓﻲ ﺻﺪﻭﺭ ﻛﻞ ﺍﻟﻐﻨﺎﺓ .. ﻭﺭﺍﻭﺍﺓ
ﻫﻴﻨﻦ ﺍﻟﺮﻣﺎﺩ ﻛﺒﻦ ﻋﻠﻲ ﺍﻟﻘﺎﻓﻴﺎﺕ
ﺃﺑﻜﻦ ﻭﻣﻨﺤﻦ ﻭﻧﻮﺣﻦ ﻣﻊ ﺍﻟﻨﺎﻳﺤﺎﺕ
***
ﺃﺛﻜﻠﻦ ﺍﻟﺠﻨﺎ ﺍﻟﻤﺎﺏ ﻳﺘﻮﻟﺪ ﻻﻣﺎﺕ
ﺍﺭﺛﻦ ﺭﻭﻋﺔ ﺍﻟﻔﻦ ﺍﻟﺒﻤﻠﻚ ﺍﻟﺬﺍﺕ
ﻓﻲ )ﻟﻴﻞ ﺍﻟﻐﻼﺑﻪ ﻭﺣﻤﺘﻮ ﻭﺍﻟﺸﺎﻓﻌﺎﺕ
ﻳﻼ ﺃﻫﺎ ﺳﻮﻭﻥ )ﺍﻟﺤﻲ ﻭﻭﺏ( ﻋﺮﻳﺴﻜﻦ
ﻣﺎﺕ
ﻭﻣﺎﺗﺖ ﻃﻴﺒﺔ ﻓﻲ ﺍﻟﻮﺟﻪ ﺍﻟﺘﻤﻠﻲ ﺻﺒﻮﺡ
ﺃﺣﻲ ﻭﺁ ﻭﺣﻴﺤﻲ ﻗﻠﺒﺎً ﻋﻠﻴﻚ ﻣﺠﺮﻭﺡ
***
ﻗﻮﻟﻦ ﻟﻴﻪ ﻳﺎ ﺍﻟﻨﺠﻢ ﺍﻟﺴﻄﻊ ﻓﻲ ﺳﻤﺎﻙ
ﻏﺒﺖ ﺑﻼ ﺧﺒﺮ ﺷﻦ ﺷﻔﺖ ﻓﻲ ﺩﻧﻴﺎﻙ
ﺻﻐﻴﺮ ﻭﻣﺎ ﺑﻘﻴﺖ ﻣﺎﻟﻮ ﺍﻟﻘﺒﻴﺮ ﺿﻤﺎﻙ
ﻻ ﺷﻔﺖ ﺍﻟﺠﺪﻳﺪ ﻻ ﻧﺤﻨﺎ .. ﺳﻴﺮﻧﺎﻙ
ﻭﺁ ﺃﺳﻔﻲ ﺍﻟﺸﺪﻳﺪ ﻭﺍﺳﻔﺎً ﻋﻠﻴﻪ ﺻﺒﺎﻙ
ﻳﺎ ﺍﻟﺒﻜﻴﺖ ﻗﻠﻮﺏ ﻛﺎﻧﺖ ﻋﺰﺍﻫﺎ ﻏﻨﺎﻙ
ﻗﻄﻊ ﻛﺒﺪ ﺃﺑﻮﻙ ﻭﺃﻣﻞ .. ﺍﻟﺮﺍﺟﺎﻙ
ﻭﺍﺧﻮﺍﺗﻚ ﻳﺠﺮﻥ ﻓﻲ ﺍﻟﻤﻨﺎﺣﻪ ﻧﺒﺎﻙ
ﻭﺍﺧﻮﺍﻧﻚ ﻣﻨﻮ ﺍﻟﻔﻴﻬﻢ ﻋﻠﻴﻚ ﻣﺎ ﺑﻨﻮﺡ
ﺃﺣﻲ , ﻭﺁ ﻭﺣﻴﺢ ﻗﻠﺒﺎً ﻋﻠﻴﻚ ﻣﺠﺮﻭﺡ
***
ﻛﻨﺖ ﺇﻧﺴﺎﻥ ﻣﻼﻳﻜﻲ ﻭﻣﺎﻙ ﺯﻭﻝ ﺷﺮﻳﺮ
ﻭﺻﺪﺭﻙ ﻛﺎﻥ ﻳﺼﻔﻲ ﺍﻟﺸﺮ ﻳﻤﺴﻚ ﺍﻟﺨﻴﺮ
ﻳﺎ ﺷﻴﺎﻝ ﻫﻤﻮﻡ ﺍﻟﻨﺎﺱ ﻛﺒﻴﺮ ﻭﺻﻐﻴﺮ
ﻋﺎﻟﺠﺖ ﺍﻟﻤﺮﻳﺾ ﺷﻠﺖ ﺍﻟﻜﺴﻴﺢ ﻭﻋﺰﻳﺮ
ﻭﻛﻨﺖ ﻋﻠﻲ ﺣﺴﺎﺏ ﻧﻔﺴﻚ ﺗﺠﺎﻣﻞ ﺍﻟﻐﻴﺮ
ﺍﻻ ﺍﻟﺪﻧﻴﺎ ﺻﺢ ﻏﺸﺎﺷﻪ ﻣﺎ ﺩﺍﺭ ﺧﻴﺮ
ﻭﺳﻤﺢ ﺍﻟﻌﺸﺮﻩ ﻳﺎﻫﻮ ﺍﻟﻔﻴﻬﺎ ﻋﻤﺮﻭ ﻗﺼﻴﺮ
ﻭﺍﻟﻄﺐ ﻭﺍﻟﻌﻼﺝ ﻣﻦ ﺍﻷﺟﻞ .. ﻣﺎ ﺑﺠﻴﺮ
ﻭﺯﺍﻳﻠﻪ ﺍﻟﺪﻧﻴﺎ ﻳﺎﻟﻔﻮﻕ ﺍﻟﻨﻌﺶ ﻣﻄﺮﻭﺡ
ﺃﺣﻲ , ﻭﺁ ﻭﺣﻴﺢ ﻗﻠﺒﺎً ﻋﻠﻴﻚ ﻣﺠﺮﻭﺡ
***
ﻣﺎ ﻛﺎﻥ ﻗﺼﺪﻱ ﺃﺟﺎﻣﻞ ﻓﻴﻚ ﻳﻮﻡ ﺍﻟﺸﻴﻦ
ﻗﺼﺪﻱ ﺍﻟﻘﺎﻙ ﻋﺮﻳﺲ ﺑﻴﻦ ﺍﻟﻌﺪﻳﻞ ﻭﺍﻟﺰﻳﻦ
ﻗﺼﺪﻱ ﺗﻬﺰﻭ ﺳﻮﻃﻚ ﻭﺍﻟﺠﻨﻴﺎﺕ ﺭﺍﻛﺰﻳﻦ
ﻗﺼﺪﻱ ﻏﻨﺎ ﺍﻟﺒﻨﺎﺕ ﻭﺍﻟﺴﻴﺮﺓ .. ﻟﻲ ﻳﺲ
ﻭﺟﺎﺕ ﺍﻟﻔﺮﺣﻪ ﻓﻮﻕ ﻋﺘﺐ ﺍﻟﻔﺮﻳﻖ ﻋﺮﺯﻳﻦ
ﻛﺮﺑﻪ ﻭﺃﺑﻜﺮ ﺍﻟﻌﻔﺎﺽ ﺷﻤﺎﻝ ﻭﻳﻤﻴﻦ
ﺭﺍﺟﻴﻦ ﻳﻮﻡ ﺟﺪﻳﺪﻙ ﻭﻛﻠﻬﻢ ﺩﺍﻳﺮﻳﻦ
ﻳﺮﺩﻭﻟﻚ ﺟﻤﺎﻳﻠﻚ ﻳﺎ ﺍﻟﻮﻟﻴﺪ ﺍﻟﺰﻳﻦ
ﻭﻳﺎﺭﻳﺖ ﻛﻨﺖ ﻋﺸﺖ ﻭﺍﻷﻣﺎﻧﻲ ﺗﺮﻭﺡ
ﺃﺣﻲ , ﻭﺁ ﻭﺣﻴﺢ ﻗﻠﺒﺎً ﻋﻠﻴﻚ ﻣﺠﺮﻭﺡ
***
ﻛﻴﻔﻦ )ﻳﺎﺍﻟﺮﻣﻴﻠﻪ( ﺷﻤﺎﻟﻨﺎ .. ﻣﺎ ﻳﺤﺰﻥ
ﺑﺎﻳﻨﻲ ﺍﺣﺰﺍﻧﻮ ﻓﻮﻕ ﻧﺨﻞ ﺍﻧﺘﻨﻲ .. ﻭﺩﻧﺪﻥ
ﻓﻲ ﺍﻟﻨﻴﻞ ﻓﻲ ﺍﻟﺠﺮﻭﻑ ﻓﻲ ﺍﻟﺼﻮﺑﻦ
ﻋﺪﻥ
ﻓﻮﻕ ﻭﺟﻪ ﺍﻟﺒﻨﻴﺎﺕ ﺍﻟﻤﻠﻦ .. ﻭﺻﺪﻥ
ﻓﻲ ﺍﻟﺠﻨﻴﺎﺕ ﻓﻲ ﺍﻟﺴﻠﻚ ﺍﻟﻮﻗﻒ ﻣﺎ ﺭﻥ
ﻓﻮﻕ ﻗﻴﺰﺍﻥ ﺭﻣﺎﻟﻮ ﺍﻟﻬﻴﻠﻦ ﻭﻛﺒﻦ
ﺣﺰﻳﻦ ﺍﺩﺍﻙ ﻭﻟﻴﺪﻭ ﺍﻟﻤﺎﻓﻲ ﻟﻴﻬﻮ ﻭﺯﻥ
ﻭﻳﺎ ﺑﺨﺖ ﺍﻟﺘﺮﺍﺏ ﺍﻟﻀﻢ ﻛﻞ ﺍﻟﻔﻦ
ﻭﺿﻢ ﺍﺟﻤﻞ ﺭﺳﺎﻟﺔ ﺍﺟﻤﻞ ﻣﺘﻮﻥ ﻭﺷﺮﻭﺡ
ﺃﺣﻲ ﻭﺁ ﻭﺣﻴﺢ ﻗﻠﺒﺎً ﻋﻠﻴﻚ ﻣﺠﺮﻭﺡ
***
ﻛﻴﻒ ﺣﺎﻝ ﺍﻷﻫﻞ ﻭﺣﺎﻝ ﺍﻟﻌﺸﻴﺮﺓ ﻋﻤﻮﻡ
ﻭﻛﻴﻒ ﺣﺎﻝ ﺃﻣﻚ ﺍﻟﺘﻔﻄﺮ ﻋﻠﻴﻚ ﻭﺗﺼﻮﻡ
ﻭﻛﻴﻒ ﺣﺎﻝ ﺍﻟﺼﺤﺎﺏ ﺣﻴﻦ ﺳﻤﻌﻮﺍ ﺧﺒﺮ
ﺍﻟﺸﻮﻡ
ﺷﻄﺎﺏ , ﻭﺍﻟﻌﻮﺽ ﻭﺩ ﺃﺣﻤﺪ ﺍﻟﻤﻜﻠﻮﻡ
ﻧﺎﺱ ﺗﻮﻓﻴﻖ ﻛﺬﺍ ﺍﻟﺰﻳﻦ ﻻ ﻭﻟﺪ ﺗﻮﻡ
ﺣﻤﻴﺪ ﻭﺍﻟﺤﺒﻴﺐ ﺟﺎﺩ ﻭﻧﻮﺭ ﺍﻟﻘﻮﻡ
ﺷﻴﺦ ﻭﺩ ﺑﺎﺩﻱ ﻓﻲ ﻭﺻﻒ ﺍﻟﻜﺮﺍﻡ ﻣﻔﻬﻮﻡ
ﻭﻛﻴﻒ ﺣﺎﻟﻲ ﺍﻟﻐﻠﺒﻨﻲ ﺍﺭﺛﺎﻙ ﻣﺠﺎﻓﻲ ﺍﻟﻨﻮﻡ
ﺃﺑﻜﻲ ﻭﺗﺒﻜﻲ ﺇﺭﻗﻲ ﻭﺍﻭﺳﻠﻲ
ﻣﻨﺼﻮﺭﻛﺘﻲ , ﺳﺎﻓﻞ ﺍﺑﺪﻭﻡ
ﻛﻮﻧﻮ ﺍﺻﻌﺐ ﻓﺮﺍﻗﻚ ﻣﻦ ﻓﺮﺍﻕ ﺍﻟﺮﻭﺡ
ﺃﺣﻲ , ﻭﺁ ﻭﺣﻴﺢ ﻗﻠﺒﺎً ﻋﻠﻴﻚ ﻣﺠﺮﻭﺡ
***
ﺍﻟﻤﻮﺕ ﺍﺻﻠﻮ ﺣﻖ , ﺇﻻ ﺍﻟﻤﺼﻴﺒﻪ ﻛﻤﺎﻥ
ﻣﺎ ﻗﺎﺩﺭﻳﻦ ﻧﺼﺪﻕ ﻳﻮﻡ ﺭﺣﻴﻠﻚ ﻛﺎﻥ
ﻣﻌﻘﻮﻝ ﻳﺮﺣﻞ ﺍﻟﺒﻴﻨﺎﺗﻨﺎ ﻛﺎﻥ ﺭﺣﻤﻦ ؟
ﻣﻌﻘﻮﻝ ﻳﺴﻜﺖ ﺍﻟﺼﺪﺍﺡ ﻋﻠﻲ ﺍﻷﻓﻨﺎﻥ ؟
ﻣﻌﻘﻮﻝ ﻳﺮﺣﻞ ﺍﻟﻄﺮﺏ ﺍﻟﻐﺸﻲ
ﺍﻟﻮﺟﺪﺍﻥ ؟
ﻭﺗﺘﻜﺴﺮ ﺍﻟﺮﺑﺎﺑﻪ ﻭﺗﺼﻤﺖ ﺍﻷﻟﺤﺎﻥ ؟
ﻛﺎﻥ ﻣﺎ ﺃﻣﺮ ﺍﻟﻠﻪ ﻛﺎﻥ ﻗﻠﻨﺎ ﺍﻟﻤﻠﻚ
ﻭﻫﻤﺎﻥ ؟
ﻭﺩﻱ ﺃﻭﻝ ﻣﺮﻩ ﻣﺎﺕ ﺍﻟﻔﻦ ﻣﻊ ﺍﻟﻔﻨﺎﻥ
ﺁ ﻳﺎﻋﺮﺏ ﺍﻟﺤﺠﺎﺯ ﻋﺰﻭﻧﺎ ﻓﻲ ﺣﺴﺎﻥ
ﻧﺤﻨﺎ ﺍﻟﻴﻮﻡ ﻓﻘﺪﻧﺎ ﺍﻟﻄﻴﺐ ﺍﻹﻧﺴﺎﻥ
ﻭﻓﻘﺪﻧﺎ ﻟﻴﻪ ﻻ ﺑﻴﻜﻮﻥ ﻭﻻ ﻗﺪ .. ﻛﺎﻥ
ﻭﻳﺎ ﻫﻮﻝ ﺍﻟﻘﺪﺭ ﻓﻲ ﺳﻮﺍﺩ ﻋﻴﻮﻥ ﺍﻟﻨﻮﺡ
ﺃﺣﻲ ﻭﺁ ﻭﺣﻴﺢ ﻗﻠﺒﺎً ﻋﻠﻴﻚ ﻣﺠﺮﻭﺡ
***
ﺳﻼﻡ ﺍﻟﻠﻪ ﻋﻠﻴﻚ ﻳﺴﻦ ﻣﻊ ﺍﻷﺧﻴﺎﺭ
ﺳﻼﻣﺎً ﻳﻮﻡ ﺟﻴﺖ ﺷﺮﻓﺖ ﻫﺎﺩﻱ ﺍﻟﺪﺍﺭ
ﻭﺳﻼﻣﺎً ﻳﻮﻡ ﻣﺖ ﻭﻳﻮﻡ ﻧﻌﺸﻚ ﺳﺎﺭ
ﻭﺳﻼﻣﺎً ﻳﻮﻡ ﺗﻘﻮﻡ ﻭﺗﺒﻌﺚ ﻣﻊ ﺍﻷﺑﺮﺍﺭ
ﻭﻋﻠﻴﻚ ﺳﻼﻣﻨﺎ ﺑﺎﻵﻻﻑ ﻣﻦ ﺍﻟﺘﻜﺮﺍﺭ
ﺳﻼﻡ ﺃﺭﻕ ﻣﻦ ﻧﺴﻤﺎً ﻣﻦ ﺍﻷﺳﺤﺎﺭ
ﻭﺃﺯﻛﻲ ﻭﺃﺣﻠﻲ ﻣﻦ ﻧﻔﺤﺔ ﺷﺬﻱ ﺍﻷﺯﻫﺎﺭ
ﻣﺎ ﻃﻠﻊ ﺍﻟﺼﺒﺎﺡ ... ﻣﺎ ﻏﻨﺖ ﺍﻷﻃﻴﺎﺭ
ﻭﻣﺎ ﻏﺮﺩ ﻋﻠﻲ ﺳﻔﺢ ﺍﻟﺮﻭﺍﺑﻲ ﻛﻨﺎﺭ
ﻭﻣﺎ )ﺑﻮﺑﺎ( ﺍﻟﻘﻤﺮ ﻭﺇﺗﺠﻤﻌﻮﺍ ﺍﻟﺴﻤﺎﺭ
ﻭﻣﺎ ﺻﺪﺣﺖ ﻟﺤﻮﻥ , ﻭﻣﺎ ﻗﻴﻠﺖ ﺍﻷﺷﻌﺎﺭ
ﻭﻣﺎ ﻋﺰﻑ ﺍﻟﺮﺑﺎﺏ ﻭﺍﺗﺮﻧﻤﺖ ﺃﻭﺗﺎﺭ
ﻭﻻ ﻳﻮﻡ ﺍﻟﻨﺸﻮﺭ ﻳﻮﻣﺔ ﺗﻌﻮﺩ ﺍﻟﺮﻭﺡ
ﺃﺣﻲ ﻭﺁ ﻭﺣﻴﺢ ﻗﻠﺒﺎً ﻋﻠﻴﻚ ﻣﺠﺮﻭﺡ
***
)ﻳﺲ( ﺟﺎﻙ ﻏﺮﻳﺐ ﺃﻏﻔﺮﻟﻮ ﻳﺎ ﻣﻮﻻﻱ
ﻏﻔﺮﺍﻥ ﺫﻟﺔ ﺍﻟﻌﺒﺪ ﺍﻟﺪﻭﺍﻡ ﻧﺴﺎﻱ
ﺳﺤﺎﺏ ﺍﻟﺮﺣﻤﻪ ﻓﻮﻕ ﻗﺒﺮﻭ ﺍﻟﻴﻜﺐ ﺑﻜﺎﻱ
ﻭﺃﻧﺰﻟﻮ ﻣﻨﺰﻟﺔ ﻋﺒﺪﺍً ﺗﻘﻲ ﻭﺻﻼﻱ
ﻭﻋﻮﺿﻮ ﻓﻲ ﺷﺒﺎﺑﻮ ﺍﻟﺠﻨﻪ ﻳﺎ ﻋﻄــﺎﻱ
ﻓﻮﻕ ﻣﻴﻤﻮﻧﻪ ﻳﺴﺮﺡ ﻓﻴﻬﺎ ﺟﺎﻱ ﻵﺟﺎﻱ
ﻭﺃﻛﺮﻣﻮ ﺑﻲ )ﺣﻮﺍﺭﻱ( ﻭﻗﻮﻟﻮ ﻫﺬﺍ ﺟﺰﺍﻱ
ﻭﺯﻭﺟﻮ ﻣﻦ ﺣﺴﺎﻥ , ﻛﺎﻥ ﻟﻠﺤﺴﺎﻥ ﻏﻨﺎﻱ
ﺍﺕ ﻳﺎﻙ ﺍﻟﻜﺮﻳﻢ ﺍﻝ ﻟﻠﻀﻌﻴﻒ .. ﺭﺗﺎﻱ
ﻭﻳﺎﻙ ﺍﻟﺒﺎﻗﻲ ﺍﺯﻝ ﻭﻛﻞ ﺍﻟﺨﻠﻴﻘﻪ ﺗﺮﻭﺡ
ﺃﺣﻲ ﻭﺁ ﻭﺣﻴﺢ ﻗﻠﺒﺎً ﻋﻠﻴﻚ ﻣﺠﺮﻭﺡ .