المتلاشي ابراهيم ابنعوف

ﺃﺣﻜﻲ ﻟﻴﻜﻢ ﻗﺼﺔ ﻏﺮﻳﺒﻪ .. ﻗﺼﺔ ﺯﻭﻝ
ﺷﺎﻝ ﻏﻠﺒﻮ ﻭﺭﺍﺡ
ﺃﻭﻝ ﻣﺮﻩ ﺗﺸﻜﻚ ﻓﻴﻬﺎ .. ﻭﺗﺘﺨﻴﻼ ﺗﺒﻘﺎﻟﻚ
ﺻﺎﺡ
***
ﻣﻦ ﺷﺎﻓﻊ ﻣﺎ ﻓﻚ ﺍﻷﻭﻝ .. ﻭﻛﻞ ﺳﻨﻴﻨﻮ
ﻗﻀﺎﻫﺎ ﻧﺠﺎﺡ
ﻻﻣﻦ ﺩﺧﻞ ﺍﻟﺠﺎﻣﻌﺔ ﺗﻔﻮﻕ .. ﻗﺎﻣﺖ
ﻭﻗﻌﺪﺕ ﻟﻮ ﺍﻷﻓﺮﺍﺡ
ﻛﺎﻥ ﻓﻲ ﻃﻤﻮﺣﻮ ﻣﻬﻨﺪﺱ ﺑﺎﺭﻉ .. ﻭﻻ
ﻳﻜﻮﻥ ﺩﻛﺘﻮﺭ ﺟﺮﺍﺡ
ﺧﻤﺴﺔ ﺳﻨﻴﻦ ﻟﻠﺠﺎﻣﻌﺔ ﻳﺴﺎﺳﻖ .. ﻻ
ﻋﻄﻼﺕ ﻻ ﻳﻮﻡ ﺃﺭﺗﺎﺡ
***
ﻭﺇﺗﺨﺮﺝ .. ﺳﺎﻋﺔ ﻣﺎ ﺃﺗﺨﺮﺝ .. ﻓﻜﺮ ﻳﻤﺸﻲ
ﻳﻜﻮﺱ ﻟﻮ ﻭﻇﻴﻔﺔ
ﻓﻮﻗﻮ ﺩﻳﻮﻥ ﻣﻦ ﺃﻣﻮ ﻭﺃﺑﻮﻩ .. ﻳﺴﺪﺩﺍ ﻗﺎﻝ
ﻣﻦ ﻣﻬﻨﺔ ﺷﺮﻳﻔﺔ
ﻳﺎﻛﻞ ﻭﻳﺸﺮﺏ .. ﺣﺎﻣﺪ ﺷﺎﻛﺮ .. ﺣﺘﻲ ﺇﻥ ﻣﺎ
ﻓﻀﻠﺖ ﺗﻌﺮﻳﻔﺔ
ﻭﺃﻭﺿﺔ ﺍﻟﻄﻴﻦ ﻭﺿﻞ ﺍﻟﺮﺍﻛﻮﺑﺔ .. ﻋﻨﺪﻭ
ﺃﺧﻴﺮ ﻣﻦ ﻗﺼﺮ ﺍﻟﺒﺎﺡ
***
ﺧﻤﺴﺔ ﺳﻨﻴﻦ ﺻﺎﺣﺒﻨﺎ ﺑﻴﺠﺮﻱ .. ﻭﻛﻞ
ﺍﻟﺪﻭﺭ ﺗﻘﻔﻞ ﺃﺑﻮﺍﺑﻪ
ﺷﺎﻥ ﻻ ﻋﻨﺪﻭ ﻭﺳﻴﻂ ﻳﻤﺸﻴﻠﻮ .. ﻻ ﺑﺎﻟﻔﻴﻬﻦ
ﻋﻨﺪﻭ ﻗﺮﺍﺑﺔ
ﺧﻤﺴﺔ ﺳﻨﻴﻦ ﺭﺍﺣﺖ ﻣﻦ ﻋﻤﺮﻭ .. ﻭﻳﺒﻘﻲ
ﻣﻌﺎﻫﺎ ﻛﺘﻴﺮ ﺍﻟﺮﺍﺡ
***
ﻓﻮﻕ ﺍﻟﺨﺎﻣﺴﻲ ﺭﺩﻑ ﻟﻠﺴﺎﺗﻲ .. ﻫﻤﻮ
ﺃﻛﺸﺎﻙ ﻭﻣﺤﻼﺕ ﺷﺎﻱ
ﻳﺒﻘﻲ ﻳﺼﺎﺩﻓﻮ ﺇﻋﻼﻥ ﻓﻲ ﺟﺮﻳﺪﺓ .. ﻭﻻ
ﻣﻦ ﺍﻟﺠﺎﻟﺴﻴﻦ ﺍﻟﺮﺃﻱ
ﻗﻌﺪﺗﻮ ﻗﻌﺪﺓ ﺯﻭﻝ ﻣﺸﻠﻬﺖ .. ﻭﻓﻜﺮﻭ
ﻳﺪﻭﻟﻖ ﻏﺎﺩﻱ ﻭﺟﺎﻱ
ﻓﻌﻼً ﺻﺎﺩﻑ ﺷﺮﻛﺔ ﺑﺘﻌﻠﻦ .. ﻋﻦ ﺃﺷﻐﺎﻝ
ﻭﺭﻭﺍﺗﺐ ﺻﺎﺡ
***
ﻗﺮﺏ ﻳﺼﺮﺥ ﻣﻦ ﺍﻟﻔﺮﺣﺔ .. ﻻﻣﻦ ﺧﺸﻤﻮ
ﺃﺧﺪﻟﻮ ﺭﻋﻴﺸﻪ
ﻫﺰ ﺟﻴﻮﺑﻮ ﻋﺸﺎﻥ ﻳﺸﺮﻳﻬﺎ .. ﺗﺎﻧﻲ ﺍﺗﻨﺎﺯﻝ
ﻋﻦ ﻓﺘﻴﺸﻪ
ﺃﺗﺬﻛﺮ ﻓﻲ ﺃﺳﺒﻮﻉ ﻛﺎﻥ ﻗﻮﺗﻮ .. ﺩﺭﺩﻭﻡ
ﺩﻛﻮﺓ ﻭﻧﺺ ﺍﻟﻌﻴﺸﺔ
ﻓﻲ ﺍﻵﺧﺮ ﺃﻛﺘﻔﻲ ﺑﻲ ﻧﻈﺮﺓ .. ﻭﺭﻭﺡ
ﻗﺎﺑﺾ ﻏﻠﺒﻮ ﺍﻟﺸﺎﺡ
***
ﻣﺎ ﻧﺎﻡ ﻻﻣﻦ ﺑﺎﻛﺮ ﺑﺪﺭ .. ﻭﺯﺍﺩﻭ ﻣﻌﺎﻩ
ﺍﻟﺨﺮﻡ ﺍﻟﺠﻮﻉ
ﺳﺠﻠﻮﺍ ﺇﺳﻤﻮ ﻭﺷﺎﻓﻮﺍ ﺃﻭﺭﺍﻗﻮ .. ﻭﻭﻋﺪﻭﺍ
ﻳﺠﻴﻬﻢ ﺑﻌﺪ ﺃﺳﺒﻮﻉ
ﻭﺭﺍﺡ ﻳﺤﻠﻢ ﺑﺄﻧﻮ ﺃﺗﻌﻴﻦ .. ﻭﺭﻗﻮ ﻣﺪﻳﺮ ﻓﻮﻕ
ﻋﺸﺮﺓ ﻓﺮﻭﻉ
ﻭﻓﺠﺄﺓ ﺃﺳﺘﻴﻘﻆ ﺻﻨﻘﻊ ﺩﻧﻘﺮ .. ﻭﻗﺎﻝ
ﻳﺎﺯﻭﻝ ﺭﺑﻚ ﻓﺘﺎﺡ
***
ﺑﻌﺪ ﺃﺳﺒﻮﻉ .. ﻭﺭﺍﺟﻊ ﻟﻠﺸﺮﻛﺔ .. ﻧﺎﻗﺶ
ﻧﻔﺴﻮ ﻓﻲ ﺃﻣﺮ ﻏﺮﻳﺐ
ﻟﻴﻪ ﺳﻴﺪ ﺍﻟﺪﻛﺎﻥ ﻣﺎ ﺭﺩ ) ..ﺻﺒﺎﺡ ﺍﻟﺨﻴﺮ( ﻣﻊ
ﺇﻧﻮ ﻗﺮﻳﺐ ؟!
ﻭﻟﻴﻪ ﻛﻤﺴﺎﺭﻱ ﺍﻟﺤﺎﻓﻠﺔ ﺍﺗﻌﺪﻱ .. ﻭﻣﺎ
ﻃﻘﻄﻘﻠﻮ ﻭﻗﺎﻟﻮ ﺗﺠﻴﺐ ؟!
ﻭﻟﻴﻪ ﻟﻤﻦ ﻭﺍﻗﻒ ﻳﺘﺴﺮﺡ .. ﺻﻮﺭﺗﻮ ﺃﻣﺎﻣﻮ
ﺑﻘﺖ ﺭﺣﺮﺍﺡ ؟!
***
ﻏﺎﻳﺘﻮ ﺃﺗﻨﺎﺳﻲ ﻭﻗﺪﻡ ﻭﺭﻗﻮ .. ﻭﺍﻟﻤﺴﺌﻮﻝ
ﺳﺎﻣﻊ ﻭﻣﺎ ﺷﺎﻳﻒ
ﻏﻴﺮ ﺃﻭﺭﺍﻕ ﻣﻦ ﻣﺎﻓﻲ ﺍﺗﻤﺪﺕ .. ﻭﺍﺳﺘﻘﺒﻼ
ﺍﺳﺘﻘﺒﺎﻝ ﺧﺎﻳﻒ
ﻭﺭﺍﺡ ﻣﻔﺰﻭﻉ ﻳﺴﺄﻝ ﻓﻲ ﻧﻔﺴﻮ ) ..ﺣﺘﻲ
ﺍﻟﺠﺎﻥ ﻣﺎ ﻻﻗﻲ ﻭﻇﺎﻳﻒ(؟!
ﺑﺎﻛﺮ ﺑﻤﺸﻲ ﻭﺃﺧﻠﻲ ﺍﻟﺸﺮﻛﺔ .. ﻃﺎﻟﻤﺎ
ﺍﻟﺸﺮﻛﺔ ﺃﺗﻤﻠﺖ ﺃﺷﺒﺎﺡ
***
ﺭﺩ ﻋﻠﻴﻬﻮ ﺍﻟﺼﻮﺕ ﻣﻦ ﺗﺎﻧﻲ .. ﺃﺭﺟﻊ ﻭﻻ
ﺗﺴﺊ ﺍﻟﺘﻔﻜﻴﺮ
ﺃﻧﺎ ﺇﻧﺴﺎﻥ ﻋﺎﻳﺶ ﺑﻴﻨﺎﺗﻜﻢ .. ﺇﻻ ﺍﺗﻼﺷﻴﺖ
ﺑﺎﻟﺪﺭﺩﻳﺮ
ﻭﻣﺎ ﺩﺍﻡ ﻣﺎ ﻟﻲ ﻗﺴﻤﻪ ﻣﻌﺎﻛﻢ .. ﻫﺎﺗﻮ
ﺃﻭﺭﺍﻗﻲ ﻭﺷﻮﻓﻮ ﺍﻟﻐﻴﺮ
ﻭﻇﻞ ﺍﻟﺰﻭﻝ ﻇﺎﻫﺮﺓ ﻛﻮﻧﻴﺔ .. ﻭﻣﺎ
ﻣﻌﺮﻭﻑ ﻟﻠﻨﺎﺱ ﻭﻳﻦ ﺭﺍﺡ !!