علاء الدين عبدالرحيم ابسير**ساره

ﺳـــــــﺎﺭﺓ ﻣﻦ ﺍﻵﺧــﺮﺓ
ﺑﻜﺘــﺐ ﻟﻴـــﻚ ﺗﺤـــﻴﺔ
ﻣﻦ ﺣﺒﻴﺐ ﻣﺎﺕ ﻳﻮﻡ ﻓﺮﺍﻗﻚ ﺍﻻ
ﻧﺎﺭﻙ ﻟﺴﺔ ﺣﻴﺔ
ﻣﻦ ﺟﻬﻨّــــﻢ ﻟﻴﻚ ﺑﻜﺘﺐ
ﺭﻏــــﻢ ﺁﻻﻣﻰ ﺍﻟﻌـــﻠﻰ
ﺃﻗﻠﺐ ﺍﻷﺣﺰﺍﻥ ﻣﺒﺎﻫﺞ ﻛﺎﻥ
ﻳﺨـﻒ ﺃﻟﻤـﻚ ﺷﻮﻳﺔ
ﻋﺎﺭﻑ ﺇﻧﻰ ﺃﻧﺎ ﻓﻰ ﻗﻠﻴﺒﻚ
ﻭﻋـﺎﺭﻓﻮ ﻗﻠﺒﻚ ﻟﺴﺔ ﻟﻰَّ
ﻭﻋﺎﺭﻓﻮ ﺑﺎﺏ ﺳﻜـﺔ ﻓﺮﺣﻨﺎ
ﺳﺪﺗﻮ ﺍﻹﻳﺪ ﺍﻟﻘــــﻮﻳﺔ
ﺃﻫﻠﻚ ﺍﻟﻘﺎﻳﻠﻴﻦ ﺳﻌﺎﺩﺗﻚ ﺗﺒﻘﻰ
ﻓﻰ ﺍﻟﻌﻴﺸـﺔ ﺍﻟﺜﺮﻳﺔ
ﺷﺎﻟﻮ ﻓﺮﺡ ﺍﻟﺪﻧﻴﺎ ﺧﻠﻮﻙ ﺗﺒﻜﻰ
ﺑﺎﻟﺪﻣﻌـﺔ ﺍﻟﺴﺨـﻴﺔ
ﺭﻏﻢ ﺃﻓﻜﺎﺭﻡ ﺑﺮﻳﺪﻙ ﺭﻳﺪﺓ
ﻇـﺎﻫﺮﺓ ﻭﻣﻮ ﺧـــﻔﻴﺔ
ﻭﺍﺧﺘﻼﻑ ﺍﻟﻔﻜﺮ ﻋﻤﺮﻭ ﻣﺎ
ﻓﺴـﺪ ﻟﻠﻮﺩ ﻗﻀــــﻴﺔ
ﺣﺎﻟﺘﻰ ﻣﻦ ﻏﻴﺮﻙ ﺗﻤﺤﻦ
ﻋﻴﺸــﺔ ﻓﻰ ﻧﺎﺭ ﺳﺮﻣﺪﻳﺔ
ﻣﺎﻓﻰ ﺯﻭﻝ ﺃﺣﻜﻴﻠﻮ ﺣﺎﻟﻰ
ﻭﺇﻧﺘﻰ ﻣــﺎﻙ ﻋﺎﺭﻓﺔ ﺍﻟﻌﻠﻰ
ﺳﺎﺭﺓ ﻣﺎﺑﻘـــﺪﺭ ﺃﻟﻮﻣــــــﻚ
ﺇﻧﺘﻰ ﻣﺎ ﺍﺗﻠـــﻮﻣﺘﻰ ﻓﻴــﺎَّ
ﻭﺍﻟﺒﺰﺡ ﻓﻰ ﺍﻟﻮﺍﻃﺔ ﻗﺎﻋﺪ ﻣﺎ
ﺑﺘﻄــﻮﻝ ﻗﺪﻣــﻮ ﺍﻟﺜﺮﻳﺎ
ﺳﺎﺭﺓ ﺃﻣﺴﺤﻰ ﺳﻴﻞ ﺩﻣﻮﻋﻚ
ﻭﻋﻴﺸﻰ ﻟﺤﻈﺎﺗﻚ ﻫﻨﻴﺔ
ﻭﺍﻟﻔﺮﺡ ﻓﺪ ﻣﺮﺓ ﻗﺎﻟﻮﺍ ﻋﻨـﺪﻭ
ﻓﻰ ﺃﻋﻤــﺎﺭﻧﺎ ﺟﻴـــــﺔ
ﺃﻭﻋﻰ ﺗﺤﺰﻧﻰ ﻳﻮﻡ ﺯﻓﺎﻓﻚ
ﺇﻧﺘﻰ ﻣﺎ ﺷﺒﻪ ﺍﻷﺳـــــﻴﺔ
ﺍﻻَّ ﺃﻗﺪﺍﺭﻙ ﻣﻌــﺎﻧﺪﺓ ﻭﺇﻧﺘﻰ
ﻟﻴﻬـــﺎ ﺩﻭﺍﻡ ﺿــــــﺤﻴﺔ
ﺍﻓﺘﻘﺪﺗﻚ ﻓﻰ ﺇﺣﺘﻀﺎﺭﻯ ﻳﻮﻡ
ﺃﺣﺎﻃــﺖ ﺑﻰ ﺍﻟﻤـــﻨﻴﺔ
ﻭﻗﺎﻟﻮﺍ ﻓﻰ ﺍﻟﻠﻴﻞ ﺍﻟﻤﻀَّﻠﻢ
ﻳﻔﺘﻘﺪ ﻗﻤـــــــﺮ ﺍﻟﻌـــــﺸﻴﺔ
ﺳﺎﺭﺓ ﻃﺎﺭﻳﻚ ﻣﺎ ﻧﺴﻴﺘﻚ
ﻭﻛﻴﻔﻦ ﺃﻧﺴــــــــﺎﻙ ﻳﺎ ﺑﻨﻴﺔ