عبدالله محمدخير**غريبه مابكن العيون في يوما داك

*
ﻏﺮﻳﺒﺔ ﻣﺎ ﺑﻜﺖ ﺍﻟﻌﻴﻮﻥ ﻓﻲ ﻳﻮﻣﺎ ﺩﺍﻙ !..
ﻟﻤﺎ ﺍﻧﻜﺘﻢ ﻧﻔﺲ ﺍﻟﻘﻠﻴﺐ
ﺍﻟﻜﺎﻥ ﺑﺸﻴﻞ ﻫﻮﺍ ﻣﻦ ﻫﻮﺍﻙ
***
ﺗﺎﻫﺖ ﺧﻄﺎﻭﻱ ﻋﻠﻴﻚ ﻣﻦ ﻗﺒﻞ ﺍﻟﻮﺻﻮﻝ
ﻭﻗﻔﺖ ﻫﻨﺎﻙ .....
***
ﻭﺭﺛﺖ ﻣﻦ ﺍﻟﺰﻣﻦ ﺍﻟﺼﺒﺮ
ﻣﻤﻬﻮﻟﻪ ﻣﺎ ﺻﺒﻘﺖ ﺧﻄﺎﻙ
ﻣﻊ ﺇﻧﻮ ﻳﺎ ﺍﻟﻘﻤﺮ ﺍﻟﻤﻠﺠﻠﺞ ﻓﻲ ﺳﻤﺎﻙ
ﺃﻃﻮﻝ ﻣﺸﺎﻭﻳﺮ ﺍﻟﻔﺮﺡ ﻛﺎﻧﺖ ﻣﻌﺎﻙ
***
ﻣﺒﻬﻮﺭﺓ ﻣﺎ ﺑﻜﺖ ﺍﻟﻌﻴﻮﻥ
ﻣﺴﺮﻭﺭﺓ ﻟﻠﻔﺮﺡ ﺍﻟﻤﻼﻙ
ﻣﻌﺼﻮﺭﺓ ﺑﺎﻟﺤﺰﻥ ﺍﻟﺪﻓﻴﻦ
ﻣﻐﻤﻮﺭﺓ ﺑﻲ ﻓﺮﺣﺔ ﻟﻘﺎﻙ
ﻣﺴﺤﻮﺭﺓ ﺑﺎﻟﺤﺴﻦ ﺍﻟﺮﺯﻳﻦ
ﻣﺄﻣﻮﺭﺓ ﺗﻨﻈﺮ ﻟﻲ ﺑﻬﺎﻙ
ﻣﻜﺴﻮﺭﺓ ﺗﺨﻔﻴﻪ ﺍﻟﺤﻨﻴﻦ
ﻣﺠﺒﻮﺭﺓ ﻣﺎ ﺭﺍﺩﺕ ﺳﻮﺍﻙ
ﻣﺤﺼﻮﺭﻩ ﻓﻲ ﺍﻟﻮﺟﻪ ﺍﻟﺤﺴﻴﻦ
ﻳﺎﺻﻮﺭﺓ ﺃﺟﻤﻞ ﻣﻦ ﻣﻼﻙ
***
ﻭﻏﺮﻳﺒﺔ ﺇﻧﻲ ﻭﻗﻒ ﺃﻣﺎﻡ ﻋﻴﻨﻴﻚ
ﻭﻣﺎ ﺇﻧﻬﺎﺭﺕ ﻗﻮﺍﻱ !!!
ﺍﺗﺠﻤﻌﺖ ﻛﻞ ﺍﻟﻤﻌﺎﻧﻲ ﺍﻟﺴﺎﻣﻴﺔ
ﺩﻳﻚ ﺍﻟﻠﺤﻈﺔ ﻭﺍﺗﺤﺪﺕ ﻣﻌﺎﻱ
ﻏﺎﻳﺔ ﺭﺟﺎﻱ .....
ﻗﻴﻤﺔ ﻭﻓﺎﻱ .....
ﻣﻌﻨﻲ ﻏﻨﺎﻱ .....
ﻭﺗﻤﻦ ﺷﻘﺎﻱ .....
ﻳﺎﻣﻦ ﻭﻫﺒﺘﻚ ﻛﻞ ﻣﺎ ﻣﻀﻲ
ﻣﻦ ﺷﺒﺎﺑﻲ ﻭﻣﻦ ﺻﺒﺎﻱ
ﺃﻧﺎ ﻫﻞ ﻇﻠﻤﺘﻚ ؟
ﺃﻡ ﻇﻠﻤﺘﻨﻲ ؟
ﻟﻤﺎ ﺳﺒﺘﻚ ﻟﻲ ﺳﻮﺍﻱ
***
ﻟﻲ ﺣﻜﻤﺔ ﻣﺎ ﺑﻜﺖ ﺍﻟﻌﻴﻮﻥ
ﺍﻟﺸﺎﺧﺼﻪ ﻓﻲ ﻭﺟﻬﺎً ﺟﻤﻴﻞ
ﺣﺎﻓـــــﻆ ﻧــــــﺪﺍﻱ
ﻭﺍﻟﻠﻴﻠﺔ ﻛﺎﺳﻴﻬﻮ ﺍﻟﺸﺤﻮﺏ
ﻓﻲ ﻳﻮﻡ ﺯﻓﺎﻑ ﺧﺎﺻﻢ ﻫﻮﺍﻱ
ﻛﺎﻥ ﺻﺎﻏﻴﻪ ﻟﻲ ﺻﻤﺖ ﺍﻟﻌﻴﻮﻥ
ﺍﻟﻜﺎﻥ ﺑﺮﺩﺩ ﻳﺎ ﺿﻨﺎﻱ
ﻣﻨﺬ 10 ﺳﺎﻋﺎﺕ · ·