اتغير(الملامه)ابراهيم ابنعوف

ﺇﺗﻐﻴﺮﺕ ﺃﻧﺎ ﺃﺗﻐﻴﺮ ؟! ﻣﺤﺎﻝ ﻳﺎﺭﻭﺣﻲ ﺃﻧﺎ
ﺍﺗﻐﻴﺮ
ﻭﺣﺎﺗﻚ ﺇﻧﻲ ﻻ ﺣﺒﻴﺖ ﻭﻻﻳﻮﻡ ﻓﻲ ﺳﻮﺍﻙ
ﻓﻜﺮ
***
ﺧﻄﺎﺑﺎﺗﻚ ﺗﻌﺎﺗﺒﻨﻲ ﻭﺃﺗﻮﻩ ﻓﻲ ﺳﻄﻮﺭﻫﺎ
ﺇﺗﺤﺴﺮ
ﻋﻠﻲ ﺍﻷﻣﻞ ﺍﻟﺒﻨﻴﺘﻮ ﻋﻠﻴﻚ ﻭﻋﻤﺮﻱ ﺍﻟﺨﺎﻳﻔﻮ
ﻳﺘﻮﺩﺭ
ﻭﺃﻛﺘﺐ ﻟﻴﻚ ﻋﺸﺎﻥ ﺃﺭﺿﻴﻚ ﺃﻗﺒﻞ ﻟﻮﻣﻲ
ﻭﺃﺗﻌﺬﺭ
ﻭﺃﻟﻮﻡ ﻓﻲ ﻗﻠﺒﻲ ﻟﻴﻪ ﻳﻨﺴﺎﻙ ﻭﻋﺎﺭﻓﻮ
ﻗﻠﻴﺒﻲ ﻣﺎ ﺑﻴﻘﺪﺭ
***
ﻛﻴﻔﻦ ﻫﺎﻥ ﻋﻠﻲ ﺃﻧﺴﺎﻙ ﻭﺃﻧﺴﻲ ﺍﻟﻌﺸﺮﻩ
ﻭﺇﺗﻨﻜﺮ
ﻭﻛﻴﻒ ﻳﺠﻔﺎﻙ ﻗﻠﻴﺒﺎً ﻟﻲ ﺑﻌﺪ ﻓﻲ ﺣﺒﻚ
ﺇﺗﻮﻛﺮ
ﺃﺻﺒﺢ ﻛﻞ ﻣﻨﺎﻱ ﺃﻟﻘﺎﻙ ﺃﻓﺮﺡ ﻭﺧﺎﻃﺮﻱ
ﺑﻴﻚ ﻳﻨﺴﺮ
ﻭﺩﺭﺑﺎً ﻓﻲ ﺍﻟﻌﻤﺮ ﺳﺮﻧﺎﻩ ﻧﺤﻦ ﻭﻳﺎﻙ
ﻧﻔﺮﺷﻮ ﺯﻫﺮ
***
ﺃﺭﻳﺖ ﻟﻴﻼً ﻳﺸﻴﻠﻨﻲ ﻣﻌﺎﻙ ﻟﻲ ﺑﻠﺪﺍً ﺑﻌﻴﺪﻩ
ﺳﻔﺮ
ﺑﻠﺪﺍً ﻻﻓﻲ ﺯﻭﻝ ﻃﻼﻫﺎ ﻻ ﺯﻭﻻً ﻳﺠﻴﺒﻠﻮ ﺧﺒﺮ
ﻭﻭﻛﺖ ﺍﻟﻠﻴﻞ ﻳﻌﻢ ﺍﻟﻜﻮﻥ ﻭﻓﻮﻕ ﻟﺮﺑﺎﻩ
ﻳﺘﺤﻜﺮ
ﻳﺴﺪﻝ ﻣﻦ ﺿﻔﺎﻳﺮﻭ ﺍﻟﺴﻮﺩ ﻭﺇﺗﻮﺳﺪ
ﺿﻔﺎﻳﺮﻭ ﺃﺳﻬﺮ
***
ﺃﺟﻤﻊ ﻣﻦ ﻧﺠﻮﻣﻮ ﺍﻟﺸﺎﺭﺩﻩ ﺃﻧﻈﻢ ﻟﻴﻚ
ﻋﻘﻮﺩ ﻭﺩﺭﺭ
ﻭﺃﻫﺪﻳﻚ ﻣﻦ ﺭﻳﺎﺽ ﺃﺷﻮﺍﻗﻲ ﺑﺎﻗﺎﺕ ﻣﻦ
ﻭﺭﻭﺩ ﻭﺯﻫﺮ
ﺃﻗﻮﻟﻚ ﺷﻮﻓﻲ ﻳﺎﻣﺤﺒﻮﺑﻪ ﺭﻭﺿﻨﺎ ﺑﻌﺪ
ﻳﺒﺎﺱ ﺇﺧﻀﺮ
ﻭﻧﺴﻤﺎﺕ ﺍﻟﺼﺒﺎﺡ ﻃﻠﺖ ﺗﻌﺎﻧﻖ ﺯﻫﺮﻭ
ﺗﺘﻌﻄﺮ
***
ﺗﺨﺎﻑ ﺍﻟﻠﻴﻞ ﺣﻜﺎﻭﻳﻨﺎ ﻭﻧﻀﻤﻬﺎ ﻓﻲ ﻋﻨﺎﻕ
ﻭﺳﻤﺮ
ﻭﺗﻨﺴﺞ ﺗﻮﺏ ﺃﻣﺎﺳﻴﻨﺎ ﺗﻈﺮﺯﻭ ﻣﻦ ﻏﻨﺎﻧﺎ
ﺻﻮﺭ
ﻧﻌﺎﻳﻦ ﻓﻲ ﺍﻟﺒﻌﻴﺪ ﻧﺠﻤﺎﺕ ﻧﺸﺪ ﻓﻮﻗﻦ
ﻗﻠﻴﺒﻲ ﻭﺗﺮ
ﻭﺃﻋﺰﻑ ﻣﻦ ﺭﺑﺎﺑﻮ ﻧﻐﻴﻢ ﺯﻣﺎﻥ ﻛﺎﻥ ﺑﻴﻪ
ﻳﺘﺄﺛﺮ
***
ﺑﺴﻤﺎﻳﺘﻚ ﺗﻄﻤﻨﻲ ﻭﻳﺰﻳﺪ ﺑﻴﻬﺎ ﺍﻷﻣﻞ .. ﻳﻜﺒﺮ
ﻭﻋﻴﻮﻧﻚ ﺗﻠﻬﺐ ﺍﻷﺷﻮﺍﻕ ﻭﺩﺍﺧﻞ ﻗﻠﺒﻲ
ﺗﺘﻔﺠﺮ
ﻭﺃﺗﻮﻩ ﺃﻧﺎ ﻓﻲ ﻇﻼﻡ ﻟﻴﻼً ﺗﻬﺒﻮ ﺍﻟﻨﺴﻤﺔ
ﻳﺘﺒﻌﺜﺮ
ﻭﻳﺘﻤﺎﻭﺝ ﺃﻣﺎﻡ ﻋﻴﻨﻲ ﻳﻈﻬﺮ ﻣﻦ ﺧﻼﻟﻮ ﻗﻤﺮ
***
ﺃﻭﺩﻉ ﻫﻤﻲ ﺑﻲ ﺭﺅﻳﺎﻛﻲ ﻻ ﺃﺣﺰﻥ ﻭﻻ
ﺃﺗﻜﺪﺭ
ﻭﺃﻋﺎﻫﺪﻙ ﺇﻧﻲ ﺃﺻﻮﻥ ﺣﺒﺎً ﻧﻤﺎ ﻭﺑﻴﻦ
ﺍﻟﻀﻠﻮﻉ ﺧﺪﺭ
ﺃﺣﺲ ﺇﻧﻮ ﺍﻟﺰﻣﻦ ﺻﺎﻓﺎﻧﻲ ﻗﺮﺑﻚ ﻭﻟﻲّ
ﺇﺗﺄﺧﺮ
ﻭﺃﺷﻌﺮ ﺇﻧﻲ ﻧﻠﺖ ﺳﻌﺎﺩﺓ ﻗﺒﻠﻲ ﺃﻧﺎ ﻣﺎ
ﻟﻘﺎﻫﺎ ﺑﺸﺮ