خالد الباشا**سري الكبير

ﺍﻟﺮﺍﺋﻊ ﺧـــﺎﻟﺪ ﺍﻟﺒﺎﺷــﺎ
ﺳﺮﻱ ﺍﻟﻜﺒﻴﺮ
----------
ﺩﺍﺳﻴﻚ ﻓﻲ ﻧﻔﺴﻲ ﻭﺑﺮﺭﺍﺍﺍﺍﻱ
ﻓﻲ ﻗﻠﺒﻲ ﺭﺍﺑﻄﻚ ﺑﻲ ﺣﺠﺮ
ﺗﺘﻘﺎﺳﻤﻲ ﺍﻧﻔﺎﺳﻚ ﻣﻌﺎﻱ
ﻛﻠﻤﺎ ﺣﺘﻠﻨﺎ ﻋﻠﻲ ﺍﻟﻘﻌﺮ
ﻭﺗﺘﺮﺍﻳﻢ ﺍﻓﺮﺍﺣﻚ ﺑﻼﻱ..
ﻟﻮ ﻓﺘﻲ ﺍﻭﻓﺎﺗﺒﻲ ﺍﻟﻘﺪﺭ
ﺍﻧﺎ ﻣﺎﻧﻲ ﺯﻭﻝ ﻳﺎﺑﺖ ﻏﻨﺎﻱ
ﻻ ﺍﻧﺘﻲ ﻓﻲ ﺫﺍﺗﻚ ﺑﺸﺮ
ﺍﻧﺎ ﻣﻦ ﺗﺮﺍﺑﻨﺎ ﺍﻟﻄﻴﺒﻲ ﺟﻴﺖ
ﻭﺍﻧﺘﻲ ﺍﻟﻤﺮﻗﺘﻲ ﻣﻦ ﺍﻟﺒﺤﺮ
ﻣﻦ ﻟﻤﻠﻢ ﺍﺷﻮﺍﻗﻲ ﺍﻟﻐﻤﺎﻡ
ﻻﻣﻦ ﻧﺰﻟﺘﻲ ﻣﻊ ﺍﻟﻤﻄﺮ
********
ﺳﺮﻱ ﺍﻟﻜﺒﻴﻴﻴﺮ ﻣﺎﻗﻠﺘﻮ ﻟﻴﻚ
ﻭﻣﺎﺩﺍﺭ ﺍﻗﻮﻝ ﻣﺎﺩﻣﺖ ﺣﻲ
ﻣﺎﺩﺍﻡ ﻫﻮﺍﻙ ﻧﻮﺭ ﺍﻟﻌﻴﻮﻥ
ﻏﺎﻣﺮ ﺩﺭﻭﺏ ﺍﻟﺪﻧﻴﺎ ﺿﻲ
ﻣﺎ ﺷﺮﻁ ﺍﻧﻲ ﺍﻋﻴﺶ ﺳﻌﻴﺪ
ﻃﺎﻝ ﻣﺎﻛﻲ ﻳﻮﺕ ﻓﺮﺣﺎﻧﺔ ﺑﻲ
ﻃﺎﻝ ﻣﺎﺩﻓﻌﺖ ﺗﻤﻦ ﺩﻣﻮﻉ
ﺳﺎﻟﻦ ﺧﻴﻮﺕ ﺣﺰﻧﻦ ﻋﻠﻲ
ﻭﺯﻭﻟﻲ ﺍﻟﺒﺮﻳﺪﻭ ﻭﺍﺣﺒﻮ ﻣﻮﺕ
ﻭﺳﻂ ﺍﻻﻣﺎﻧﻲ ﺩﻓﻨﺘﻮ ﺣﻲ ...
**
ﺳﺮﻱ ﺍﻟﺒﺸﻴﻠﻮ ﻣﻌﺎﻱ ﻭﺍﻓﻮﺕ
ﺑﻲ ﺷﻮﻗﻲ ﺑﻲ ﺷﻮﻕ ﺍﻟﺤﺒﻴﺐ
ﻭﺍﻗﻒ ﺳﺒﻴﻞ ﻟﻠﺤﺐ ﻭﺭﺍﻱ
ﺭﺍﻛﻮﺑﺔ ﻣﺎﺍﻫﻠﻲ ﻭﻫﻤﺒﺮﻳﺐ
ﺷﺨﻠﻮﺏ ﻳﺨﺮﺗﻮ ﺍﻟﻌﺎﺷﻘﻴﻦ
ﺿﻞ ﻧﻴﻢ ﻳﺸﺮ ﻓﻮﻕ ﺍﻟﺪﺭﻳﺐ
ﺍﻧﺎ ﻋﻤﺮﻱ ﺑﻲ ﺣﺒﻚ ﻃﻮﻳﻴﻞ
ﻓﻲ ﺍﻟﺪﻧﻴﺎ ﻭﺣﺪﺍﻧﻲ ﻭﻏﺮﻳﺐ
***
ﺟﻮﺍﻳﺎ ﺑﺎﻗﻲ ﻣﻊ ﺍﻟﺰﻣﻦ
ﻭﺍﻥ ﻣﺖ ﺫﻛﺮﺍﻙ ﺣﺎ ﺗﻌﻴﺶ
ﻻﻙ ﻏﻴﻤﺔ ﺗﻌﻄﻨﻲ ﻭﺗﻔﻮﺕ
ﻻﻙ ﻟﺤﻈﺔ ﻋﺎﺑﺮﻱ ﻭﻧﺎﺭ ﻋﻮﻳﺶ
ﺍﻧﺎ ﻭ ﺍﻧﺘﻲ ﻳﺎ ﺑﺖ ﺍﻟﺒﻠﺪ
ﺑﻴﻨﺎﺗﻨﺎ ﺭﻳﺪ ﻭ ﺣﻨﻴﻦ ﻭ ﻋﻴﺶ ..
ﺭﺍﺿﻌﻴﻦ ﻋﺸﻘﻨﺎ ﻣﻦ ﺍﻟﺴﺤﺎﺏ
ﻭ ﻛﺎﺗﺒﻴﻦ ﻏﺮﺍﻣﻨﺎ ﻋﻠﻲ ﺗﺮﺍﺏ
ﻋﺎﻳﺸﻴﻦ ﻋﻠﻴﻬﺎ ﻋﺸﺎﻥ ﺗﻌﻴﺶ ..
ﺍﻟﺰﻳﻲ ﻭ ﺍﻟﺰﻳﻚ ﻃﻴﻮﺭ
ﻭ ﺍﺣﻼﻣﻨﺎ ﻃﻠﻘﻪ ﻭ ﻋﺎﺩ ﺗﻄﻴﺶ ..
ﻛﻠﻤﺎ ﺍﻧﻬﺘﻚ ﺳﺘﺮ ﺍﻟﺤﻴﺎﻩ
ﺑﺘﺮﺑﻲ ﻣﻦ ﺃﻭﺟﺎﻋﺎ ﺭﻳﺶ ..
ﻭ ﺍﻟﺪﻧﻴﺎ ﻛﻠﻬﺎ ﺑﻴﻚ ﺣﻮﺍﺱ
ﺗﺘﻼﻗﻰ ﻓﻲ ﺧﺎﻃﺮﻱ ﻭ ﺗﺠﻴﺶ ..
ﻭ ﺍﻧﺎ ﺭﺍﺍﺍﺿﻲ ﻛﺎﻥ ﺷﺎﻳﻠﻚ ﺗﻘﻴﻞ
ﻭﺍﺻﻼﺑﻲ ﻣﻴﺲ ﺍﻟﻔﺮﺣﻪ ﻃﻴﺶ ..
ﻳﺎ ﺇﻧﺘﻲ ﻳﺎ ﺣﺲ ﺍﻟﺒﻠﺪ
ﻋﻮﺽ ﺍﻟﺤﻮﺍﺱ ﺍﻟﻄﺎﻟﻌﻲ ﺑﻴﺶ ..