حسن احمد حسن ***شافع العرب

ﺍﻟﺤﺰﻥ ﻓﻲ ﻭﺷﻮ
ﺑﺎﺩﻱ ﻭﺣﺎﻟﻮ ﻗﻄﻊ
ﻟﻲ ﻓﺆﺍﺩﻱ
ﺷﺎﻓﻊ ﺍﻟﻌﺮﺏ
ﺍﻟﻠﻘﻴﺘﻮ ﻳﺠﺮﻱ ﻓﻲ
ﻗﻠﺐ ﺍﻟﺒﻮﺍﺩﻱ
ﻳﺸﺤﺪ ﺍﻟﻨﺎﺱ
ﺍﻟﻤﺴﺎﻓﺮﺓ ﻛﺴﺮﺓ
ﻣﻦ ﺑﺎﻗﻲ ﺍﻟﺰﻭﺍﺩﻱ
ﺭﺍﻓﻊ ﺍﻻﻳﺪﻳﻦ ﻳﺄﺷﺮ
ﻭﺻﻮﺗﻮ ﻣﺎﻗﺎﺩﺭ
ﻳﻨﺎﺩﻱ
ﺍﻟﻌﻄﺶ ﺗﺐ ﻫﺪ
ﺣﻴﻠﻮ ﻭﺍﻟﺴﻤﻮﻡ ﻟﻲ
ﻟﻮﻧﻮ ﻫﺎﺩﻱ
ﺍﺑﺘﺴﻢ ﻟﻤﻦ ﻟﻘﻴﺘﻮ
ﺑﻲ ﻓﺮﺡ ﻣﻤﺰﻭﺝ
ﻭﻫﺎﺩﻱ
ﻗﺎﻟﻲ ﺑﻲ ﻛﻞ
ﺍﻟﺒﺴﺎﻃﺔ ﻣﻮﻳﺔ
ﺍﺻﻠﻲ ﻋﻄﻴﺶ
ﻭﺻﺎﺩﻱ
ﻗﺒﻞ ﻣﺎﻳﺘﺒﻠﺔ ﺭﻳﻘﻮ
ﺗﺎﻧﻲ ﻗﺒﻞ ﻣﻨﻲ
ﻗﺎﺩﻱ
ﺷﻔﺖ ﻓﻲ ﻋﻴﻨﻴﻬﻮ
ﻧﻈﺮﺓ ﻧﻈﺮﺓ ﺫﻱ
ﻋﻄﺶ ﺍﻟﺒﻮﺍﺩﻱ
ﻭﺗﺎﻧﻲ ﻗﺎﻡ ﻳﺤﻜﻴﻠﻮ
ﻋﻨﻮ ﻭﻋﻦ ﺯﻣﻦ
ﻇﻼﻡ ﻣﻌﺎﺩﻱ
ﻗﺎﻟﻲ ﻣﻤﺎ ﻣﺎﺕ
ﺍﺑﻮﻳﺎ ﻓﺖ ﺭﺍﺣﻞ ﻣﻦ
ﺑﻼﺩﻱ
ﻋﻤﺮﻱ ﻛﺎﻥ ﻳﺎﺩﺍﺑﻮ
ﺗﺴﻌﺔ ﻣﻦ ﺳﻨﻴﻨﻲ
ﺍﻟﺬﻱ ﺳﻮﺍﺩﻱ
ﺳﺎﻗﻨﻲ ﺯﻭﻝ
ﺑﺎﻻﺟﺮﺓ ﺍﺳﺮﺡ ﻓﻲ
ﺍﻟﻬﻮﻳﺪ ﻭﺍﻟﺘﻘﻮﻱ
ﺯﺍﺩﻱ
ﻓﻲ ﺍﻟﺮﻭﺍﻛﻴﺐ ﺩﻳﻞ
ﻣﺒﻴﺘﻲ ﻭﺍﻻﻣﻞ ﻳﺎﻫﻮ
ﺍﻟﺰﻭﺍﺩﻱ
ﻭﺍﻣﺎ ﻛﺎﻥ ﺟﻴﺖ
ﻟﻠﻘﺮﺍﻳﺔ ﻻﻗﺮﻳﺖ ﻻ
ﻟﻲ ﺷﻬﺎﺩﻱ
ﻏﺎﻳﺘﻮ ﺍﺣﺴﻦ ﻣﻦ
ﻫﻨﺎﻙ ﻻﻫﻤﻮﻡ ﻻ ﻟﻲ
ﺍﻋﺎﺩﻱ
ﺍﻟﻨﺠﻮﻡ ﻟﻴﻬﻦ
ﺑﻮﺍﻧﺲ ﻟﻲ ﻳﺸﺎﺭﻛﻦ
ﻓﻲ ﺳﻬﺎﺩﻱ
ﻧﺎﺱ ﺗﻀﻴﻊ ﻓﻲ
ﻗﺮﻭﺷﺔ ﺑﻲ ﺑﺬﺥ ﻓﻲ
ﺍﺑﻬﻲ ﻧﺎﺩﻱ
ﻭﻧﺎﺳﻴﺔ ﺍﻧﻮ ﻫﻨﺎﻙ
ﻏﻼﺑﺔ ﻟﺴﺔ ﻣﺎﻋﺮﻓﻮ
ﺍﻟﺮﻭﺍﺩﻱ
ﻟﻘﻤﺔ ﺍﻟﻌﻴﺶ ﻟﻴﻬﺎ
ﺻﻌﺒﺔ ﻭﺍﻟﺪﻣﻊ ﻓﻮﻕ
ﻋﻴﻨﺔ ﻋﺎﺩﻱ
ﻭﻳﺎ ﺷﻮﻳﻔﻊ ﻛﺎﻥ ﻓﻲ
ﻋﻮﻧﻚ ﻭﺍﻫﺐ
ﺍﻟﺸﻘﺎﺀ ﻭﺍﻟﺴﻌﺎﺩﻱ