طير الغروب ابراهيم ابنعوف

ﻃﻴﺮ ﺍﻟﻐﺮﻭﺏ ﺃﺳﻜـﺖ ﻛﻔﺎﻛـﺎ ﺭﻃـﻦ
ﻗﺒﻠﻚ ﻛﻢ ﺑﻜﻴﺖ ﻭﻛﻢ ﻣﻦ ﻧﻔﻮﺱ ﻳﺒﻜﻦ
***
ﺑﻜﺎﻙ ﺍﻟﻔـﺮﺍﻕ ﺭﺍﺣـﻞ ﺑﻌﻴـﺪ ﺗﺴﻜـﻦ
ﻭﻻ ﻓﻘـﺪ ﺟﻨـﺎﻙ ﻭﺍﺻﺒﺤـﺖ ﻣﺘﺠـﻨـﻦ
ﺗـﺮﻯ ﺍﻟﻔﺎﻗـﺪ ﺟﻨـﺎﻩ ﻭﺭﺍﻩ .. ﻣﺘﻴﻘـﻦ
ﻭﻣﺎ ﻛﻞ ﺍﻟﺮﺣـﻞ ﻓـﺎﺭﻕ ﺩﻳـﺎﺭﻭ ﺣـﺰِﻥ
***
ﺇﻧﺖ ﺍﻟﻤﻚ ﻣﺎﻫﻮ ﺫﻯ ﺃﻟﻤﺎً ﻋﻠﻰ ﻣُﺰﻣـﻦ
ﻭﻓﻘﺪﻙ ﻟﻮ ﺗﻘﻮﻝ ﺫﻯ ﻓﻘﺪﻯ ﻣﺎ ﻣﻤﻜـﻦ
ﻓﺎﺭﻗﻨﻰ ﺍﻟﺒﺮﻳﺪﻭ ﺣﻴﺎﺗﻰ ﻋـﺎﺩ ﻛﻴﻔـﻦ
ﻭﻓﺘﻘﻠﻰ ﺍﻟﺠﺮﻭﺡ ﻗﺒـﻞ ﺍﻟﺠـﺮﻭﺡ ﻳﺒـﺮﻥ
***
ﻧﻴﺮﺍﻥ ﺍﻟﻐـﺮﺍﻡ ﻓـﻰ ﺣﺎﻟـﻰ ﻣﺎﺑﻴﺮﺗـﻦ
ﺳﺎﻛﻨﺎﺕ ﻓﻰ ﻋﻀﺎﻯ ﻳﺼّﺒﺤِـﻦ ﻭﻳﻤﺴـﻦ
ﻛـﻞ ﺍﻻﺷﺘﻜﻴﻠـﻮ ﺍﻗﻮﻟـﻮ ﻟـﻰ .. ﻃﻤـﻦ
ﻳﻘﻮﻟﻰ ﻣﺎ ﺑﺘﻄﻴﺐ ﺍﻧﺖ ﺍﺗﻤﻜﻨﺖ ﻣﻜـﻦ
***
ﻛﻞ ﺃﺳﺒﺎﺑﻰ ﻣﻦ ﺯﻭﻻً ﺻﻐﻴﺮ ﻓﻰ ﺍﻟﺴـﻦ
ﺳﻴﺎﻓـﺎﺕ ﺭﻣﻮﺷـﻮ ﻭﺍﻟﻌﻴـﻮﻥ ﻳـﺮﻣـﻦ
ﺑﺴﻤﺔ ﻓﺎﻃﺮﻭ ﺗﻀﻮﻯ ﺍﻟﻠﻴﻞ ﺑﻌﺪ ﻳﺪﻛـﻦ
ﻭﺍﻥ ﺟﻴﺖ ﻟﻠﺨﺪﻭﺩ ﺟﻞّ ﺍﻟﻌﻠﻰ ﺍﻟﺼﻨﻌـﻦ
ﺇﺗﺤﻴّـﺮ ﺑﻘﻴـﺖ ﻓـﻰ ﺃﻣـﺮﻯ ﻣﺘﻤﺤِّـﻦ
ﺃﺣﻔّﺮ ﻓﻰ ﺍﻻﺭﺽ ﻣﺮﺍﺕ ﺑﺮﺍﻯ ﻭﺍﺩﻓـﻦ
ﺣِﻴﻠـﻰِ ﻣﻌـﺎﻩ ﻻ ﺑﺠﻴـﺒـﻦ ﻭﻻ ﺑــﻮَﺩّﻥ
ﺩﺍ ﺍﻟﻐﺎﺭﻯ ﺍﻟﺠﻤﺎﻝ ﻭﻓﻰ ﻃﺒﻌﻪ ﻣﺘﻌﺠِـﻦ
***
ﺩﺍﻳﺮ ﺍﻛﺘﺒﻠﻮ ﺃﻗﻮﻟـﻮ ﻗﻠﻴﺒـﻰ ﻣﺘﺒﺸﺘـﻦ
ﻳﺘﻮﺣـﻮﺡ ﻛﺘﻴـﺮ ﺭﻳﺸـﺎﺗـﻮ ﻳﺘـﻬـﺰِّﻥ
ﻳﺒﻜﻰ ﺍﻟﻤﺎﺿﻰ ﻭﺃﻓﺮﺍﺣﻮ ﺍﻟﺮﺣﻞ ﺯﻣﻨـﻦ
ﻣﺴﻜﻴﻦ ﻣﺎ ﻟﻘﻰ ﺍﻟﻔﻰ ﺣﺎﻟﻮ ﻳﺮﺗﻰ ﻳﺤِـﻦ
***
ﻗﺎﻟﻚ ﻓﻰ ﺷﺒﺎﺑـﻚ ﻳـﻮﻡ ﺃﺧﺪﻟـﻚ ﺇﺫﻥ
ﻻﺗﺮﺟّـﻰ ﺍﻻﺟـﺎﺯﺓ ﺩﺓ ﻟﻺﺟـﺎﺯﺓ ﺑـﺠِـﻦ
ﻟﻮ ﻓﺎﻛﺮ ﺣﻴﺼﺒﺮ ﺯﻯ ﻗﺒﻴـﻞ ﻣـﺎ ﺃﻇـﻦ
ﻳﺘﺼﺒـﺮ ﻭﺭﺍﻙ ﺭﺑـﻊ ﺍﻟﻘﺒﻴـﻞ ﺻَﺒَـﺮِﻥ
***
ﻣﻦ ﻭﺳﻂ ﺍﻟﺠﺤﻴﻢ ﻟﻴﻜـﻢ ﺭﺳﺎﻳﻠـﻮ ﺑِﺠِـﻦ
ﻭﻳﻬﺪﻯ ﻟﻴﻚ ﺳـﻼﻡ ﻭﺗﺤﺎﻳـﺎ ﻣـﺎ ﺑﻐِﺒّـﻦ
ﻣﺎ ﺃﺷﺮﻕ ﺻﺒﺎﺡ ﺑﻰ ﻳﻮﻡ ﺟﺪﻳـﺪ ﻳﻌﻠـﻦ
ﻭﻣﺎ ﻋﺎﻧﻖ ﻧﺴﻴﻤﻮ ﻓﺮﻳﻊ ﺭﻃﻴـﺐ ﻭﻟـﺪِﻥ
***
ﻣﺎ ﺳﺎﻟﻦ ﺩﻣﻮﻉ ﻓـﻮﻕ ﺍﻟﺨـﺪﻭﺩ ﻳﺠـﺮِﻥ
ﻭﻣﺎ ﻧﺎﺡ ﺍﻟﻌﺸﻮﻕ ﻳﺒﻜﻰ ﺍﻟﻔﺮﺍﻕ ﻭﻏِﺒِـﻦ
ﻭﻣﺎ ﺳﻬﺮﻥ ﻗﻠﻮﺏ ﺟﺎﺭ ﺍﻟﺰﻣـﻦ ﻇﻠﻤِـﻦ
ﻭﻋَﺪ ﻣﺎ ﺍﺑﻮﺍﺏ ﻭﺻﺎﻟﻚ ﻟﻴـﻪ ﻳﻨﺪﺳـﺪﻥ
***
ﺇﺑﺘﺪﻯ ﻓﻰ ﺍﻟﻜﺘﺎﺑـﺔ ﻋﻴﻮﻧـﻰ ﻳﺘﻘـﺪِﻥ
ﺯﻛﻠﻤﺎ ﻛﺘﺒﺖ ﻛﻠﻤﺔ ﺍﻟﻘﻰ ﺍﻟﺪﻣﻮﻉ ﻳﻤﺤِﻦ
ﺧﻠﻴﺖ ﺍﻟﻜﺘﺎﺑـﺔ ﺃﻫﻴـﺎ ﺍﻟﺪﻣـﻮﻉ ﺻُﺒِّـﻦ
ﻭﺍﺟﺮﻥ ﻻ ﺗﻘﻴﻔﻦ ﻭﻓﻰ ﺍﻟﺼﺒﻴـﺐ ﺟِـﺪِّﻥ