محمدالحسن سالم حميده***بت العرب النوبيه

ﺑﺖ
ﺍﻟﻌﺮﺏ ﺍﻟﻨﻮﺑﻴﺔ ﻛﺎﻣﻠﺔ (

ــــــــــــــــــــ
ﺍﻟﺸﻮﻕ ﻣﻦ ﺣﺎﺻﻒ ..
ﻻ ﻗﺎﺻﻒ
ﻳﺘﻠﻢ .. ﻳﻬﺰ ﻟﻴﻚ ﻳﺎ ﻧﻮﺭﺓ
ﻳﺎ ﺩﺭﻗﺔ ﻭﺳﻴﻒ
ﻳﺎ ﺣﻀﻨﺎً ﻛﻴﻒ
ﻣﻦ ﺷﺮ ﺍﻟﺼﻴﻒ
ﻭﺍﻟﺸﺘﺎﺀ ﺿﺎﺭﺍﻱ .. ﺿﺎﺭﺍﻱ
ﻳﺎ ﺷﺘﻠﺔ ﻋﺰ ﺑﻘﺖ ﺟﻮﺍﻱ
ﻋﺪﺕ ﺑﻲ ﺿﻼﻡ ﺑﺤﺮﺍً
ﻋﺎﺻﻒ
ﻳﺎ ﻧﻮﺭ ﻗﺎﻋﺪ ﺑﻚ .. ﻗﺎﻳﻢ
ﺑﻚ
ﺷﺎﻳﻠﻚ ﻣﻮﺭﻭﺩﺓ ﻭﻣﺘﻮﻛﻞ
ﻳﺎ ﻧﻮﺭﺍ ﻋﻠﻴﻨﺎ .. ﻋﻠﻲ ﺍﻟﻠﻪ
ﻭﺍﻟﻔﺮﺝ ﺍﻟﻘﺮﺏ .. ﻭﺣﺎﻳﻢ
ﺑﻚ
ﻳﺎ ﺑﺖ ﺍﻟﻌﺮﺏ ﺍﻟﻨﻮﺑﻴﺔ
ﻳﺎ ﺑﺖ ﺍﻟﻨﻮﺑﺔ ﺍﻟﻌﺮﺑﻴﺔ
ﻳﺎ ﻓﺮﺩﺓ ﻧﺨﻮﺓ ﺑﺠﺎﻭﻳﺔ
ﺃﻭ ﺷﺪﺭ ﺍﻟﺼﺤﻮﺓ ﺍﻟﺰﻧﺠﻴﺔ
ﺩﺳﻴﻨﻲ ﻣﻦ ﺍﻟﺰﻣﻦ
ﺍﻟﻔﺎﺭﻍ ..
ﻣﻦ ﺭﻭﺡ ﺍﻟﻤﺘﻌﺔ ﺍﻟﻮﻛﺘﻴﺔ
ﻣﻦ ﺷﺮ ﺍﻟﺴﺎﺣﻖ
ﻭﺍﻟﻤﺎﺣﻖ ..
ﺑﻴﻦ ﺩﺑﺶ ﺍﻟﻤﺪﻥ ﺍﻟﻤﺪﻋﻴﺔ
ﻭﺍﻟﻠﻴﻞ ﺍﺗﺤﻜﺮ ﺑﻴﻨﺎﺗﻪ
ﻭﻛﺤﻞ ﺑﻲ ﺩﺑﺸﻮ ﻋﻮﻳﻨﺎﺗﻪ
ﻳﺎ ﺷﻤﺲ ﺍﻟﻨﺎﺱ
ﺍﻟﻤﺴﻘﻴﺔ
ﺭﻭﺣّﺖ ﺃﺗﻨﺴﻢ ﺃﺧﺒﺎﺭﻙ ..
ﻻ ﺗﺸﻔﻖ ..
ﻗﺎﻟﻮﺍ ﻟﻲ ﻧﺼﻴﺤﻲ !!!
ﻭﺃﻧﺎ ﻋﺎﺭﻓﻚ ﻣﻤﻜﻮﻧﺔ
ﻭﺻﺎﺑﺮﺓ ..
ﻟﻜﻦ ﻟﻲ ﻧﺎﺱ ﺇﻻ ﺗﺼﻴﺤﻲ
ﺟﻮﺍﻱ ﻣﺄﺳﺎﺗﻚ
ﻣﻐﺮﻭﺳﺔ ..
ﻳﺎ ﻃﻔﻠﺔ ﺗﻔﺘﺶ ﻓﻲ ﺑﺎﻛﺮ
ﻣﺎ ﺑﻴﻨﺎﺕ ﻧﺨﻠﺔ ﻭﺃﺑﻨﻮﺳﺔ
ﺍﻟﺠﻮﻉ ﺍﻟﻌﻄﺶ ﺍﻟﻔﺪ
ﻭﺍﺣﺪ ..
ﺍﻟﻔﻘﺮ ﺍﻟﻀﺎﺭﺏ ﺯﻱ ﺳﻮﺳﺔ
ﺍﻟﺨﻮﻑ ﻭﺍﻟﺤﺎﻟﺔ
ﺍﻟﻤﻨﺤﻮﺳﺔ
ﻳﺎ ﺑﺤﺮ ﺍﻟﺤﺎﺻﻞ ..
ﻻﻙ ﻧﺎﺷﻒ ..
ﻻ ﻗﻠﻤﻲ ﺍﻟﻔﻲ ﺍﻳﺪﻱ ﻋﺼﺎ
ﻣﻮﺳﻰ
ﻳﺎ ﺃﻡ ﻏﻠﺒﺎً ﺣﺎﺭ ﻳﻨﺒﺮ ﻓﻴﻨﺎ ..
ﻣﺎ ﻋﺪﺍ ﺻﺒﺎﺡ ﻣﻦ ﻫﺎ ..
ﺍﻟﻤﻴﻨﺎﺀ
ﻛﺪ ﺍﻟﻜﺪﺍﺡ ﺷﺎﻳﻼ ﺳﻔﻴﻨﺔ
ﺍﻟﻨﺎﺱ ﻋﻮﺟﺎﺕ ..
ﺗﺤﺮﺱ .. ﺗﺮﺟﺎ
ﺗﺮﺟﻌﺒﻮ ﺳﻼﺡ ﻭﺃﻧﻮﺍﺭ ﺯﻳﻨﺔ
ﺑﻤﺒﺎﻥ ..
ﺷﻮﻓﻮﻧﻴﺮ ..
ﺁﻓﺎﺕ ..
ﻭﺳﻜﻲ ..
ﻟﻠﻨﺎﺱ ﺍﻟﺪﻣﻨﺎ ﺑﻨﺰﻳﻦ
ﻓِﻘﺮﺍً ﺗﺴﺘﺮﻕ ﻣﻦ ﺩﻳﻨﺎ
ﺑﺎﻳﺮﻛﺲ ﺃﺑﺮﻳﻘﻦ ..
ﻭﺍﻟﻤﻮﻳﺔ ..
ﺗﺘﺤﺪﻱ ﺑﻴﺾ ﺍﻟﻮﺯﻳﻨﺔ !!!
ﺧﺮﺯﺍﺕ ﺍﻟﺴﺒﺤﺔ
ﺃﻣﺮﻳﻜﻴﺔ ..
ﺧﺼﻞ ﺍﻟﻤﻮﻛﻴﺖ ﺇﻳﻄﺎﻟﻴﺔ
ﺩﻓﺘﺮ ﺷﻴﻜﺎﺗﺎً ﺭﺑﻮﻳﺔ ..
ﻓﻲ ﺍﻟﺠﻴﺐ
ﻭﺍﻟﺴﻴﺮﺓ ﺍﻟﻨﺒﻮﻳﺔ
ﺟﻤﺐ ﻣﺼﺤﻒ ﺟﻮﻩ
ﺍﻟﺒﺘﺮﻳﻨﺔ
ﺗﻘﺮﻭﻗﺘﻚ .. ﺩﻳﻤﺔ ﻋﻠﻲ
ﺍﻟﻘﺒﻠﺔ ..
ﻣﻴﻬﻴﺠﺔ ﺇﺑﺮﻳﻘﻚ ﺑﻲ ﻃﻴﻨﺎ
ﺍﻟﺴﺒﺤﺔ ﺃﺻﺎﺑﻌﻚ ﻳﺎ
ﺻﺎﻟﺤﺔ ..
ﻳﺎ ﺑﺖ ﺍﻟﻨﺎﺱ ﺍﻟﺼﺎﻟﺤﻴﻦ
ﺍﻟﺬﻣﻢ ﺍﻟﻤﺸﺮﻳﺔ ﺍﻟﻄﺎﻟﺤﺔ
…
ﺷﺘﺎﻥ ﺑﻴﻦ ﺩﻳﻨﻚ ﻭﺑﻴﻦ ﺩﻳﻨﺎ
ﺷﺘﺎﻥ ﺑﻴﻦ ﺃﺣﻤﺪ
ﻭﺣﺎﺝ ﺃﺣﻤﺪ ..
ﻭﻗﺪﺍﺱ ﻧﺎﺱ ﻳﺎﻱ
ﻭﺳﻼﻃﻴﻨﺎ
ﺷﻨﺎﻙ ﻣﻊ ﺍﻟﺨﻠﻖ ﺍﻟﻨﺎﻳﺤﺔ
ﻋﻠﻲ ﺃﺭﺽ ﻓﻠﺴﻄﻴﻦ
ﺍﻟﻔﺎﺗﺤﺔ
ﺍﻟﺒﺮﻛﺔ ﻓﻲ ﻟﻮﻧﻚ ﻳﺎ ﺳﻴﻨﺎﺀ
ﻳﺎ ﻧﻮﺭﺍ
ﺷﻠﻴﻠﻚ ﻣﺎ ﻓﺎﺕ
ﺑﻲ ﺑﻌﺪﻟﻮ ﺷﻠﻴﻠﻚ
ﺟﺎﻳﻴﻜﻲ ..
ﻣﺎ ﺟﺎﻳﻲ ﺃﻟﻢ ﺍﻟﺘﻤﺮﺍﺕ
ﻻ ﺃﺑﻜﻲ ﻭﺃﻗﺎﺑﻞ ﺑﺎﻟﻔﺎﺗﺤﺔ
ﻓﻲ ﺯﻭﻻً ﻟﻲّ ﻣﺮﺽ ..
ﻣﺎﺕ
ﺟﺎﻳﻴﻚ ﺃﺗﺰﻭﺩ ﻣﻦ ﻏﻠﺒﻚ ..
ﻭﺃﻛﻔﺮ ﺧﻄﺄ ﻏﻴﻤﺔ ﻣﺎ
ﺟﺎﺕ
ﻧﺒﺤﺚ ﻟﻬﺎ ﻛﻞ ﺍﻟﻤﻌﻤﻮﺭﺓ
ﻭﺍﻟﻨﺎﺱ ﻳﻮﻡ ﺗﻤﺮﻕ
ﻣﺪﺧﻮﺭﺓ
ﻳﺎ ﻧﻮﺭﺍ ﻧﺴﻴﻠﻚ ﻏﻨﻮﺍﺕ
ﻭﺃﻣﺎﻟﻲ ﺑﻲ ﺑﺎﻛﺮ
ﻣﻀﻔﻮﺭﺓ ..
ﻃﻼﺑﻚ ﻭﺃﻗﻼﻣﻨﺎ ﻫﻮﻳﺘﻚ ..
ﻗﺪﺍﻣﻨﺎ ﻗﻀﻴﺘﻚ ﺳﺒﻮﺭﺓ
ﺭﺗﺒﻨﺎ ﺍﻟﺨﺮﻃﺔ ﺍﻟﺒﺘﻮﺻﻞ
ﺃﺩﻳﻨﺎ ﺍﻟﺨﺎﻃﺮ ﻳﺎ ﻧﻮﺭﺍ
ﺑﺎﻟﻤﺪ ﺍﻟﺜﻮﺭﻱ ﺍﻟﻤﺪﺍﻓﻊ ..
ﻓﻮﻕ ﺩﺭﺑﻚ ﺗﺐ ﻣﺎ ﻣﺘﺮﺍﺟﻊ
ﺭﻏﻤﺎً ﻋﻦ ﻋﻨﺖ ﺍﻷﻳﺎﻡ ..
ﻭﺍﻟﺰﻣﻦ ﺍﻟﺠﻬﺠﺎﻩ ﺍﻟﻔﺎﺟﻊ
ﻣﺎ ﺭﻣﻞ ﺍﻟﺪﺭﺏ
ﺍﻟﻮﺳﻄﺎﻧﻲ ..
ﻭﻛﺘﻴﻨﻲ ﺍﻟﺮﺍﺣﻞ ﻭﺻﺎﻧﻲ
ﻻ ﺗﺮﺟﻊ ﺳﺎﻛﺖ ﻳﺎ ﺷﺎﻓﻊ
ﻻ ﺗﺮﺟﻊ ﺷﺎﻓﻊ ﻳﺎ ﺳﺎﻛﺖ
ﺧﺪ ﺑﺎﻟﻚ ﻭﻋﻴﻨﻚ ﻓﻲ
ﺍﻟﺸﺎﺭﻉ
ﻻ ﺗﺮﺟﻊ .. ﻻ .. ﻻ
ﺍﻟﺸﺎﺭﻉ ﻓﺎﺗﺢ ﻓﻲ ﺍﻟﺸﺎﺭﻉ
ﺍﻟﺸﺎﺭﻉ ﺻﺎﻥ ..
ﺻﺎﻥ ﺍﻟﺸﺎﺭﻉ
ﺟﺎﻳﻴﻚ ﻛﺎﻳﺴﻠﻚ ﻳﺎ ﻧﻮﺭﺍ..
ﻻ ﻛﺖ ﻟﻴﻬﺎ ﺃﻏﻨﻲ ﻣﻌﺎﻧﺎﺗﺎ
ﺍﻟﻔﺠﺮ ﺍﻟﻜﺎﺫﺏ ﻳﺮﺷﺤﻨﻲ
ﺗﺮﺷﻊ ﺑﻲ ﺍﻟﻮﺍﻃﺔ ﺳﻤﺎﻭﺍﺗﺎ
ﺷﺪﺭﺍﺕ ﺍﻟﺴﺎﻓﻞ ﺗﻨﺘﺤﻨﻰ
ﺑﻰ ﺍﻟﺤﺎﺻﻞ ﺃﻋﺒﺊ
ﻣﺴﺎﻣﺎﺗﺎ
ﺍﻟﻨﺎﺱ ﺍﻟﻘﺼﺮ ﺗﻨﺼﺤﻨﻰ
ﺍﺗﻜﺎﺟﺮ ﺃﺗﻮﺭ ﻧﺠﻤﺎﺗﺎ
ﺍﻟﻘﻤﺮ ﺍﻟﻄﻴﺐ ﻳﻔﻀﺤﻨﻰ
ﺗﻨﺒﺤﻨﻰ ﺳﺠﻮﻧﻚ ﻭﺁﻫﺎﺗﺎ
ﻛﺠﻨﺎ ﺳﺠﻮﻧﻚ ﻟﻮﻻﻙ
ﻛﻢ ﻋﺸﻘﺎ ﻳﺘﻴﺮﺏ ﻭﺍﻃﺎﺗﺎ
ﻣﻨﻌﻮﻝ ﺍﻟﺰﻣﻦ ﺍﻟﺨﻼﻛﺎ
ﺳﻠﻤﺖ ﺍﻟﻮﻃﻦ ﺍﻟﻬﻤﺒﺎﻧﺔ
ﻋﻠﻰ ﻛﻴﻔﻚ ﺳﻴﻔﻚ ﻳﺘﺤﻜﻢ
ﻳﺎ ﺳﻮﺳﺔ ﺗﻜﻨﻚ ﻣﺎ ﺑﺘﻌﻠﻢ
ﺑﻲ ﺷﺘﻠﺔ ﺗﻘﺮِّﺏ ﺗﺘﻜﻠﻢ
ﻳﺎ ﺣﺎﻝ ﺍﻟﺒﺘﺄﻟﻢ ﻭﺳﺎﻛﺖ
ﻭﻳﺎ ﺣﺎﻝ ﺍﻟﺴﺎﻛﺖ ﻭﺑﺘﺄﻟﻢ
ﻳﺘﻔﺘﻖ ﺟﺮﺣﻚ ﻳﻮﻡ ﻧﺒﺮﺍ
ﻭﻧﺘﻤﻠﻲ .. ﻭﻗﻴﺪﻙ ﻳﻨﺤﻄﻢ
ﻭﻳﻦ ﻋﺎﺗﺐ ﻫﺎﺭﺏ ﻣﻦ
ﺑﻜﺮﺓ
ﻭﺧﻄﻮ ﺍﻟﺘﺎﺭﻳﺦ ﺍﻟﺒﺘﻘﺪﻡ
ﻟﻠﺰﻣﻦ ﺍﻹﻧﺴﺎﻥ ﺍﻟﺴﺪﺭﺓ
ﺣﻴﻮﻗﻒ ﻗﻮﻟﻮ ﻣﺎ ﺑﻴﺮﻏﻢ
ﺍﻟﻤﻨﻔﻲ ﻓﻲ ﺷﺮﻋﻮ ﻛﻤﺎ
ﺍﻟﻬﺠﺮﺓ
ﻭﺍﻟﺴﺠﻦ ﻣﺘﻞ ﺩﺍﺭ ﺍﻷﺭﻗﻢ
ﻭﺍﻟﺸﺎﺭﻉ ﻗﺎﺭﻥ ﻓﻲ
ﺍﻟﺸﺎﺭﻉ
ﺭﻏﻤﺎً ﻋﻦ ﻋﻨﺖ ﺍﻷﻳﺎﻡ
ﻭﺍﻟﺰﻣﻦ ﺍﻟﺠﻬﺠﺎﻩ ﺍﻟﻔﺎﺟﻊ
ﺑﺎﻟﻨﻔﺲ ﺍﻟﻨﺎﺯﻝ ﻭﺍﻟﻄﺎﻟﻊ
ﻭﺃﻧﺎ ﻭﺍﺣﺪ ﻣﻦ ﺷﻌﺐ
ﻣﻀﺎﺭﻉ
ﺳﻤﻴﺖ ﻭﻣﺸﻴﺖ ﻣﺎ
ﻣﺘﺮﺍﺟﻊ
ﻏﻨﻴﺘﻚ ﻳﺎ ﻋﺸﻘﻲ ﻭﺗﻴﻬﻲ
ﻳﺎ ﺑﻼﺩﺍً ﻛﻢ ﺳﻤﺤﺔ
ﻭﺟﻴﻬﻲ
ﻟﻮ ﻟﻘﺖ ﺍﻟﻨﺎﺱ ﺍﻟﺒﺘﺪﻭﺭﺍ
ﺍﻷﻳﺪﻱ ﺍﻟﺘﻨﻔﺾ ﻛﺎﻧﺪﻳﻜﺎ
ﺗﻨﻘﻔﺬ ﺗﻠﺤﻘﺎ ﻓﻲ
ﺍﻟﻜﺎﻧﺪﻳﻜﺎ
ﺗﺮﺗﺎﻻ
ﺗﻜﻮﺱ ﻟﻬﺎ ﻓﻲ ﺍﻟﺠﻴﻬﻲ
‏*
‏*
ميرغني ــــــــــــــــــــ