محمدمالك عبدالكريم ** عذاب الريد

ﺑﻌﺪ ﺣﻔﻈﺖ ﻏﻨﺎﻱ ﺍﻟﻠﻴﻞ
ﻗﻨﻊ ﻣﻦ ﺷﻮﻓﺘﻚ ﻭﺟﻴﺖ
ﻣﺤﺮﻭﻕ
ﻻﻗﻴﺘﻚ ﻓﻲ ﺟﻮﺍﻱ ﺍﺷﻮﺍﻕ
ﻣﺎﺑﻴﻦ ﺣﺘﺮﺍﺏ ﺻﺒﺮﺍً
ﻣﻤﺤﻮﻕ
ﻳﺎﻣﺎ ﻗﺒﻠﻚ ﺷﻔﺖ
ﺟﻤــــــــــﺎﻝ ﻟﻜﻦ ﺫﻱ
ﺣﺴﻨﻚ ﻣﺎ ﻻﻗﻴﺖ
ﺣﺒﻴﺘﻚ ﺭﻏﻢ ﻋﻮﺍﻗﺐ ﺍﻟﺤﺐ
ﺁﻫﺎﺕ ﻭﺍﺣـــــﺰﺍﻥ
ﻭﻋﺬﺍﺑﺔ ﻣﻤﻴﺖ
ﻃﺎﻝ ﺑﻲ ﺯﻣﺎﻥ ﻭﺍﻧﺎ ﺑﺤﻠﻢ
ﺑﻴﻚ ﻻ ﺳﺒﺖ ﻫـــﻮﺍﻙ ﻻ
ﻳﻮﻡ ﺿﻠﻴﺖ
ﻣﻨﺎﻱ ﺍﻟﻘﺎﻙ ﻭﺍﺗﻠﻘﻲ
ﺍﻟﻘﻤﺮﺓ ﻗﺒﻞ ﻣﺎ ﻳﻤﺤﻲ
ﺳﻤﺎﺣﺔ ﺷﺮﻭﻕ
ﺃﻫﻮﺍﻙ ﻓﺮﺡ ﻣﻦ ﺩﻭﻥ
ﻣﻴﻌﺎﺩ ﻭﻳﻨﺰﻝ ﻓﻲ ﻟﺤﻈﺔ
ﻟﻘﻴﺎ ﺩﻣـــــﻮﻉ
ﺃﻫﻮﺍﻙ ﻧﻐﻴﻢ ﺷﺎﻕ ﺻﻤﺖ
ﺍﻟﻠﻴﻞ ﺣﺮﻙ ﺍﺷﺠﺎﻥ ﺷﺎﻋﺮ
ﻣﻮﺟﻮﻉ
ﺧﻄﺎﻛﻲ ﺣﺮﻭﻑ ﺟﻼﺑﺔ
ﺍﻟﻬﻢ ﻟﻜﻨﺖ ﺍﻟﻬﻢ ﻗﺎﺩ
ﺷﻮﻗﻮ ﺷﻤــــﻮﻉ
ﻏﻨﺎﻛﻲ ﺳﻮﺍﺩ ﻟﻴﻼً ﻋﺎﻛﺮ
ﺷﺎﻟﻦ ﺍﻫﺎﺗﻮ ﺣﻮﺍﺩﻱ
ﺍﻟﻨﻮﻕ
ﺟﺎﻳﻚ ﻫﺮﺑﺎﻥ ﻣﻦ ﻏﻠﺒﻲ
ﺍﻟﺒﻲ ﺟﺎﻳﻚ ﻛﺎﻥ ﺍﺧــــــﺪ
ﺍﻧﻔﺎﺳﻲ
ﻳﺎ ﺍﻣﻨﺔ ﻓﻲ ﺍﻟﺨﺎﻃﺮ ﻧﺸﻮﺓ
ﻭﺑﺎ ﻧﺸﻮﺓ ﺑﺘﺴﻌﺪ
ﺇﺣـــــﺴﺎﺳﻲ
ﺟﺎﻳﻚ ﺃﻧﺎ ﺷﺎﻥ ﻳﻮﻡ ﺗﻬﺖ
ﻟﻘﻴﺖ ﻓﻴﻚ ﻃﻴﺒﺔ ﺣﻦ
ﺃﻫﻠﻲ ﻭﻧﺎﺳﻲ
ﻧﺎﺳﻲ ﺍﻝ ﻣﻦ ﻏﻴﺮﻡ ﻣﺎ
ﻏﻨﻴﺖ ﻻ ﻳﻮﻡ ﻟﻲ ﻏﻴﺮﻡ
ﺳﺎﻗﻨﻲ ﺍﻟﺸﻮﻕ
ﺣﺠﻴﻨﻲ ﻋﻦ ﺍﻟﺮﻳﺪ
ﻭﺍﻻﺷﻮﺍﻕ ﻋﻦ ﺳﺮ ﺍﺷﻮﺍﻕ
ﻋﺎﻟﻢ ﻣﺠـــــﻬﻮﻝ
ﻋﻦ ﺃﻱ ﺍﺗﻨﻴﻦ ﻋﺎﺷﻘﻴﻦ ﻳﺎ
ﺩﻭﺏ ﻣﺎ ﺗﻢ ﺍﻟﺮﻳﺪ ﺑﻴﻨﺎﺗﻢ
ﺣــــــــــﻮﻝ
ﻋﻦ ﻗﺼﺔ ﺯﻭﻝ ﻋﺎﺷﻖ
ﻣﺠﻨﻮﻥ ﺿﺎﻗﺘﺒﻮ ﺍﻟﺪﻧﻴﺎ
ﺑﻌﺮﺽ ﻭﻃﻮﻝ
ﺿﺎﻳﻊ ﻣﺎ ﺑﻴﻦ ﺍﻟﻠﻴﻞ ﻭﺍﻟﺒﻴﻦ
ﻟﻴﻠﻮ ﻳﻄﻮﻝ ﻭﻳﻄﻮﻝ
ﻣﻄﺒﻮﻕ
ﻣﺎ ﺍﻗﺴﻲ ﻋﺬﺍﺏ ﻓﻲ
ﺍﻟﺪﻧﻴﺎ ﺗﺮﻳﺪ ﺯﻭﻝ ﺑﻴﻦ ﺍﻳﺪﻳﻚ
ﻟﻜﻦ ﻣﻮ ﻟﻴﻚ
ﻣﻜﺘﻮﺑﻠﻮ ﻳﻌﻴﺶ ﺗﻬﻮﻱ
ﻭﻳﻬﻮﺍﻙ ﻭﺗﺸﻮﻓﻮﺍ ﻣﻌﺎﻙ
ﻳﻴﺪﺍ ﻭﺣﻮﺍﻟﻴﻚ
ﻣﻦ ﺷﺪﺓ ﻣﺎ ﺣﺒﺎﻙ ﻳﺸﻮﻑ
ﻓﻲ ﺫﺍﺗﻚ ﺯﺍﺗـــــــــﻮ
ﻭﺷﻴﻬﻮ ﻭﺷﻴﻚ
ﻛﻴﻒ ﺗﺮﺿﻲ ﺗﻤﻮﺕ
ﺍﺣﻼﻣﻮ ﺗﻀﻴﻊ ﻳﻮﻡ ﺑﻜﺮﺓ
ﻳﻘﻮﻡ ﻣﻦ ﺣﻠﻤﻮ ﻳﻔﻮﻕ