محمد سعيد دفع الله **شقيش داير اقبل

ﺷﻘﻴﺶ ﺩﺍﻳﺮ ﺍﻗﺒﻞ ﺧﻼ ﻣﺎ ﺩﺍﻡ ﻓﺎﺕ
ﺭﺣﻞ ﻭﺩﻉ
ﻭﺍﻟﻠﻪ ﻣﺎ ﻳﺎ ﻫﻮ ﺍﻟﻌﺬﺍﺏ ﺧﻼﻱ ﻻﻣﻦ
ﺗﺎﻧﻲ ﻟﻲ ﻳﺮﺟﻊ
ﻣﺘﻴﻦ ﺭﺣﻠﺖ ﻣﺘﻴﻦ ﻗﻮﻟﻮﻟﻲ ﻣﺎﻛﺎﻧﺖ
ﻣﻌﺎﻱ ﻫﺴﻊ
ﻳﺎ ﺣﻠﻴﻞ ﻭﺟﻬﺎ ﺻﺒﻮﺣﺎ ﺩﻳﻤﺎ ﻣﻦ ﺑﺴﻤﺎﺗﻮ
ﻧﻮﺭ ﻳﺸﻠﻊ
ﻭﻳﻦ ﺍﻟﻴﻠﺔ ﺭﺍﺡ ﺧﻼﻧﻲ ﻓﻲ ﺍﻫﺎﺗﻲ
ﺍﺗﻮﺟﻊ
ﻣﺎ ﻳﺎﻫﻮ ﺍﻟﻄﺒﻴﺐ ﻻﺫﺍﻱ ﻛﺎﻥ ﺑﻴﺪﺍﻭﻱ ﻟﻲ
ﺍﻭﺟﺎﻉ
ﻳﺎ ﺧﻼ ﻣﺎ ﺷﻔﺘﻮﻧﻲ ﺑﺴﺎﻫﺮ ﺍﻟﻠﻴﻞ ﻣﺤﺎﻝ
ﺍﻫﺠﻊ
ﺑﺮﺍﻗﺐ ﻧﺠﻤﻮ ﺍﻣﺘﻰ ﻳﺠﻲ ﻋﺸﺎﻥ ﺿﻮ
ﺍﻟﻨﻬﺎﺭ ﻳﻄﻠﻊ
ﻟﻤﺎ ﻳﻄﻮﻝ ﻭﺍﻏﻠﺐ ﺣﻴﻠﺔ ﺍﻟﻘﻰ ﺧﻴﺎﻟﻲ
ﺍﺗﻮﺯﻉ
ﺑﻘﻮﻡ ﻭﺍﻟﻠﻴﻞ ﻫﺠﻊ ﺧﻼﻱ ﺑﻲ ﻓﻮﻕ
ﻟﻠﺤﻔﻴﺮ ﺍﻃﻠﻊ
ﺍﺑﻜﻲ ﺑﺮﺍﻱ ﻭﺍﺑﺪﺍ ﻏﻨﺎﻱ ﻭﺍﻧﺴﺞ ﻟﻲ ﻛﻢ
ﻣﻘﻄﻊ
ﻳﻐﻠﺒﻨﻲ ﺍﻟﻘﻌﺎﺩ ﺧﻼﻱ ﺍﻗﻮﻡ ﻟﻠﺒﻴﻮﺕ
ﺍﺭﺟﻊ
ﺍﺻﻨﺖ ﻭﺍﺟﻴﺐ ﻛﻞ ﻟﺤﻈﺔ ﺍﻗﻮﻝ ﻳﻤﻜﻦ
ﻳﻤﻜﻦ ﻟﻬﻴﺞ ﺍﺳﻤﻊ
ﻟﻲ ﺗﺠﻴﺒﻮ ﻧﺴﻤﺔ ﺧﻴﺮ ﻳﺰﻓﻒ ﺍﻧﺎ ﻋﻘﻠﻲ
ﻻ ﻳﻨﺠﻊ
ﻳﺠﻴﻨﻲ ﻧﻬﺎﺭ ﻳﻘﻮﻝ ﺟﻴﺪ ﻟﻲ ﺑﺮﺿﻮ ﺍﻟﻠﻴﻞ
ﺗﺮﺍﻫﻮ ﺍﺳﺮﻉ
ﺍﺟﻔﻒ ﺩﻣﻌﻲ ﻭﺍﺷﻴﻞ ﻃﻤﺒﻮﺭﻱ ﻭﺍﻗﻮﻝ
ﺍﺭﺳﻞ ﻧﻐﻢ ﻭﺍﺷﺠﻊ
ﺑﻼ ﺍﻟﻘﻰ ﺍﻟﺪﻣﻮﻉ ﺷﻮ ﻛﺒﻮﺍ ﺯﻱ ﺳﺤﺒﺎ
ﺗﺸﻴﻞ ﺗﺮﺷﺢ
ﺍﺑﻜﻲ ﻭﺍﺑﻜﻲ ﻳﺎ ﺧﻼﻱ ﻋﺎﺩ ﺩﻣﺎﻋﻲ ﺷﻦ
ﺗﻨﻔﻊ
ﺍﻧﺘﺎ ﻳﺎ ﻃﻤﺒﻮﺭﻱ ﺯﻭﻟﻲ ﺣﺮﻭﻓﻲ ﺟﻮﺓ
ﻗﻠﻴﺒﻲ ﻟﻴﻬﻮ ﺍﻃﺒﻊ
ﺣﺮﻭﻑ ﻣﺤﺒﻮﺑﻲ ﻳﺎ ﻃﻤﺒﻮﺭﻱ ﻛﻞ
ﺳﻠﻜﺎﻳﺔ ﻓﻮﻕ ﺍﺻﺒﻊ
ﺑﺪﻭﺭﻛﻢ ﺧﻼ ﺗﺪﺭﻭﺍ ﺍﻟﺒﻲ ﻻ ﺗﻈﻨﻮﻧﻲ
ﺑﺘﺼﻨﻊ
ﺷﻦ ﺑﺘﻘﻮﻟﻮﺍ ﻓﻲ ﺯﻭﻻ ﻳﺤﺲ ﺑﻲ ﻗﻠﺒﻮ
ﻳﺘﻘﻄﻊ
ﺷﻘﻴﻖ ﻣﺎ ﺭﻗﺪ ﺗﻠﻘﺎﻫﻮ ﺷﻘﻮ ﺍﻟﻘﺎﻟﻮ ﻫﻮ
ﺍﻻﻭﺟﻊ
ﺑﺪﻭﺭﻛﻢ ﺧﻼ ﺗﺪﺭﻭﺍ ﺍﻟﺒﻲ ﻻ ﺗﻈﻨﻮﻧﻲ
ﺑﺘﺼﻨﻊ
ﻭﺣﺎﺗﻜﻢ ﺍﻧﺘﻮ ﻣﺎﻧﻲ ﺍﻟﺰﻭﻝ ﺍﻟﻤﻦ ﻏﻴﺮ
ﺳﺒﻲ ﻳﺘﺸﻨﻊ
ﺍﻧﺰﺭﻉ ﺍﻻﻟﻢ ﻓﻲ ﺟﺴﻤﻮ ﻏﻮﺭ ﻭﻓﻴﻬﻮ
ﺍﺗﻔﺮﻉ
ﺩﺍﻳﺮ ﻣﻌﺎﻫﺎ ﺩﻣﺎﻫﻮ ﻓﻲ ﻛﻞ ﺣﺘﺔ ﺍﺗﻮﺯﻉ
ﻧﺎﺭ ﻣﻄﻠﻮﻗﺔ ﻓﻲ ﺍﻋﻀﺎﻫﻮ ﻛﻞ ﻣﺎ
ﻃﻔﺎﻫﺎ ﺗﺘﻮﻟﻊ
ﺗﺎﻛﻞ ﻭﻣﺎ ﺑﺘﻜﻞ ﺧﻼﻱ ﻣﺘﻴﻦ ﻗﻮﻟﻮﺍ ﻟﻲ
ﺩﺍﺭﺗﺸﺒﻊ
ﺷﺎﺣﺪﻙ ﻳﺎ ﻛﺮﻳﻢ ﻣﻮﻻﻱ ﻟﻴﻬﻮ ﺩﻋﺎﻱ ﻋﺎﺩ
ﺗﺴﻤﻊ
ﻭﺍﻧﺖ ﻋﺎﻟﻢ ﺍﻟﻐﻴﻮﺏ ﻳﺎ ﺍﻟﻠﻪ ﻓﺴﺮﺍﻉ
ﻟﻠﺸﻤﻞ ﺍﺟﻤﻊ