الحاج سرالختم**قليب الحاجي

ﻳﺎﻗﻠﻴﺐ ﺍﻟﺤﺎﺟﻲ ﻣﺎﻟﻚ
ﻗﻤﺖ ﺗﻨﺒﺢ
ﻣﺎﻟﻮ ﻟﻮ ﺟﺮﺣﻮﻙ ﻣﺎ ﺍﺻﻠﻚ
ﻣﺠﺮﺡ
ﻣﺮﺗﻴﻦ ﻛﺘﻠﻮﻛﺎ ﻋﻠﻲ ﺑﺮﺍﻙ
ﻣﺪﺭﺩﺡ
ﺗﺎﻧﻲ ﺟﺎﺑﻮ ﺍﻟﺘﺎﻟﺘﻲ ﻋﻠﻬﺎ
ﻓﻴﻚ ﺗﻨﺠﺢ
ﻣﺎﺑﺘﻤﻮﺕ ﺑﻲ ﺿﺮﺑﻪ
ﻭﺍﺣﺪﻱ ﺗﻘﻮﻝ ﻣﺼﻔﺢ
ﻗﺎﻟﻮ ﺑﺪﺭﻱ ﻛﺘﻠﻨﺎ ﺗﺎﻧﻲ
ﻟﻘﻮﻙ ﺗﻔﺼﺢ
ﻣﺎﺳﻤﻌﺖ ﻧﺼﻴﺤﺘﻲ ﺳﺎﻋﺔ
ﻛﺘﺎ ﺑﻨﺼﺢ
ﺑﺎﻗﻲ ﻭﺍﻋﻆ ﻟﻴﻚ ﺍﻓﺘﻲ
ﺑﺮﺍﻳﺎ ﻭﺍﺷﺮﺡ
ﻗﻮﻟﻲ ﻣﺎﺻﺪﻗﺘﻮ ﻛﺖ
ﻗﺎﻳﻠﻨﻲ ﺑﻤﺰﺡ
ﻟﻮ ﺭﺿﻴﺖ ﺑﺎﻟﻘﺴﻤﺔ ﺗﻠﻘﻲ
ﺍﻟﺬﻳﻮ ﻭﺍﺳﻤﺢ
ﻛﺖ ﺩﺍﻳﺮﻙ ﺗﺒﻘﻲ ﺑﺎﻻﻳﻤﺎﻥ
ﻣﺴﻠﺢ
ﺗﺮﺿﻲ ﺑﻲ ﺣﻜﻢ ﺍﻟﻠﻪ ﻫﻮ
ﺍﻟﻤﻦ ﻏﻴﺮﻭ ﺍﺭﻳﺢ
ﺍﻟﻨﺴﺎﻙ ﺍﻧﺴﺎﻫﻮ ﻣﺎﻫﻮ
ﻧﺴﺎﻙ ﻭﺭﻭﺡ
ﺗﺎﻧﻲ ﻟﻮ ﺗﺮﺟﺎﻫﻮ ﻳﺒﻘﻲ
ﺻﺒﺎﺣﻚ ﺍﺻﺒﺢ
ﻟﻮ ﻫﻮ ﺻﺢ ﺣﺒﺎﻙ ﻭﻟﻴﻚ
ﻓﻲ ﻗﻠﺒﻮ ﻣﻄﺮﺡ
ﻟﻮ ﻋﻠﻴﻚ ﺳﺪﺍﻫﻮ ﻛﻴﻒ ﻟﻲ
ﻏﻴﺮﻱ ﻳﻔﺘﺢ
ﻛﺖ ﻧﺎﻭﻱ ﺗﻄﻴﺮﻟﻮ ﻓﻲ ﻋﻼ
ﺟﻤﺒﻮ ﺗﺴﺒﺢ
ﻳﺪﺍ ﻃﺎﺭ ﺧﻼﻙ ﻭﺍﻧﺖ ﺑﻘﻴﺖ
ﻣﺠﻨﺢ
ﻛﺖ ﺯﻣﺎﻥ ﻏﻠﻄﺎﺗﻮ ﻟﻲ ﻓﻲ
ﻭﺷﻲ ﺗﻤﺴﺢ
ﻓﻲ ﺍﻟﺮﺻﻴﻒ ﺧﻼﻙ ﻭﻟﻴﻚ
ﺑﻲ ﺍﻳﺪﻭ ﻟﻮﺡ
ﺭﻳﺪﻭ ﻓﻴﻚ ﺩﻣﻴﺮﻱ ﺭﻳﺪﻙ
ﻋﻨﺪﻭ ﺭﺣﺮﺡ
ﺍﺻﻠﻮ ﺭﻳﺪﻙ ﺗﺎﻧﻲ ﺭﺯﻗﻚ
ﻓﻴﻬﻮ ﺳﺒﺢ
ﺍﻡ ﻟﻬﻴﺐ ﺟﻮﺍﻙ ﺩﺍﺟﻲ
ﺯﻧﺎﺩﺍ ﻳﻘﺪﺡ
ﻭﺍﻟﺴﻤﻮﻡ ﺑﻲ ﺑﺮﻩ ﻓﻮﻗﻲ
ﺗﺸﻴﻞ ﻭﺗﻜﺘﺢ
ﺳﺮﻙ ﺍﻟﻔﻲ ﻛﻴﺮﻭ ﻳﺪﺍ
ﺑﺮﺍﻫﻮ ﻃﻔﺢ
ﻭﻟﻠﺒﻌﻴﺪ ﻭﺩﺍﻧﺎ ﻓﻮﻕ ﺍﻟﻤﻮﺝ
ﻣﺘﻤﺴﺢ
ﺣﻈﻲ ﻣﺮﻛﺒﻮ ﻭﺍﺯﻗﻲ ﻭﺍﻟﻨﻮ
ﺷﺎﻟﻪ ﻃﻠﻮﺡ
ﺧﻼ ﺭﻭﺍﺳﻴﻬﺎ ﻏﺼﺒﺎ ﻋﻨﻮ
ﻳﻜﺴﺢ
ﺍﻟﻬﻤﻮﻡ ﺗﻨﺠﺎﺭﺍ ﺟﺎﻱ
ﻋﺎﻣﻼﻧﻲ ﻣﺴﺮﺡ
ﻭﺍﻟﻨﻬﺎﺭ ﻳﺘﻌﺪ ﺍﻟﻘﻲ ﺍﻟﻠﻴﻞ
ﻣﻮﻧﺘﺢ
ﻣﺎﺣﺼﻞ ﺳﻴﺪ ﺭﺍﻳﺤﻲ
ﻣﻬﻤﺎ ﻳﺒﻘﻲ ﻣﻨﺢ
ﻓﻮﻕ ﺩﺭﺏ ﺭﺍﻳﺤﺘﻮ ﻓﻲ
ﺭﺟﻴﻌﻪ ﺍﻓﻠﺢ
ﺍﻟﺴﻤﺢ ﻣﻦ ﻳﻮﻣﻮ ﺑﺎﻟﻮﻓﺎ
ﻟﻮ ﻣﻮﺷﺢ
ﻋﻨﺪﻱ ﺑﻲ ﻛﻞ ﺟﻴﻠﻮ ﻟﻮ
ﻭﺯﻧﻮﻫﻮ ﻳﺮﺟﺢ
ﺍﻟﺠﺪﻱ ﺍﻟﻮﺍﻟﻔﺘﻮ ﻣﻦ
ﻣﺮﻋﺎﻫﻮ ﺳﺤﺴﺢ
ﻳﺮﻋﻲ ﻭﺳﻂ ﺍﻣﺎﺗﻮ ﻣﺎﺧﻠﻨﻮ
ﻳﺴﺮﺡ
ﻟﻮ ﻫﻮ ﻏﺎﻓﻞ ﺟﻨﺒﻮ ﺯﻭﻝ
ﺑﺎﻟﺼﺪﻓﻪ ﻧﺤﻨﺢ
ﺗﻠﻘﻲ ﻃﺎﺭ ﺑﺎﻟﻬﺠﻤﺔ ﻻﻣﻦ
ﻗﻠﺒﻮ ﺯﺣﺰﺡ
ﻣﺎﻙ ﻧﺠﻴﺾ ﻭﺍﻟﻠﻪ ﺑﺲ
ﺳﺎﻛﺖ ﻣﺸﻠﻮﺡ
ﻗﻮﻟﻲ ﺷﻦ ﺑﺘﺴﻮﻱ ﺭﺍﺯﻱ
ﻭﺩﺍﻳﺮﻱ ﺗﻨﻄﺢ
ﺍﻟﻄﺒﻴﺐ ﺟﺒﻨﺎﻫﻮ ﻓﺎﺕ
ﺧﻼﻙ ﻣﺸﺮﺡ
ﻣﺎﻧﻄﻖ ﺑﻲ ﻛﻠﻤﻲ ﻛﻨﺎ
ﻧﻘﻮﻝ ﺑﺘﻨﺼﺢ
ﺑﺎﻋﻚ ﺍﻧﺖ ﺭﺧﻴﺺ ﻭﻓﻴﻚ
ﺍﻥ ﺷﺎﺀ ﺍﻟﻠﻪ ﻳﺮﺑﺢ
ﻣﻦ ﺍﺑﺎﻙ ﺑﻘﻴﺖ ﺗﺎﺑﺎ
ﺍﻟﻌﻴﺶ ﻣﻤﻠﺢ
ﺗﺎﻧﻲ ﺧﻠﻮ ﻏﻨﺎﻙ ﻓﻮﻕ ﻣﻨﻮ
ﻋﺎﺩ ﺑﺘﺼﺪﺡ
ﺧﻠﻮ ﺷﻮﻓﻠﻚ ﺧﻠﻮ ﻭﺍﻻ ﺍﻥ
ﺩﺭﺕ ﺗﻤﺪﺡ