حزن الغنــــــي؟؟

حزن الغنا (1)
يا فرحة في ليل المآسي إتوكرت
يادمعة فوق خد الزمان إتحدرت
يا آهة فجت في الضمير وإتحكرت
يا غنوة لاوت موج جفاكي وفي رست
******
******
شلل العواطف يا نبال
جيت الاماني من المحال
لي زول فقد حرف الوصال
رسمت علي لوح الخيال
وفي جوة جواي صورت
******
******
مدت ايادي الناس زمان للكان وحيد زمن الدّرت
طلعت نجيماتاً بُعاد في ليل قميرتو إتاخرت
موكب بنيات والشمس خافت جمالن وصفّرت
أوزان غنا وأحرف شجن وسط الهموم إنطايرت
وأنا ياني أنا...........
******
******
نفس الملامح الفيّ ما إتغيرت
نفس المشاعر الكان زمان ياغالية ما إتبدّلت
نفس القصائد والحروف الفي هواك إتصوّفت
نفس الخطاوي البي رضاي ساقتني لي ذاتك مشت
******
******
حتى الغنيوات القُدام من تاني تاني هي بتقت
وانا ياني انا ................
وأنا إنتي وإنتي غناي انا..............
كل الحصل حاولت أجيك لكن خطاي خافت كلام الناس وأبت