ﺯﻭﻻ ﻣﺘﻞ ﻧﺴﻢ ﺍﻟﺠﺮﻭﻑ ﻣﻦ ﺑﺬﺭﺓ
ﺍﻟﻜﺪﺍﺡ ﻣﺮﻕ
ﻭﺍﻟﺬﺍﺩ ﻋﺸﺎﻥ ﻳﺒﻘﺎﻟﻮ ﺫﺍﺩ ﻻﺯﻡ ﻳﺠﺮﺗﻘﻮ
ﺑﺎﻟﻌﺮﻕ
ﺍﻟﻮﺍﻃﺔ ﺣﺎﻓﻈﻬﺎ ﺑﺎﻟﺸﺒﺮ ﻗﺎﺭﺽ ﺣﺴﺎﺑﻮ
ﺑﻼ ﻭﺭﻕ
ﻭﺇﻥ ﺷﻔﺘﻮ ﻻﺝ ﺍﻭ ﻳﻮﻡ ﻋﺘﺮ ﻳﺒﻘﻲ ﺍﻟﺪﺭﺏ
ﻫﻮ ﺍﻹﻧﻄﺮﻕ
ﻭﻣﺎ ﻗﺼﺮﺕ ﺃﻳﺪ ﺍﻟﻴﻜﺎﺩﻱ ﻣﻦ ﺩﻏﺶ ﻣﺎ
ﻗﺼﺮﺕ
ﺍﻟﺪﻧﻴﺎ ﺑﺼﺒﺮﻭ ﺍﻟﺠﻤﻴﻞ ﻃﻌﻢ ﺍﻟﺒﺼﺎﺭﺓ
ﻣﻊ ﺍﻟﻐﺒﺶ
ﻭﺍﻟﻮﺍﻃﺔ ﺇﻥ ﺻﺪﻗﺖ ﺿﺮﺍﻉ ﻟﻠﻤﺘﻠﻮ ﺃﺑﺪﺍ
ﻣﺎ ﺑﺘﻐﺶ
ﻛﺪﺍﺑﺔ ﺇﻥ ﻋﻴﻦ ﺍﻟﺸﻤﺲ ﻗﺎﻟﺖ ﺻﺤﺖ
ﻗﺒﺎﻟﻮ ﻳﻮﻡ
ﻭﺍﻟﻌﻴﺸﺘﻮ ﺑﻴﻨﺎﺕ ﺍﻟﺤﺼﺎﺩ ﻭﺍﻟﺒﻮﻗﺔ ﻋﺎﺩ
ﻭﺇﻥ ﺷﺎﻓﻠﻮ ﻟﻮﻡ
ﻣﺤﺮﺍﺗﻮ ﻳﻘﻠﺪ ﺑﺎﻷﺭﺽ ﻳﺸﻜﻴﻠﻬﺎ ﻣﺎ
ﻓﻀﻠﻮ ﻟﻮﻡ
ﺩﻱ ﺍﻟﺪﻳﻦ ﻓﻲ ﺯﻣﻦ ﺍﻟﻜﺴﺎﺩ ﺗﻼﻗﻬﻮ
ﺷﺎﻳﻞ ﺍﻟﺤﻠﺔ ﻋﻮﻡ
ﺍﻟﻠﻴﻠﺔ ﻳﻮﻡ ﻋﺮﺳﻮ ﻓﻲ ﻋﺮﺱ ﺍﻟﻨﺨﻴﻞ
ﻭﺍﻟﻠﻪ ﺟﺎﺗﻮﺟﻨﺲ ﺧﻠﻮﻕ
ﻭﺃﻣﺎﺗﻮ ﺳﺎﻳﻘﺎﺕ ﺍﻟﻨﻬﺎﺭ ﻓﻲ ﺣﻨﺘﻮ ﺍﻟﻤﻠﺖ
ﺍﻟﺸﻘﻮﻕ
ﺣﺘﻲ ﺍﻟﻘﻤﺎﺭﻱ ﻣﻦ ﺍﻟﻌﺼﺮ ﺷﺎﻟﻦ ﻭﺭﺍﺀ
ﺑﻨﻮﺗﻨﺎ ﻗﻮﻕ
ﻭﺍﻟﺮﺍﺳﻲ ﻓﻲ ﺟﻮﻃﺔ ﺍﻟﺼﻔﺎﺡ ﻣﻦ ﺑﺎﻟﻮ
ﻣﺎ ﻏﺎﺏ ﺍﻟﻌﻠﻮﻕ
ﺇﻥ ﺟﺎﺀ ﺍﻟﺒﻨﺎﺩﺭ ﻟﻈﺮﻑ ﻳﺘﻘﻠﻲ ﻣﻦ ﻗﻞ
ﺍﻟﻬﻮﺍﺀ
ﻭﺍﻟﻠﻴﻞ ﻳﺸﻴﻠﻮ ﺗﻨﻜﻮ ﺣﻮﻝ ﻳﺸﺮﺏ ﻭﺻﺎﻳﺔ
ﺑﻼ ﺭﻭﺍﺀ
ﺍﻟﻤﻌﺰﺓ ﻓﻲ ﺑﻄﻦ ﺍﻟﻤﺮﺍﺡ ﻳﺒﻘﺎﻟﻮ ﺑﺎﻳﺘﺎﺕ
ﺍﻟﻘﻮﻱ
ﻭﺍﻟﺮﺍﺑﻄﻮ ﻓﻲ ﺳﺎﻗﻴﺔ ﺳﻌﻴﺪ ﻻ ﻳﺒﻘﻲ
ﻓﻲ ﺣﺒﻠﻮ ﺇﺗﻠﻮﻱ
ﺍﻟﺨﻠﻮﺓ ﻭﺍﻟﺪﺍﺭ ﻭﺍﻟﺠﺮﻑ ﻳﺎﻫﻦ ﻣﺸﺎﻫﻴﺪ
ﺍﻟﻮﻟﺪ
ﻣﺎ ﻏﺐ ﻓﺎﺗﻦ ﺇﻻ ﻳﻮﻡ ﺩﺍﻳﺮﻟﻮ ﻣﻦ ﺍﻟﺴﻮﻕ
ﻏﺮﺽ
ﺳﻤﺢ ﺍﻟﺴﻼﻡ ﺣﺘﻲ ﺍﻟﻜﻼﻡ ﻣﻦ ﻓﻤﻮ
ﻳﺘﻘﻄﺮ ﺷﻬﺪ
ﺗﺮﻳﺎﻥ ﻣﺮﺅﺀ ﻭﻣﻘﺪﺭﺓ ﻣﺎ ﻳﺎﻫﻮ ﻋﺎﺩ ﻭﺩ
ﺍﻟﺒﻠﺪ
موضوع: خالد شقوري ** ود البلد 
السبت نوفمبر 10, 2012 5:38 am
