ياسر اب ريده***شيعت المعاني خلاص

ﺑﻌﺪ ﺷﻴﻌﺖ ﺍﻟﻤﻌﺎﻧﻲ ﺧﻼﺹ
ﺃﻧﺴﺎﻙ ﻭﺃﻧﺴﺎﻧﻲ
ﺑﺮﺍﻙ ﺇﺧﺘﺮﺕ ﻭﻗﺴﻴﺖ ﻭﻣﺤﺎﻝ
ﺃﺭﺟﻊ ﻟﻴﻚ ﺗﺎﻧﻲ
******
ﺣﻠﻴﻠﻚ ﻓﺎﻗﺪ ﺩ ﻟﻴﻠﻚ ﻣﻘﺎﻟﺪ
ﺍﻷﺣﺰﺍﻥ ﺗﻌﺎﻧﻲ
ﺑﺮﺍﻙ ﺳﻮﻳﺖ ﻫﺒﻲ ﺇﻳﺪﻙ ﻭﻓﺖ
ﺯﺍﻓﺎﻙ ﺍﻟﺘﻬﺎﻧﻲ
ﺳﻤﻌﺖ ﺍﻟﻘﺎﻟﻮ ﺍﻟﻌﻮﺍﺯﻝ ﻗﻠﻴﺒﻚ
ﺻﺪﺍ ﺧﻼ ﻧﻲ
ﻫﺠﺮﺗﻮ ﻻﻧﺴﺎﻧﻪ ﻏﻴﺮﻱ ﻭﻧﺴﻴﺖ
ﺍﻟﺤﺐ ﺍﻷﻣﺎﻧﻲ
******
ﻋﺸﻘﺘﻚ ﻭﻛﻨﺖ ﺃﻣﺎﻟﻲ ﻭﺣﻠﻢ
ﺃﻳﺎﻣﻲ ﻭﺃﻛﻮﺍﻧﻲ
ﻛﻨﺖ ﺍﻷﻣﻞ ﺍﻟﺮﺿﻴﺘﻮ ﺃﺷﻮﻓﻮ
ﻗﺮﻳﺐ ﻟﻲً ﺩﺍﻧﻲ
ﺳﻜﻦ ﻣﺎﺑﻴﻦ ﺍﻟﺤﻨﺎﻳﺎ ﻭﺑﻘﻴﺖ
ﻓﻲ ﺩﻣﻲ ﺷﺮﻳﺎﻧﻲ
ﺍﻹ ﺑﺮﺍﻟﻚ ﺍﻟﺨﺬ ﻟﺖ ﻭﻗﻠﻴﺒﻚ
ﻭﺣﺪﻭ ﺍﻷﺑﺎﻧﻲ
******
ﻣﺸﻴﺖ ﻓﻲ ﺳﻜﻪ ﻇﻨﻮﻧﻚ
ﻭﻗﻠﺖ ﻋﻠﻴﺎ ﻣﺎﺑﻴﺎﻧﻲ
ﺃﺭﻳﺖ ﻟﻮ ﺟﻴﺖ ﻭﺳﺄﻟﺖ ﺻﻨﺘﻚ
ﻭﺗﺸﻬﺪ ﺃﺯﻣﺎﻧﻲ
ﻗﺴﻴﺖ ﺑﻘﻴﺖ ﻏﻴﻤﻪ ﺭﺍﺣﻠﻪ
ﻣﺮﻭﺭﻩ ﻋﻠﻲً ﺑﺎﻟﺜﻮﺍﻧﻲ
ﻭﺃﻧﺎ ﺍﻟﻤﺘﺮﺟﻲ ﺗﺮﻭﻳﻨﻲ ﻭﺗﺨﺪﺭ
ﻓﻲ ﺑﺴﺘﺎﻧﻲ
******
ﻣﺴﺎﻓﻪ ﺍﻟﺮﺟﻌﻪ ﺍﺗﻌﻄﺶ
ﻣﻌﻴﻦ ﺍﻓﺮﺍﺣﻲ ﻭﺣﻨﺎﻧﻲ
ﻣﺤﺎﻝ ﺃﻣﺴﻴﻬﺎ ﻳﺎﻗﺎﺳﻲ
ﻭﻇﻠﻤﻚ ﻟﻴﺎ ﻗﺴﺎﻧﻲ
ﻣﺤﺎﻝ ﺍﻫﺪﻡ ﺑﻴﺖ ﺳﻮﺍﻱ
ﻭﻗﺒﻴﻞ ﻫﺪﻳﺖ ﺑﻨﻴﺎﻧﻲ
ﺍﻳﻪ ﺫﻧﺐ ﺍﻟﻔﻲ ﻧﺼﻴﺒﻚ ﻣﺤﺎﻝ
ﻳﺒﻘﻲ ﻗﻠﻴﺒﻲ ﺍﻧﺎﻧﻲ
******
ﻗﺒﻴﻞ ﻳﻮﻡ ﺯﻓﺎﻙ ﻋﺮﻭﺳﻚ
ﻗﻠﺒﻚ ﺣﻘﻮ ﻳﻄﺮﺍﻧﻲ
ﺍﻧﺖ ﺳﺮﺡ ﻓﻮﻕ ﻋﺪﻳﻠﻚ ﻛﻔﺎﻙ
ﺗﺒﻘﻲ ﺳﻌﻴﺪ ﻭﻫﺎﻧﻲ
ﺑﻜﻴﺖ ﻧﺎﺩﻣﻪ ﻋﻠﻲ ﺷﺒﺎﺑﻲ
ﻭﻋﻠﻴﻚ ﺍﻧﺎﻣﺎﻧﻲ ﻧﺪﻣﺎﻧﻲ
ﺑﻘﻴﺖ ﻏﻠﻄﺔ ﻋﻤﺮﻱ ﻛﻠﻮ ﻭﻗﺖ
ﺻﺒﺢ ﺍﻟﻌﻤﺮ ﻓﺎﻧﻲ
******
ﻗﻠﻴﺒﻲ ﻛﺮﺍﻣﺘﻮ ﻣﺎﺑﺘﺮﺿﻲ ﺍﻋﻮﺩ
ﻟﻲ ﺯﻭﻟﻲ ﻭﻫﻮﺍﻧﻲ
ﻣﺸﺎﻋﺮﻱ ﺣﺪﺍﻙ ﺍﻧﺖ ﻣﺎﺗﺖ
ﻭﻗﺖ ﺷﻴﻌﺖ ﺍﻟﻤﻌﺎﻧﻲ
ﺭﺿﻴﺖ ﺑﺎﻟﻘﺴﻤﻪ ﻳﺎﻗﺎﺳﻲ
ﻗﺴﻤﺘﻲ ﺍﻧﺎ ﻣﺎﻫﺎ ﻣﺪﺍﻧﻲ
ﺻﺪﻕ ﻟﻮ ﻗﻠﺘﺎ ﻟﻴﻚ ﺑﻌﺎﺩ ﻙ
ﻋﻨﻲ ﺍﺭﺿﺎﻧﻲ