اواخر الليل ابراهيم ابنعوف

ﻏﻨﻴﺘﻚ ﺍﻭﺍﺧﺮ ﺍﻟﻠﻴﻞ ﻏﻨﻮﺍﺕ ﻭﺍﻟﻌﺎﻟﻢ ﻣﺎﺑﻴﻦ
ﻏﺎﻓﻲ ﻭﺣﺎﺱ
ﻳﺎﻏﺎﻳﺒﺔ ﻭﺣﺎﺿﺮﻩ ﻭﻭﻛﺘﻴﻪ ﻳﺎﻃﺎﻟﻌﻪ ﻭﻧﺎﺯﻟﻪ
ﻣﻊ ﺍﻷﻧﻔﺎﺱ
***
ﻏﻨﻴﺘﻚ ﻓﺮﺡ ﺃﻛﺒﺮ ﻣﻦ ﻛﻮﻥ ﺍﺷﻜﺎﻝ ﺍﻟﻮﺍﻥ
ﺍﻓﺎﻕ ﻭﺍﺑﻌﺎﺩ
ﻏﻨﻴﺘﻚ ﺣﺰﻧﺎً ﺷﺎﻟﻮ ﺍﻟﻬﻢ ﻛﺤﻞ ﻋﻴﻨﻴﻦ ﻣﻦ
ﻏﻴﺮ ﻣﺮﻭﺍﺩ
ﻏﻨﻴﺖ ﻟﻘﺎﻙ ﺷﻌﻮﺗﻨﻲ ﺍﻟﺸﻮﻕ ﻻ ﺿﻘﺖ
ﻏﻤﻴﺪ ﻻ ﺷﻔﺖ ﺭﻗﺎﺩ
ﻻﻣﻦ ﺣﻨﻨﺘﺎ ﺍﻟﻘﺎﻓﻴﻪ ﺩﻣﻮﻉ ﻋﻄﺮﺗﺒﺎ
ﺻﻮﺭﺗﻚ ﻭﺍﻟﻜﺮﺍﺱ
***
ﻏﻨﻴﺖ ﻃﺎﻧﺸﺖ ﻫﻮﺍﺟﺲ ﺍﻟﻠﻴﻞ ﻟﻜﻦ ﺍﻟﻠﻴﻞ
ﻃﺎﻧﺸﻨﻲ ﻭﻃﺎﻝ
ﺷﺘﺎﻥ ﻣﺎ ﺑﻴﻦ ﻟﻴﻞ ﺯﻭﻝ ﻣﻮﺟﻮﻉ ﻭﻟﻴﻞ
ﺯﻭﻝ ﺭﺍﻓﻞ ﻓﻲ ﺍﻟﺰﻳﻦ ﻭﺍﻟﻔﺎﻝ
ﺃﻗﺼﺮ ﺃﻭ ﻃﻮﻝ ﻳﺎ ﻟﻴﻞ ﺗﻨﺰﺍﺡ ﻻﺑﺪ ﻣﻦ
ﺻﺒﺤﺎ ﻳﺮﻓﻲ ﺍﻟﺤﺎﻝ
ﻣﺎﻙ ﺃﺻﻌﺐ ﻣﻦ ﻳﻮﻣﺎً ﻓﻲ ﺍﻟﻌﻴﺪ ﺷﻬﺎﻧﻲ
ﺍﻟﻔﺮﺡ ﺍﻟﺸﺎﻟﻮ ﺍﻟﻨﺎﺱ
***
ﻣﻌﻠﻴﺶ ﻟﻮ ﻣﺮﻩ ﺍﺗﺰﺍﻋﻠﻨﺎ ﺃﻭ ﺣﺘﻲ ﺣﺼﻞ
ﺑﻴﻨﺎﺗﻨﺎ ﺧﺼﺎﻡ
ﺩﺍ ﻣﺎ ﻣﻌﻨﺎﻩ ﺇﻧﻚ ﺗﻘﺴﻲ ﻭﺗﺮﻣﻴﻬﺎ ﺍﻟﻼﻳﻤﻪ
ﻋﻠﻲ ﺍﻷﻗﺴﺎﻡ
ﺍﻧﺘﻲ ﺍﻟﺒﺮﺿﺎﻙ ﺍﻭﻫﺘﻲ ﺍﻟﺮﻳﺪ ﻭﻓﻲ ﺣﻖ
ﺍﻟﺮﻳﺪ ﻭﺍﻟﻠﻪ ﺣﺮﺍﻡ
ﻣﻌﻘﻮﻝ ﺍﻟﺒﺒﻨﻲ ﺍﻟﺮﻳﺪﻩ ﺳﻨﻴﻦ ﻳﺮﺟﻊ ﻓﻲ
ﻏﻔﻠﻪ ﻳﻬﺪ ﺍﻟﺴﺎﺱ ؟
***
ﺃﻧﺎ ﻣﺎ ﻳﺎﻧﻲ ﺍﻟﺨﻀﺮﺕ ﺍﻟﺤﻦ ﺣﺎﺣﻴﺖ ﻣﻦ
ﻓﻮﻗﻮ ﺟﻔﺎﻙ ﻭﺟﻔﺎﻱ
ﻋﺸﻌﺸﺘﻚ ﻓﻲ ﺍﻟﺨﺎﻃﺮ ﺫﻛﺮﻱ ﻭﻣﺎ ﻛﺎﻥ
ﺍﻟﺨﺎﻃﺮ ﻟﻴﻚ ﻧﺴﺎﻱ
ﻻ ﺍﻧﺘﻲ ﺑﺘﺸﺒﻬﻚ ﺍﻟﻘﺴﻮﺓ ﻻ ﻛﺖ ﺑﺘﺨﻴﻞ
ﺗﺒﻘﻲ ﺟﺰﺍﺉ
ﺍﺗﺨﻴﻠﻲ ﺣﺎﻝ ﺯﻭﻻً ﻋﺎﺷﻖ ﻣﻌﺸﻮﻗﻮ ﺇﺭﺗﺪ
ﻋﻦ ﺍﻷﺧﻼﺹ !!
***
ﻛﻴﻒ ﺗﺒﻘﻲ ﺗﺤﺐ ﻟﻮ ﻣﺎ ﻋﺎﻧﻴﺖ ﻭﻣﺎ ﺷﻠﺖ
ﺍﻟﺤﺐ ﺁﻻﻡ ﻭﺟﺮﺍﺡ ؟
ﻭﺍﻟﺤﺐ ﻟﻮ ﻣﺎ ﻭﺩّﺭ ﺑﺎﻟﺰﻭﻝ ﻣﺎ ﺑﻜﻮﻥ ﻓﻲ
ﻧﻈﺮﻱ ﺍﻟﺤﺐ ﺍﻟﺼﺎﺡ
ﻭﺍﻟﻘﻠﺐ ﺍﻟﺒﺎﺕ ﺑﺎﻟﺤﺐ ﻣﻬﻤﻮﻡ ﺍﺣﺴﻦ ﻣﻦ
ﻗﻠﺒﺎً ﻧﺎﻡ ﻣﺮﺗﺎﺡ
ﻭﺃﻧﺎ ﻋﻨﺪﻱ ﺳﻤﺎﺣﺔ ﺍﻟﺮﻳﺪ ﻓﻲ ﺍﺗﻨﻴﻦ ﺁﻧﺎﺕ
ﺍﻟﻠﻴﻞ ﻭﺍﻟﻄﺮﻑ ﺍﻟﺤﺎﺱ