خواطـــــــــــــــــــــر مسافر

ﺻﺒﺎﺣﺎً
ﺑﺴﻢ ﺍﻟﻠﻪ ﻳﺎﺧﺎﻟﻖ ﺍﻟﺒﺸﺮ ﻣﻦ ﻃﻴﻦ_ ﻣﻦ
ﺃﻣﺪﺭ ﺗﻐﻄﻴﻨﺎ
ﻭﻧﺼﻞ ﺳﺎﻟﻤﻴﻦ_ ﻣﺮﻗﻨﺎ ﻣﻦ ﺍﻟﻤﺼﺎﻧﻊ
ﻭﺑﺎﻟﺴﺠﻦ ﻣﺎﺭﻳﻦ_
ﻭﻣﺰﺭﻋﺔ ﺍﻟﺠﺪﺍﺩ ﻭﺍﻟﻤﻮﺯ ﻭﺃﺑﻮﺳﺒﻌﻴﻦ_
ﺗﻔﺘﻴﺶ ﺃﺑﻀﻠﻮﻉ
ﻭﻗﻔﻨﺎ ﻓﻴﻬﻮ ﺩﻗﺎﻳﻖ_ ﺍﻟﺴﻮﺍﻕ ﻗﻄﻊ ﺇﻳﺼﺎﻝ
ﻭﻋﺎﺩ
ﻣﺘﻀﺎﻳﻖ_ ﻣﻦ ﺗﺎﻻ ﺍﻟﻤﺴﺠﻞ ﺟﺎﻧﺎ ﺻﻮﺗﻦ
ﺭﺍﻳﻖ_ ﻓﺮﻕ
ﺯﻫﺠﻮ ﺭﻭﻕ ﻟﻲ ﻣﺰﺍﺟﻮ ﺍﻟﺴﺎﻳﻖ_ ﺍﻟﺸﺎﺭﻉ
ﺳﻤﺢ
ﻭﺩﻏﺮﻱ ﻭﻋﺪﻳﻞ ﻣﻈﺒﻮﻁ_ ﻟﻜﻴﻦ ﺍﻟﻐﺒﺎﺭ
ﺳﻮﺍﻟﻮ ﻓﻴﻬﻮ
ﺧﻄﻮﻁ_ ﺑﻴﻦ ﺷﺠﺮ ﺍﻟﺴﻠﻢ ﺷﻔﻨﺎ ﺍﻟﺠﻤﻞ
ﻣﺮﺑﻮﻁ_
ﻭﻏﻨﻴﻤﺎﻳﺎﺕ ﺿﻌﺎﻑ ﺭﺍﻋﻴﻬﺎ ﺷﺎﻳﻞ
ﺍﻟﺴﻮﻁ_ ﻳﺎﺃﻡ ﺍﻟﺤﺴﻦ
ﻟﻴﻚ ﻣﻨﻲ ﺃﻟﻒ ﺳﻼﻡ_ ﻛﻔﻴﺘﻲ ﺍﻟﻤﺴﺎﻓﺮﻳﻦ
ﺑﻲ ﺃﻟﺬ
ﻃﻌﺎﻡ_ ﻣﺎﻗﺼﺮﺗﻲ ﺗﺐ ﻭﻣﺎﻓﻴﻜﻲ ﺃﻱ
ﻛﻼﻡ_ ﺗﻐﺸﺎﻙ
ﺭﺣﻤﺔ ﺍﻝ ﻟﻠﻀﻌﻴﻒ ﺭﺣﺎﻡ_ ﻳﺎﺣﻠﻴﻞ
ﺍﻟﻘﺒﻮﻻﺏ ﺃﺻﺒﺤﺖ
ﻣﻬﺠﻮﺭﺓ_ ﻋﺪﻣﺎﻧﺔ ﺍﻟﺒﺸﺮ ﺗﺤﻠﻒ ﺗﻘﻮﻝ
ﺑﺲ ﺻﻮﺭﺓ_ ﻓﻲ
ﺍﻟﺪﺭﺏ ﺍﻟﻘﺪﻳﻢ ﻛﺎﻧﺖ ﺩﻭﺍﻡ ﻣﺸﻜﻮﺭﺓ_
ﺑﻘﺖ ﺃﻃﻼﻝ
ﺧﻼﺹ ﻭﺳﻂ ﺍﻟﺮﻣﺎﻝ ﻣﻄﻤﻮﺭﺓ_ ﺇﺗﻮﻗﻔﻨﺎ
ﻓﻲ ﺍﻟﺘﻤﺘﺎﻡ
ﻭﻗﻠﻨﺎ ﻧﺮﻳﺢ_ ﺳﻴﺪ ﺍﻟﻘﻬﻮﺓ ﺷﺎﻓﻨﺎ ﻭﻗﺎﻡ
ﻋﻠﻴﻨﺎ ﻳﺼﻴﺢ_
ﺍﻟﻔﻮﻝ ﻣﺎﻛﻌﺐ ﻟﻜﻴﻦ ﺭﻏﻴﻔﻮ ﻳﻘﻤﺢ_
ﺧﻔﻨﺎ ﻧﺠﺎﺭﻃﻮﺍ
ﻳﺴﺮﻗﻨﺎ ﺍﻟﻨﻬﺎﺭ ﻭﻳﺮﻭﺡ_ ﻗﺒﻞ ﺍﻟﻤﻠﺘﻘﻰ
ﻣﺮﻳﻨﺎ ﺑﺎﻟﺘﻔﺘﻴﺶ_
ﻋﺮﺑﻴﺘﻴﻦ ﻛﺠﺮ ﻣﺎﻫﻦ ﺑﺘﺎﻋﺎﺕ ﺟﻴﺶ_
ﺍﻟﻀﺎﺑﻂ ﻏﻤﺰ ﻗﺎﻝ
ﺍﻟﺒﺘﺎﻉ ﻣﺎﻓﻴﺶ_ ﻛﺎﻥ ﻗﺎﺻﺪ ﺍﻟﻮﺻﻞ ﻭﺃﻧﺎ
ﻋﻘﻠﻲ ﻗﺎﻝ
ﺑﻘﺸﻴﺶ_ ﻭﺻﻠﻨﺎ ﺍﻟﻤﻠﺘﻘﻰ ﻭﺣﺲ
ﺍﻟﻄﻨﺎﺑﻴﺮ ﺟﺎﻧﺎ_
ﻭﺍﻟﺸﻮﻕ ﻟﻠﺒﻠﺪ ﺑﻘﻰ ﺯﻱ ﻟﻬﻴﺐ ﺍﻟﺰﺍﻧﺔ_
ﻧﺰﻟﻮﺍ ﻭﻻﺩ ﻗﻨﺘﻲ
ﺍﻟﻜﺎﻧﻮﺍ ﺭﻛﺒﻮﺍ ﻣﻌﺎﻧﺎ_ ﻭﺩﻋﻨﺎﻫﻢ ﺍﻹﻳﺪﻳﻬﻮ
ﻳﻮﺕ ﺣﺎﻣﻴﺎﻧﺎ_
ﻭﺍﺻﻠﻨﺎ ﺍﻟﻤﺴﻴﺮ ﻭﻋﺪﻳﻨﺎ ﺑﺎﻟﺼﻴﻨﻴﺔ_
ﻭﺍﻟﺴﻮﺍﻕ ﻛﻤﺎﻥ
ﺩﺍﺱ ﺍﻷﺑﻨﺼﻲ ﺷﻮﻳﺔ_ ﺑﺎﻟﺴﻴﺎﻝ ﻋﺒﺮ
ﻋﺪﺍﺩﻭ ﻓﺎﺕ ﺍﻟﻤﻴﺔ_
ﺟﻴﻨﺎﻙ ﻳﺎﺭﻣﺎﻝ ﺣﻠﺘﻨﺎ ﻧﺎﺭﻙ ﺣﻴﺔ_ ﻧﺎﺱ
ﺃﺑﺪﻭﻡ ﻗﻮﺷﺎﺑﻲ
ﻫﺪﺍﻙ ﻧﺨﻴﻠﻦ ﺑﺎﻥ_ ﻭﻗﻴﺰﺍﻥ ﺍﻟﺮﻣﺎﻝ ﺑﺲ
ﺍﻟﺘﻘﻮﻝ
ﻃﻮﻓﺎﻥ_ ﻳﺎﻫﺎ ﺑﻠﺪ ﻧﺴﺎﺑﺘﻲ ﻭﻋﻨﺪﻱ ﻟﻴﻬﺎ
ﺣﻨﺎﻥ_ ﻧﺎﺧﺪ ﻓﻴﻬﺎ
ﻳﻮﻣﻴﻦ ﺃﻭ ﺗﻼﺗﻲ ﻛﻤﺎﻥ_ ﺿﺎﻳﺮﻧﺎ ﺍﻟﻌﻔﺶ
ﻭﺟﻤﺐ
ﺍﻟﻤﻈﻠﺔ ﻧﺰﻟﻨﺎ_ ﻭﺭﺟﻴﻨﺎ ﺍﻷﺗﻮﺱ ﺍﻟﺒﻴﻬﺎ ﻧﻨﺰﻝ
ﺃﻫﻠﻨﺎ_ ﻳﺎﺧﺎﻟﺪ
ﺗﻌﺎﻝ ﻣﻦ ﺍﻟﺴﻤﻮﻡ ﺣﺼﻠﻨﺎ_ ﻗﺎﻝ ﺣﺮﻡ
ﺩﻗﺎﻳﻖ ﺑﺲ ﻳﺠﻴﻨﺎ
ﻳﺼﻠﻨﺎ_ ﺷﺎﻗﻘﻨﺎ ﺍﻟﻜﺮﺍﺭﻕ ﻭﺑﺎﻟﻌﺮﺏ ﻣﺮﻳﻨﺎ_
ﻗﺒﺐ
ﺍﻟﺼﺎﻟﺤﻴﻦ ﻭﻣﺮﻛﺰ ﻗﻮﺷﺎﺑﻲ ﻳﻤﻴﻨﺎ_
ﺍﻟﺠﺎﻣﻊ ﺍﻟﻘﺮﻳﺐ ﻣﻦ
ﻧﺎﺱ ﻣﻬﺎﺟﺮ ﺯﻳﻨﺔ_ ﺣﻤﺪﻳﻞ ﺍﻟﺴﻼﻡ ﺧﻔﻒ
ﺗﻌﺒﻨﺎ ﺍﻟﻔﻴﻨﺎ_
ﻗﻌﺪﻧﺎ ﺍﻳﺎﻡ ﻣﻌﺎﻫﻢ ﻓﻲ ﺍﻟﻜﺮﻡ ﻭﺍﻟﺠﻮﺩ_
ﻧﺎﺱ ﻃﻴﺒﻴﻦ
ﺃﺻﻞ ﻭﻟﻴﻬﺎ ﺍﻟﻔﺮﺍﺳﺔ ﺟﺪﻭﺩ_ ﺩﺭﻧﺎ ﺍﻟﻘﻌﺪﺓ
ﺇﻻ ﺯﻣﻨﻨﺎ ﻛﺎﻥ
ﻣﺤﺪﻭﺩ_ ﺑﻨﻌﻴﺪ ﺍﻟﺰﻳﺎﺭﺓ ﺇﻥ ﺷﺎﺀﻟﻨﺎ
ﺍﻟﻤﻌﺒﻮﺩ_ ﺟﺎﺕ ﺣﺎﻓﻠﺔ
ﺧﻤﻴﺲ ﺑﻌﺪ ﺍﻟﺸﻤﺶ ﻣﺎﺣﺮﺕ_ ﺗﺘﻀﺮﻉ
ﻣﺘﻞ ﺑﻘﺮﺓ
ﺣﺴﻮﻧﺔ ﺍﻟﺪﺭﺕ_ ﻭﻗﻔﺖ ﻛﻢ ﺑﻜﺎﻥ ﻭﻣﻦ
ﺍﻟﺸﻮﺍﺭﻉ ﺟﺮﺕ_
ﻭﺍﻟﻌﺎﺩﻡ ﻳﻜﻮﺭﻙ ﺑﺲ ﺗﻘﻮﻝ ﻳﺘﺸﺮﻁ_ ﻣﻦ
ﺍﻟﺼﻴﻨﻴﺔ ﻗﺒﻠﻨﺎ
ﻭﻛﺴﺮﻧﺎ ﺷﻤﺎﻝ_ ﺭﻛﺒﻮﺍ ﻣﻌﺎﻧﺎ ﻣﺮﺗﻴﻦ ﻭﺯﻱ
ﺗﻤﺎﻧﻴﺔ
ﺭﺟﺎﻝ_ ﻻﻗﺘﻨﺎ ﺍﻟﻤﻘﺎﺑﺮ ﺫﻛﺮﺗﻨﻲ ﺟﻤﺎﻝ_
ﺍﻟﺬﻛﺮﺍﻫﻮ ﻳﻮﺕ
ﺣﻴﺔ ﻭﺩﻭﺍﻡ ﻓﻲ ﺍﻟﺒﺎﻝ_ ﺍﻟﺴﻮﺍﻕ ﺧﻤﻴﺲ
ﻗﺎﻝ ﻋﻨﺪﻭ
ﻏﺸﻮﺓ ﻗﻨﺘﻲ_ ﺑﺎﺭﻳﻨﺎ ﺍﻟﺪﺭﺏ ﺍﻝ ﺑﺎﻟﺤﺠﺎﺭ
ﻣﺘﻐﺘﻲ_ ﻫﺮﺟﺖ
ﻓﻴﻬﻮ ﻭﺍﺣﺪﺓ ﻣﺼﻨﻘﺮﻳﻦ ﻣﻦ ﺳﺘﻲ_
ﻣﺎﺷﻴﻦ ﺃﻡ ﺣﻘﻴﺐ
ﻭﻣﻘﻴﻠﻨﺎ ﻣﻨﺼﻮﺭﻛﺘﻲ_ ﻏﺸﻴﻨﺎﻫﺎ ﺍﻡ
ﺣﻘﻴﺐ ﻭﺍﺭﺗﻤﻮﻗﺔ
ﻣﻌﺎﻫﺎ_ ﻓﻘﻴﺮﺗﻲ ﺍﻟﻌﻠﻢ ﻛﻴﻔﻦ
ﺑﻨﺘﺨﻄﺎﻫﺎ_ ﻣﻨﺼﻮﺭﻛﺘﻲ
ﺑﻲ ﻏﺎﺩﻱ ﺍﻟﻨﺨﻴﻞ ﻏﻄﺎﻫﺎ_ ﻳﺎﺭﺑﻲ ﺍﻟﻜﻠﺪ
ﺑﻲ ﻧﺎﺳﺎ ﻳﻮﺕ
ﺗﺤﺠﺎﻫﺎ_ ﺣﺴﻴﻨﺎﺭﺗﻲ ﺍﻟﻤﻌﺰﺓ ﻭﻓﻲ
ﺍﻣﺒﻜﻮﻝ ﻓﺮﺍﺱ_
ﻭﺍﻟﺤﻦ ﻓﻲ ﺟﻮﺍﺭﻱ ﻭﺑﺎﻟﻄﻴﺒﺔ ﻳﻤﻠﻮﺍ
ﺍﻟﺮﺍﺱ_ ﻣﻘﻠﻨﺎﺭﺗﻲ
ﺍﻟﺠﺪﻭﺩ ﻛﺘﺒﻮﻫﺎ ﻓﻲ ﺍﻟﻜﺮﺍﺱ_ ﻭﻳﺎﻛﻮﺭﺗﻲ
ﺍﻟﺒﻄﻮﻟﺔ
ﺍﻟﻔﻴﻜﻲ ﻣﺎﺑﺘﻨﻘﺎﺱ_ ﻓﺮﻳﻖ ﺍﻟﺒﻴﻀﺎ ﻓﺘﻨﺎﻫﻮ
ﻭﻛﺬﻟﻚ
ﺃﻣﺮﻱ_ ﻟﻲ ﻧﺎﺱ ﺍﻟﻐﺮﻳﺒﺔ ﻃﺮﻳﺖ ﻭﻭﻟﻊ
ﻓﻜﺮﻱ_ ﻃﻮﻳﻨﺎ
ﺍﻟﺒﺎﺳﺎ ﻓﻲ ﻟﺤﻈﺎﺕ ﺳﺮﻳﻊ ﻣﻦ ﺑﺪﺭﻱ_
ﻳﺎﺃﻭﺳﻠﻲ ﺍﻟﺠﻤﺎﻝ
ﺍﻟﻔﻴﻜﻲ ﺣﻴﺮ ﺃﻣﺮﻱ_ ﺟﺎﺕ ﻣﺴﺎﻭﻱ ﺑﻠﺪ
ﺃﺻﺤﺎﺑﻲ ﻧﺎﺱ
ﺍﻟﻜﻨﺪﻱ_ ﻋﺪﻳﻨﺎ ﺍﻟﺼﻔﺎ ﻭﺑﻌﺪﻳﻬﻮ ﻟﻲ ﻗﻮﺯ
ﻫﻨﺪﻱ_ ﻣﺮﺣﺐ
ﻗﻮﺯ ﻗﺮﺍﻓﻲ ﺍﻟﺒﻴﻬﻮ ﻛﺎﺭﺏ ﺯﻧﺪﻱ_ ﺣﻲ
ﺍﻟﺸﺎﻃﻲ ﻟﻴﻜﺎ
ﺳﻼﻡ ﻛﺘﻴﺮ ﻣﻦ ﻋﻨﺪﻱ_ ﻗﺎﺻﺪﻧﺎ ﺍﻟﻜﺮﻱ
ﻭﺣﻠﺔ ﺍﻟﻌﺎﻣﺮﺍﺏ_
ﺍﺑﻮﺭﻏﻴﻮﺓ ﻭﺍﺑﻮﺭﻧﺎﺕ ﻧﺸﻮﻓﺎ ﺭﻫﺎﺏ_
ﺗﻨﻘﺎﺳﻲ ﺍﻟﺮﻭﻳﺲ
ﻭﺍﻟﺴﻮﻕ ﺻﺒﺎﺣﻜﻢ ﻃﺎﺏ_ ﻭﺣﻲ ﻧﺎﺱ
ﺳﻤﻌﺮﻳﺖ
ﻳﺎﻣﺮﺣﺒﺎﺑﻮ ﺣﺒﺎﺏ_ ﻭﻛﺖ ﻗﺮﺑﻨﺎ ﻣﻦ ﻓﺘﻨﺔ
ﻭﻭﺻﻠﻨﺎ ﺍﻟﻤﻴﺲ_
ﺇﺗﺘﺎﻭﻗﻨﺎ ﻟﻲ ﺧﻠﻮﺓ ﻭﻻﺩ ﺇﺩﺭﻳﺲ_ ﺣﺎﻓﻈﻴﻦ
ﺍﻟﻜﺘﺎﺏ ﻭﻓﻲ
ﻋﻴﻨﻮ ﻃﻌﻨﻮﺍ ﺍﺑﻠﻴﺲ_ ﻋﺎﻣﺮ ﺟﻤﻌﻜﻢ ﺇﻥ
ﺷﺎﺍﻟﻠﻪ ﻣﺎﻫﻮ
ﺗﻌﻴﺲ_ ﺟﺰﻳﺮﺓ ﺍﻟﺘﻠﺒﻨﺎﺏ ﻭﺣﺘﻰ ﺍﻟﺪﺑﻴﺒﺔ
ﺍﻟﻔﻮﻕ_ ﺩﺭﻧﺎﻻ
ﺍﻟﻨﺰﻭﻝ ﺇﻻ ﺍﻟﺰﻣﻦ ﻣﺎﺑﺤﻮﻕ_ ﺣﻲ
ﺍﻟﺮﺍﺷﺪﻳﻦ ﺑﻲ ﺗﻤﺮﻭ
ﻻﺑﺲ ﻃﻮﻕ_ ﻋﺪﻳﻨﺎ ﺍﻟﻤﻨﺎﺭﺓ ﻭﻓﻴﻬﺎ ﺯﺍﺩ
ﺍﻟﺸﻮﻕ_ ﻭﻛﺖ
ﺣﺼﻠﻨﺎ ﺃﺑﺪﻭﻡ ﺍﻟﺠﺒﻴﻦ ﺇﺗﻔﺮ_ ﺍﻟﻘﻠﺐ
ﺇﻧﺸﺮﺡ ﺑﻘﻰ ﺯﻱ
ﺟﻨﺎﺡ ﺍﻟﻔﺮﺓ_ ﺩﺍﺧﻠﻴﻦ ﻣﺮﻭﻱ ﻳﺎﺩﻭﺏ ﻓﻲ
ﺍﻟﺘﻘﺎﻃﻊ ﺑﺮﺓ_
ﺇﺗﺪﻟﻴﻨﺎ ﺟﻤﺐ ﺍﻟﻨﺎﺩﻱ ﻓﻲ ﻓﺪ ﻣﺮﺓ_ ﺳﻤﻚ
ﺍﻟﺴﺪ ﺿﺮﺑﻨﺎﻫﻮ
ﻭﺷﺮﺑﻨﺎ ﺍﻟﺸﺎﻱ_ ﺃﺑﺸﻌﺐ ﺍﻟﺤﺒﻴﺐ ﺍﻟﺸﻨﻄﺔ
ﺷﺎﻻ ﻣﻌﺎﻱ_
ﻫﺎﻳﺴﺎﺕ ﻧﻮﺭﻱ ﻭﻳﻦ ﻗﺎﻝ ﺍﻟﻤﻘﺒﻠﺔ ﺟﺎﻱ_
ﻛﺎﻥ ﻭﺍﻟﻠﻪ
ﻃﺸﻴﺖ ﺇﻥ ﺭﻛﺒﺖ ﺑﺮﺍﻱ_ ﺃﺑﻴﻨﺎﻫﺎ ﺍﻷﺗﻮﺱ
ﻭﺭﻛﺒﻨﺎ ﻫﺎﻳﺲ
ﻋﺎﺩﻱ_ ﺷﻘﺎﺑﻨﺎ ﺍﻟﻌﻤﺎﺭ ﻻﻣﻦ ﻣﺮﻗﺒﻨﺎ
ﻏﺎﺩﻱ_ ﺩﻭﻳﻢ ﻭﺩﺣﺎﺝ
ﺳﻼﻡ ﻳﺎﺍﻟﻔﻴﻜﺎ ﺟﺪ ﺃﺟﺪﺍﺩﻱ_ ﺷﺎﻳﻖ ﺟﺪﻧﺎ
ﺍﻟﻤﺎﺕ ﻓﻲ
ﺗﺮﺍﺑﻚ ﺭﺍﺿﻲ_ ﺍﻟﺴﻘﺎﻱ ﻇﻬﺮ ﻭﺑﺎﻥ
ﺍﻟﺠﺮﻳﻒ ﻭﻧﺨﻴﻠﻮ_
ﻭﺷﻮﻑ ﺟﺒﻞ ﺍﻟﺤﻘﺎﺏ ﺿﺎﻣﻲ ﺍﻟﻤﻠﻮﻙ
ﻃﺮﺑﻴﻠﻮ_ ﻳﺎﺳﻮﺍﻕ
ﻫﺪﺍﻙ ﺩﺭﺏ ﺍﻟﺘﺮﻙ ﻋﺪﻳﻠﻮ_ ﻗﻤﺮﻱ ﺍﻟﻤﻨﻘﺔ
ﻣﻦ ﺑﻲ ﻓﻮﻕ
ﻳﺠﻴﻨﺎ ﻫﺪﻳﻠﻮ_ ﺷﻘﻴﻨﺎ ﺍﻟﺠﻨﺎﻳﻦ ﻻﻣﻦ
ﻭﺻﻠﻨﺎ ﺑﻼﻟﺔ_ ﺍﻟﺮﺣﻠﺔ
ﺍﻧﺘﻬﺖ ﻓﻲ ﺍﻟﻜﺒﺮﻱ ﺟﻤﺐ ﺍﻟﻨﺎﻟﺔ_ ﻛﻴﻒ
ﻳﺎﺍﺧﻴﻨﺎ ﺃﺧﺒﺎﺭﻙ
ﻭﻛﻴﻒ ﺍﻟﺤﺎﻟﺔ_ ﻛﻞ ﺍﻟﻨﺎﺱ ﺗﻤﺎﻡ ﻭﺍﻟﺤﺎﻟﺔ
ﻣﻲ ﺑﻄﺎﻟﺔ