شديرة الحن ابراهيم ابنعوف

ﻟﻘﻴﺘﻚ ﻓﻲ ﺯﻣﻦ ﻭﺧﺮﻱ ﺑﻌﺪ ﻣﺎ ﺃﺗﺮﺑﺖ
ﻓﻴﻚ ﺭﺟﺎﻱ
ﻃﻠﻌﺘﻲ ﻣﻦ ﺍﻟﻘﺪﺭ ﻧﻔﺤﺔ ﻭﺳﻤﺎﺡ ﻗﺪﺭﺍً
ﻳﺠﻴﺒﻚ ﺟﺎﻱ
***
ﺻﺒﺎﺣﻚ .. ﻳﺎﺭﺑﻴﻊ ﻣﺰﻫﺮ ﻧﻬﺎﺭﻙ .. ﻳﺎﺧﺮﻳﻒ
ﺑﻜﺎﻱ
ﻭﻣﺴﺎﻙ..ﻭﻛﺖ ﻳﻤﺴﻲ ﺍﻟﺸﻮﻕ ﻋﻠﻲ ﻫﺪﺏ
ﺍﻟﻨﺠﻮﻡ ﻧﺎﺟﺎﻱ
ﻭﺃﺷﻴﻞ ﻃﻤﺒﻮﺭﻱ ﺃﻧﻘﻨﻖ ﻟﻚ ﻋﺸﺎﻥ ﺭﻳﺪﻙ
ﺑﻘﻴﺖ ﻏﻨﺎﻱ
ﺩﻩ ﺭﻳﺪﻙ ﺃﻟﻒ ﻟﻴﻠﻪ ﻭﻟﻴﻞ ﻭﻃﻮﻝ ﺍﻟﻠﻴﻞ
ﻋﻠﻲ ﺍﻟﺤﺠﺎﻱ
***
ﺭﺟﻴﺘﻚ ﺑﺎﻟﺴﻨﻴﻦ ﻭﺩﻧﻴﻦ ﺃﺩﻭﺩﺭ ﻓﻲ ﺍﻟﺼﺒﺮ
ﺗﺎﻻﻱ
ﻭﻛﺖ ﺿﻬﺮ ﺍﻟﺼﺒﺮ ﻳﺘﻘﺺ ﺃﻗﻴﻒ ﻭﺃﻟﺰﻡ
ﻫﻤﻮﻣﻲ ﺑﺮﺍﻱ
ﻭﺃﺷﻮﻓﻚ ﺑﻴﻦ ﻏﻴﻮﻡ ﺍﻟﺸﻚ ﺑﺮﻳﻖ ﺷﺎﻳﻞ
ﺍﻷﻣﻞ ﺿﻮﺍﻱ
ﺃﺷﺎﺑﻲ ﻋﻠﻴﻚ ﻣﻄﻴﺮ ﻳﻨﺰﻝ ﻳﻐﺴﻞ ﻓﻲ
ﺩﻭﺍﺧﻠﻲ ﺃﺳﺎﻱ
***
ﺭﺟﺎﻙ ﻻ ﻛﺎﻥ ﻣﻴﻌﺎﺩ ﺑﻴﻨﺎﺗﻨﺎ ﻻﻋﺮﻓﻪ
ﻭﻭﺻﻒ ﻫﺪﺍٌﻱ !
ﺳﻮﻱ ﺻﻮﺭﺓ ﻣﺠﻬﺠﺔ ﻓﻜﺮﻱ ﺗﺮﺳﻤﺎ ﻧﺰﻋﻪ
ﻣﻦ ﺟﻮﺍﻱ
ﻭﺃﻗﻴﻒ ﻣﺎ ﺑﻴﻦ ﺣﻨﻴﻦ ﺭﺅﻳﺎﻙ ﻭﺟﻦ
ﺍﻟﻌﺎﺷﻖ ﺍﻟﻐﻮﺍﻱ
ﺃﻣﺪ ﺇﻳﺪﻱ ﻋﻠﻲ ﺍﻟﻤﺠﻬﻮﻝ ﻋﺴﺎﻱ ﺗﺼﺪﻑ
ﻳﺪﺍﻙ ﻳﺪﺍﻱ
***
ﺃﻏﻨﻴﻚ ﻗﺒﻠﻤﺎ ﺃﻟﻘﺎﻙ ﻭﺗﺨﻴﻞ ﻓﻮﻗﻚ ﻗﻮﺍﻓﻲ
ﻏﻨﺎﻱ
ﻭﺃﻻﻗﻴﻚ ﻳﺎﺷﺪﻳﺮﺓ ﺍﻟﺤﻦ ﺑﻌﺪ ﺩﺭﺩﺡ ﻏﻨﺎﻙ
ﺑﻼﻱ
ﺷﻤﻴﺴﻦ ﻓﻲ ﻧﻬﺎﺭ ﻭﺍﺣﺪ ﻗﺪﺭﺓ ﺍﻟﺨﺎﻟﻖ
ﺍﻟﺴَﻮﺍﻱ
ﺷﻤﺲ ﺿﻼً ﺳﻤﺎﻱ ﻓﻴﻬﺎ ﻭﺷﻤﺲ ﺣﺠﺒﺖ
ﻋﻠﻲ ﺭﺅﺍﻱ
***
ﻟﻘﻴﺘﻚ ﻻﻧﻲ ﺣﺎﻥ ﻟﻠﻤﺎﺿﻲ ﻻ ﻧﺪﻣﺎﻥ ﻋﻠﻴﻪ
ﺻﺒﺎﻱ
ﻣﺤﻄﺎﺕ ﺍﻟﻌﻤﺮ ﻳﻤﻀﻲ , ﻭﻛﻤﺎﻥ , ﻋﺠﻞ
ﺍﻟﺰﻣﻦ ﺟﺮَﺍﻱ
ﺳﻤﺎﺣﺔ ﺍﻟﺪﻧﻴﺎ ﻓﻲ ﻋﻴﻨﻴﻚ ﻭﻟﻘﺎﻙ ﻋﻠﻲ
ﺍﻟﻤﻮﺩﺓ ﺟﺰَﺍﻱ
ﺟﺰﺍﻱ ﻋﻠﻲ ﺍﻷﻗﻞ ﺷﻔﺘﻚ ﻭﻛﺖ ﺷﻮﻓﺘﻚ
ﻋﻠﻲ ﻛﻔﺎﻱ